យោងតាមរបាយការណ៍របស់លេខាធិការដ្ឋានច្រកចេញចូលតែមួយបង្ហាញថា កម្ពុជានំាអង្ករចេញទៅក្រៅប្រទេសជាង៦៣ម៉ឺនតោនកើនឡើង១៧.៣០ភាគរយ បើធៀបទៅនឹងរយៈពេលដូចគ្នានៅឆ្នំា២០១៦នំាអង្ករចេញជាង៥៤ម៉ឺនតោន។
របាយការណ៍នេះបញ្ជាក់ថាប្រទេសចិននំាអង្ករពីកម្ពុជាច្រើនជាងគេជិត២០ម៉ឺនតោន បារំាងជិត៨ម៉ឺនតោននិងប្រទេសប៉ូឡូញជាង៤ម៉ឺនតោនក្នុងចំណោមប្រទេសចំនួន៦០កម្ពុជានំាអង្ករចេញ។
ក្រុមហ៊ុន Cristal Rice បាននំាអង្ករចេញច្រើនជាងគេជាង៧ម៉ឺនតោនក្នុងចំណោមក្រុមហ៊ុនចំនួន៨៤។
គួររំលឹកថាការនាំចេញអង្ករចាប់ពីខែមករាដល់ខែវិច្ឆិកា ឆ្នំា ២០១៧ បានជិត៦០ម៉ឺនតោនកើនឡើង១៧.២០ភាគរយបើធៀបទៅនិងរយៈពេលដូចគ្នាកាលពីឆ្នាំ២០១៦ជាង៤៧ម៉ឺនតោន។
ប្រទេសចិនបញ្ជាទិញអង្ករពីកម្ពុជា ៣០ម៉ឺនតោនក្នុងមួយឆ្នាំៗ។ប្រទេសកម្ពុជាផលិតស្រូវជាង៩លានតោនក្នុងមួយឆ្នាំនិងមានអង្ករជាង៣លានតោនសម្រាប់ការនាំចេញប្រចាំឆ្នាំ៕