ប្រមាណ១៥០កាស៊ីណូជាទីតាំងលេងល្បែងស្របច្បាប់កំពុងបើកដំណើរនៅកម្ពុជា ។នេះបានតាមសារព័ទ៌មាន Asianews ចុះផ្សាយនៅថ្ងៃ២ ខែមករា។ នៅខេត្តជាប់ឆ្នេរនៃទិសនរតី ក្រុងព្រះសីហនុមានដល់ទៅ៨៨កាស៊ីណូ គឺជានិយ័តកម្មជំនួញល្បែងនៅកម្ពុជា។នេះបើតាមសម្ដីរបស់លោក ភីរុម អគ្គនាយករងនៃអគ្គនាយកដ្ឋានឧស្សាហកម្មហិរញ្ញ្ញវត្ថុនៃក្រសួងសេដ្ឋកិច្ច។ តាមសារព័ត៌មានដដែលនោះបានបញ្ជាក់ថាច្បាប់កម្ពុជាបានហាមឃាត់មិនឱ្យប្រជាពលរដ្ឋខ្លួនចូលក្នុងកាស៊ីណូអស់នោះទេ ពោលគឺ បើកឡើងជាសេវាកម្ម បម្រើតែជនបរទេសប៉ុណ្ណោះ។
កម្ពុជាបានផ្តល់អាជ្ញាប័ណ្ណចំនួន 52 នៅកាស៊ីណូនៅឆ្នាំ 2018 ។ ក្រសួងសេដ្ឋកិច្ចនិងហិរញ្ញវត្ថុបានរាយការណ៍ថាចំនួនកន្លែងលេងល្បែងកើនឡើង 53 ភាគរយធៀបនឹងឆ្នាំមុន។
ទិន្នន័យនេះបានធ្វើឱ្យមជ្ឍដ្ឋានទាំងឡាយកំពុងប្រដូចថា ខេត្តជាប់ឆ្នេរកម្ពុជាប្រៀបខ្លួននឹងក្រុងម៉ាកាវប្រទេសចិន។ ទន្ទឹមនឹងនេះគេក៏ឃើញសំណង់អាគារដោយលំហូរវិនិយោគចិន និង កំណើនអចលនទ្រព្យពិតជាកើនឡើងជាខ្លាំង។
យ៉ាងណាមិញ គេ វាយតម្លៃថា វត្តមានកើនឡើងឥទ្ធិពលចិន និង វិនិយោគនេះ ជាពិសេសនៅភូមិភាគនិរតីនៃប្រទេសកម្ពុជាកើតមាននូវអស្ថេរភាព និងឧក្រិដ្ឋកម្មជាញឹកញាប់។
ក្រុមអ្នកសិក្សាសង្គម យល់ថា វត្តមាននៃកន្លែងបនល្បែងបង្កឱ្យមាននូវការព្រួយបារម្ភជាពិសេសអ្នកក្នុងតំបន់តែម្ដង បើទោះប ប្រជាជនកម្ពុជាមិនអនុញ្ញាតឱ្យទៅរកសេវាកម្មល្បែងកម្សាន្ដនៅកាស៊ីណូ ។តែរបាយការណ៍របស់អង្គការទាំងឡាយស្វែងរកគណនេយ្យភាពសង្គម មើលឃើញថា ប្រជាពលរដ្ឋរស់នៅទីនោះធ្លាក់ក្នុងភាពក្រីក្រ។
ក្រុមអ្នកសិក្សាសង្គម ថាក្រុងព្រះសីហនុ គឺជាតំបន់អភិវឌ្ឍធំមួយ ដែលកំពុងវាយលុកដោយជនជាតិចិន ក្រុមហ៊ុនចិន កាន់កាប់ដីធ្លី អាគារធំៗ និង អាជីវកម្មនានា ដែលបានគម្រាមកំហែង បង្ខំឱ្យពលរដ្ឋ អាជីវករក្នុងស្រុក បរទេសមួយចំនួន ធ្វើចំណាកស្រុក លក់ផ្ទះសំបែង និង ទៅរកស៊ីនៅខេត្តផ្សេងៗ ៕
