MUAR ៖ រថយន្ដក្រុងទំនើបមួយគ្រឿង បានបើកធ្លាក់ចូលជ្រោះដែលមានជម្រៅ ៦ ម៉ែត ឆ្ងាយពីភាគខាងជើងផ្លូវ Highway ចំណាយ ១៣៧ គីឡូម៉ែត ជិតតំបន់ Jalan Kangkar Senangah Pagoh ប្រទេសម៉ាឡេស៊ី នៅថ្ងៃសៅរ៍ ទី២៤ ធ្នូ នេះ។ ហេតុការណ៍នេះបង្កឱ្យមនុស្ស ១៤ នាក់ស្លាប់ និង ១៦ នាក់ទៀតរបួស។ នេះបើតាមទីភ្នាក់ងារពន្លត់អគ្គីភ័យ និងសេវាជួយសង្គ្រោះប្រចាំទីក្រុង Johor ។
ចំណែកអ្នករងរបួសក្នុងឧបទ្ទេវហេតុនេះវិញ មានជនជាតិសិង្ហបុរីមាន ៦ នាក់ ម៉ាឡេស៊ី ៨នាក់ និងមីយ៉ាន់ម៉ា ២នាក់។ នេះបើយោងតាមមន្ត្រីអាជ្ញាធរដែលបានរាយការណ៍ពីមន្ទីរពេទ្យក្នុងសង្កាត់ Muar ដែលពួកគេកំពុងទទួលបានការព្យាបាល។
យោងតាមប្រធាននាយកដ្ឋានអគ្គិភ័យ និងសេវាជួយសង្គ្រោះ លោក Mohd Yusof Mohd Gunnos រថយន្ដក្រុងទំនើបពណ៌ទឹកមាសនេះ បានផ្ទុកអ្នកដំណើរ ៣០ នាក់ ដោយត្រូវបានគេដឹងថា ចេញដំណើរពីទីក្រុង គូឡាឡាំពួរ ទីកាន់ខេត្ត Johor Baru ។ ខណៈមកដល់ទីតាំងកើតហេតុរថ យន្ដក្រុងនេះបានរអិលធ្លាក់ចេញពីផ្លូវ និងជ្រុលធ្លាក់ចូលទៅក្នុងជ្រោះតែម្តង៕ប្រភព៖CNA
