បារាំង ៖ រដ្ឋាភិបាលប្រទេសបារាំង បានឲ្យដឹងថា ខ្លួនគាំទ្រប្រទេសចំនួន ៦ ដែលបានដាក់សំណើទៅកាន់ តុលាការព្រហ្មទណ្ឌអន្ដរជាតិ ICC ដើម្បីកាត់ទោស ទៅលើករណី ហិង្សានយោបាយ និងរំលោភសិទ្ធិមនុស្ស ក្រោមការដឹកនាំរបស់ប្រធានាធិបតី វេណេហ្ស៊ូអេឡា នីកូឡាស ម៉ាឌូរ៉ូ។
កាលពីសប្ដាហ៍មុន ប្រទេសចំនួន ៦ នៃទ្វីបអាមេរិក ខាងត្បូង បានដាក់សំណើទៅកាន់តុលាការព្រហ្មទណ្ឌអន្ដរជាតិ ICC ករណីមេដឹកនាំ ម៉ាឌូរ៉ូ ដោយចោទប្រកាន់ពីបទឧក្រិដ្ឋកម្មប្រឆាំងមនុស្សជាតិ។ ប្រទេសទាំង ៦ នេះ រួមមាន ប្រទេស កាណាដា ប្រេស៊ីល អាហ្សង់ទីន កូឡ៊ុំប៊ី ប៉េរ៉ូ និងប្រទេសអេក្វាឌ័រ។ ចំណែកឯប្រទេសបារាំង ដែលត្រូវបានចុះផ្សាយដោយ សារព័ត៌មានបារាំង RFI។ សារព័ត៌មានបារាំង RFI បានចុះផ្សាយថា ប្រធានាធិបតីបារាំង លោក Emmanuel macron បានគាំទ្រប្រទេសទាំង៦នេះ ដែលបានប្ដឹងទៅតុលាការព្រហ្មទណ្ឌអន្ដរជាតិ ICC ដែលប្ដឹងសុំឲ្យជំនុំជម្នះក្ដីមេដឹកនាំវេណេហ្ស៊ូអេឡាដូចករណីខាងលើនេះ។
ប្រទេស វេណេហ្ស៊ូអេឡា បច្ចុប្បន្នស្ថិតនៅក្រោមការដឹកនាំរបស់ នីកូឡាស ម៉ាឌូរ៉ូ ដែលត្រូវបានពួកបច្ចិមប្រទេស ចាត់ទុកថា មាការរំលោភសិទ្ធិមនុស្សធ្ងន់ធ្ងរចាត់តាំងពីពាក់កណ្ដាលឆ្នាំ២០១៦មក ដោយសម្លាប់មនុស្សក្រៅប្រព័ន្ធប្រមាណជា ១៣០នាក់ ដែលជនរងគ្រោះសុទ្ធសឹងជាសកម្មជនគណបក្សប្រឆាំង។ លោក នីកូឡាស ម៉ាឌូរ៉ូ បានរំលាយសមាជិកសភារបស់គណបក្សប្រឆាំង ដែលនាំឲ្យផ្ទុះការតវ៉ាកើតឡើង។ វាគឺជាលើកដំបូងហើយដែលប្រទេសបារាំង ស្ថិតក្នុងទ្វីបអឺរ៉ុប បានគាំទ្រឲ្យមានតុលាការអន្ដរជាតិ ជំនុំជម្រះក្ដីមេដឹកនាំ វេណេហ្ស៊ូអេឡា ដែលកំពុងរងការថ្កោលទោសជាខ្លាំងពីសំណាក់ សហរដ្ឋអាមេរិក និងសហភាពអឺរ៉ុប ករណីហិង្សានយោបាយ៕
