ឥណ្ឌា៖ ក្រុមយោធាប្រទេសឥណ្ឌាបានជម្លៀសប្រជាជនជាង ២០០០ នាក់ ដែលនៅជាប់នឹងភាគខាងត្បូងរដ្ឋតាមិល ណាឌូ (Tamil Nadu) ខណៈអ្នកស្លាប់ដោយសារគ្រោះទឹកជំនន់នេះកើនឡើងដល់ ២៦៩ នាក់ហើយ បន្ទាប់ពីមានភ្លៀងធ្លាក់ខ្លាំងជោគជាំ ក្នុងពេលជាងមួយសតវត្សរ៍កន្លងមកនេះ។
ការព្យាករណ៍ថានឹងមានភ្លៀងបន្ថែមនៅ ៤៨ ម៉ោងទៀត បានបង្ខំឱ្យកងទ័ពធ្វើការជួយសង្គ្រោះអ្នកដែលនៅរស់រានមានជីវិតពីការជាប់នៅផ្នែកដែលត្រូវជន់លិចនៃក្រុង Chennai។
ទីក្រុងដែលមានប្រជាជនច្រើនបំផុតទី៤ របស់ឥណ្ឌា ឃើញមានភ្លៀងធ្លាក់តិចតួចប៉ុណ្ណោះកាលពីថ្ងៃព្រហស្បតិ៍ ប៉ុន្តែកម្រិតទឹកមិនបានស្រកចុះទេតាំងពីមុនមួយថ្ងៃនោះ ពេលដែលមានការបញ្ចេញទឹកយ៉ាងធំពីអាងស្ដុកទឹកដែលជន់លិចតាមតំបន់ទំនាបនៃទីក្រុងនោះ។
នាយករដ្ឋមន្ត្រីឥណ្ឌា លោក ណារេនដ្រា ម៉ូឌិ (Narendra Modi) បានស្ដីបន្ទោសដល់ការប្រែប្រួលអាកាសធាតុដែលបណ្ដាលឱ្យមានទឹកជំនន់នេះ ហើយលោកបានធ្វើដំណើរទៅក្រុង Chennai ដើម្បីមើលការជួយសង្គ្រោះដែលត្រូវបានបញ្ឍប់អស់ពេលជាយូរមកហើយ។
លោកប្រធានាធិបតីបានប្រាប់អ្នកសារព័ត៌មានឱ្យដឹងថា៖ «រដ្ឋាភិបាលនឹងនៅចាំជួយប្រជាជននៅរាល់ម៉ោងដែលពួកគាត់ត្រូវការ»។ លោកបានសន្យាទៀតថានឹងចំណាយប្រាក់ប្រមាណ ១៥០ លានដុល្លារដើម្បីស្ដារនីតិសម្បទា និងការសាងសង់ឡើងវិញ។
បើទោះជាអាកាសធាតុមានភាពស្រឡះក៏ដោយ ក៏ទឹកបានកើនឡើងដល់កម្រិតគ្រោះថ្នាក់នៅក្នុងតំបន់ដែលមានប្រជាជនរស់នៅជាច្រើន ដោយមានការហូរចាក់មកពីបឹងនានាចំនួន ៣៥។
យើងមានអារម្មណ៍ថាពិតជាបាត់បង់ ពីព្រោះយើងបានបាត់បង់នូវរបស់ដែលយើងមិនអាចទិញបាន ដូចជាអាល់ប៊ុមអាពាហ៍ពិពាហ៍របស់ខ្ញុំ រូបថតទារករបស់ខ្ញុំ ហើយនិងអ្វីជាច្រើនទៀតដែលយើងបានបាត់បង់។ នេះជាការបង្ហាញពី ប្រជាជនរងគ្រោះម្នាក់ឈ្មោះ Ashrita Keshav-Preetam។
Ashrita ក៏បាននិយាយថា៖ អ្វីៗទាំងអស់នៅជាន់ក្រោមផ្ទះខ្ញុំត្រូវបានលិចក្នុងទឹកជម្រៅ ៣ហ្វ៊ីត ហើយយើងមិនអាចយកឡានរបស់យើងចេញក្រៅបានទេ»។
ក្រោយពីក្រុមហ៊ុនផលិតរថយន្ត និងក្រុមហ៊ុនខាងបច្ចេកវិទ្យា បានផ្អាកដំណើរការកាលពីថ្ងៃពុធ ក្រុមហ៊ុនរដ្ឋផលិតប្រេងឈ្មោះ Chennai ក៏បានបិទទ្វារ ដែលមានការចម្រាញ់ប្រេង ចំនួន ១០ ០០០ បារែល ក្នុង១ ថ្ងៃនោះ ព្រោះដោយសារគ្រោះទឹកជំនន់ដ៏ធ្ងន់ធ្ងរនេះ។
ទឹកជំនន់នៅដើមសប្ដាហ៍នេះ ដែលមកពីភ្លៀងច្រើនចំនួន ៣៤៥ មីលីម៉ែត្រ ក្នុងពេលជាង ២៤ ម៉ោង។ «ដើម្បីសម្លាប់មេរោគ ការកែលម្អសាជាថ្មី និងសង់ផ្ទះដែលយើងរស់នៅឡើងវិញ ជាការគិតមួយដ៏លំបាក»៕
ប្រែសម្រួលដោយ៖ សេង វិបុល / ប្រភព៖ ABC Australia News
