ប្រធានាធិបតីត្រៀមចូលនិវត្តន៍នៃប្រទេសហ្វីលីពីន Benigno Aquino បានអំពាវនាវឱ្យប្រជាជនការពាររបបប្រជាធិបតេយ្យ និងសេរីភាព ខណៈលោកព្រមានថា អំណាចយោធាក្រោមការគ្រប់គ្រងរបស់ មេដឹកនាំជនផ្ដាច់ការ Ferdinand Marcos អាចកើតមានម្ដងទៀត ។
លោក Benigno Aquino បារម្ភដូចនេះស្របពេល ប្រទេសហ្វីលីពីន នឹងមានមេដឹកនាំថ្មី ជំនួសលោក គឺប្រធានាធិបតី ជាប់ឆ្នោត Rodrigo Duterte នឹងចូលកាន់តំណែង នៅខាងមុខនេះ។
លោក បារម្ភ លោក Rodrigo Duterte ដឹកនាំប្រទេស ទៅរកបប យោធានិយម ដែលលោកចោទថា លោក Rodrigo Duterte នឹងដឹកនាំប្រទេស គួរឱ្យភ័យខ្លាច ហើយអាចប៉ះពាល់ការគោរពសិទ្ធិមនុស្ស។
ប្រធានាធិបតីជាប់ឆ្នោត Rodrigo Duterte បានថ្លែងប្រាប់ជនរួមជាតិហ្វីលីពីនថា លោកនឹងបង្កើតច្បាប់ពិសេសមួយ ដើម្បីគ្រប់គ្រងប្រទេសគឺច្បាប់ប្រឆាំងក្រុមមនុស្ស ដែលចូលចិត្តសាបព្រោះ អំពើហិង្សា និងប្រព្រឹត្តអំពើពុករលួយ ។ ការប្រកាន់ជំហររបស់លោក Rodrigo Duterte ដូចនេះ ដែលធ្វើឱ្យអ្នកនយោបាយហ្វីលីពីន ព្រួយបារម្ភគឺខ្លាច ការបង្ក្រាបរីករាលដាលឱ្យមានចរឹកសងសឹង៕
