loader

អ្នកវិទ្យាសាស្រ្ដ៖“មហិន្រ្ទប្រាវ៉ាតា”គឺរាជធានីដើមនៃអាណាចក្រអង្គរលាក់ខ្លួននៅក្នុងព្រៃ

ទីបំផុត អ្នកវិទ្យាសាស្រ្ដបានរកឃើញអតីតរាជធានីបុរាណរបស់អាណាចក្រខ្មែរ លាក់ខ្លួនច្រើនសតវត្សនៅភូមិសាស្រ្ដព្រឹក្សព្រៃនៅកម្ពុជា។ក្រុងបុរាណដែលអ្នកវិទ្យាសាស្រ្ដចាត់ទុកថាជាទីក្រុងដែលបាត់មានឈ្មោះថា មហិន្រ្ទប្រាវ៉ាតាដែលជារាជធានីដំបូងគេនៅក្នុងសម័យកាលដ៏រុងរឿងរបស់ខ្មែរគឺអាណាចក្រអង្គរពីសតវត្សទី៩ដល់ទី១៥។

ព័ត៌មាននេះចេញផ្សាយល្បីខ្ទរខ្ទារពីសំណាក់បណ្ដាញផ្សាយព័ត៌មានបស្ចឹមប្រទេសមានBBC CNN និង ព័ត៌មានអូស្រ្ដាលី ABC NEWS។

ជាការពិត អ្នកបុរាណវិទ្យា និង អ្នកប្រវត្តិសាស្រ្ដបានដឹងពីអត្ថិភាពនៃរាជធានីមហិន្ទ្រប្រាវ៉ាតានៃជាច្រើនទសវត្សមកហើយ។ក៏ប៉ុន្ដែភស្ដុតាងដែលរកបានមិនទាន់សមល្មមនឹងប្រកាសពីភាពច្បាស់លាស់ថាជារាជធានីដើមនៃអាណាចក្រអង្គរឡើយ។រហូតដល់អ្នកវិទ្យាសាស្រ្ដបានពិសោធន៍ដោយប្រព័ន្ធបាញ់ពន្លឺស្កេនបាតដី ដែលគេហៅថា Airborne Laser ឬ Lidar ។បច្ចេកវិទ្យានេះប្រើរយៈពេលស្រាវជ្រាវយូរណាស់នៅលើទឹកដីបុរាណដែលបានកាប់ខ្លួនក្នុងព្រៃស្ដុកទៀតផង។

នៅក្នុងទំនាក់ទំនងនៃការវាស់ស្ទង់បាតដីសម័យអង្គរក្រុមអ្នកស្រាវជ្រាវបានធ្វើផែនទីមើលពីប្រព័ន្ធរៀបចំក្រុងនៃសម័យនោះដែលស្ថិតនៅលើភ្នំគូលែនភាគអាគ្នេយ៍នៃតំបន់អង្គរ។

ជាអ្នកនិពន្ធម្នាក់និងជាអ្នកជំនាញបុរាណវិទ្យាមួយរូបផងលោក Jean-Baptiste Chevanceមកពីវិទ្យាស្ថានបុរាណវិទ្យានិងការអភិវឌ្ឍនៅចក្រភព អង់គ្លេសបានពន្យល់ក្នុងអត្ថបទស្រាវជ្រាវរបស់ក្រុមពួកគាត់ថា តំបន់ភ្នំគូលែនដើមឡើងពុំសូវមានអ្នកបុរាណវិទ្យាចាប់អារម្មណ៍ប៉ុន្មាននោះទេ ពោលវាស្ទើរតែបាត់ចេញពីផែនទីបុរាណវិទ្យាលើកឡើងតែភស្ដុតាងតិចតួចនៃថ្មប្រាសាទបាកបែកជាការបញ្ជាក់ប៉ុណ្ណោះ។

ការរុករករបស់អ្នកវិទ្យាសាស្រ្ដនឹងបច្ចេកវិទ្យាដ៏ទំនើបស្កេននេះចាប់ផ្ដើមតាំងពីឆ្នាំ២០១២ និងបញ្ចប់ក្នុងឆ្នាំ២០១៧ ហើយក្រុមក៏បានធ្វើការចងក្រងនឹងប្រកាស ពីភាពជោគជ័យរបស់ខ្លួនក្នុងការរកឃើញទីក្រុងដែលបាត់នៅក្នុងឆ្នាំ២០១៩នេះ។

រូបភាពនិងវីឌីអូដែលបានមកពីការស្កេននោះរកឃើញថារាជធានីបុរាណនោះមាន វិមាន ព្រះបរមរាជវាំង អាងស្ដុកទឹក ផ្លូវ ប្រាសាទ វាលស្រែវាសស្រូវ ប្រឡាយទឹកខ្វាត់ខ្វែង ផ្ទះប្រជាពលរដ្ឋ ប្រកបដោយរចនាសម្ព័ន្ធប្លង់ស្អាតនៃ នគរូបនីយកម្មគឺជាទីក្រុងដ៏ស្មុគស្មាញតែលក្ខណៈពិសេសនៃទីក្រុងនេះគឺត្រូវបានរចនាឡើងជារាងក្រឡាចត្រង្គនៃអ័ក្សលីនេអ៊ែរនិងមានទំហំរហូតដល់ ៥០ គីឡូម៉ែត្រក្រឡាគិតជាសរុប។ក៏ប៉ុន្ដែតំបន់ដែលមានព្រៃឈើក្រាស់ៗពិតជាពិបាកក្នុងការស្កេនវាខ្លាំងណាស់។តែជាការសោកស្ដាយរាជធានីត្រូវបានបោះបង់ចោលហើយមានការរើមូលដ្ឋានទៅស្ថាបនានៅតំបន់អង្គរទៅវិញ។ការសន្និដ្ឋានតាមបែបវិទ្យាសាស្រ្ដបានបញ្ជាក់ថាការផ្លាស់ប្ដូររាជធានីប្រហែលមកពីកត្តាចាំបាច់នូវការប្រសើរឡើងនូវកសិកម្មដែលត្រូវរើចេញពីតំបន់ភ្នំនិងការទប់ទល់នឹងធម្មជាតិ។ក៏ប៉ុន្ដែអ្នកវិទ្យាសាស្រ្ដទាំងនោះបានអបអរសាទរចំពោះការរើមករាជធានីថ្មីបានជម្រុញឱ្យអាណាចក្រអង្គរក្លាយជាយុគសម័យដ៏រុងរឿងបំផុតក្នុងប្រវត្តិសាស្រ្ដកម្ពុជា ហើយវប្បធម៌អស់ទាំងនោះត្រូវបានផ្សព្វផ្សាយនិងពេញចិត្តទាញយកពីប្រទេសនៅជុំវិញកម្ពុជាមកទល់សព្វថ្ងៃមានថៃ ឡាវ ភូមា ជាដើម។

តាមពង្សាវតាខ្មែរ ភ្នំគូលែននេះមានឈ្មោះដើមថា មហិន្រ្ទព៌ត ជាកន្លែងដែលព្រះបាទ ជ័យវរ្ម័នទី២ ស្ថាបនិកសម័យអង្គរ ប្រារព្ធធ្វើពិធីទេវរាជ និងប្រកាសឯករាជ្យពី ប្រទេសជ្វាក្នុងឆ្នាំ​៨០២ ដែលជាពេលដែលសម័យអង្គរកើតឡើង។ ភ្នំនេះជាទីក្រុងរបស់ចក្រខ្មែរ (អាណាចក្រខ្មែរ)ដំបូងគេជិតកន្លះសតវត្ស មុនពេលប្តូរទៅហិហរាល័យ។ នៅលើភ្នំនេះគេរកឃើញមានប្រាសាទបុរាណចំនួន២០ភាគច្រើនធ្វើពីថ្មភក់ហើយ ត្រូវបានអ្នកវិទ្យាសាស្រ្ដនិងបុរាណវិទ្យាថា ថ្មភក់ជាច្រើនត្រូវបានកាប់រលីងពីភ្នំនេះបណ្ដែតតាមទឹកនិងអូសដោយដំរីទៅធ្វើប្រាសាទនៅតំបន់អង្គរប្រមាណជា៤០គីឡូម៉ែត្រ។ភ្នំគូលែនស្ថិតនៅក្នុងស្រុកស្វាយលើ និងស្រុកវ៉ារិន ចំងាយ ៦០គីឡូម៉ែត្រពីក្រុងសៀមរាប និងប្រហែល ២៥គីឡូម៉ែត្រពីប្រាសាទបន្ទាយស្រី។ភ្នំគូលែនលាតសន្ធឹងប្រវែង ៤០គម ពីប៉ែកខាងលិចឈាងខាងជើង ទៅខាងកើតឈាងខាងត្បូង ហើយដែលមានចម្ងាយប្រហែល ៤៨គមនៅខាងជើងក្រុងសៀមរាប។ កំពូលភ្នំទាំងអស់មានកម្ពស់ប្រហាក់ប្រហែលគ្នា ដែលមានកម្ពស់ជាមធ្យម ៤០០ម មានផ្ទៃដីសរុប ៣៧៥០០ហិកតា ។ កំពូលដែលខ្ពស់បំផុតគឺមានកំពស់ ៤៨៧ម។ភ្នំគូលែនបានប្រែក្លាយខ្លួនជាឧទ្យានជាតិភ្នំគូលែននិងមិនត្រឹមតែជាបេតិកភណ្ឌជាតិមិនអាចកាត់ថ្លៃបានទេថែមទាំងជាតំបន់ ជាបេតិកភណ្ឌពិភពលោកចុះបញ្ជ ីនៅអង្គការយូនីស្កូក្នុងថ្ងៃទី១ ខែតុលាឆ្នាំ១៩៩២។

ថ្មីៗនេះផងដែរដើម្បីលើកកម្ពស់តម្លៃទេសចរណ៍ជាតិបន្ថែមទៀត ព្រមទាំងដើម្បីទាក់ទាញភ្ញៀវទេសចរទន្ទឹមការមើលឃើញពីសក្តានុពលរបស់ភ្នំគូលែន សម្បូរទៅដោយព្រៃភ្នំក្រំថ្មបែបធម្មជាតិ មានប្រាង្គប្រាសាទ ចម្លាក់សិលា និងបុរាណដ្ឋានដ៏ច្រើន មានស្ទឹងប្រវត្តិសាស្ត្រ មានពយភ្នំដែលកើតឡើងពីធម្មជាតិ ទេសភាពនៅលើគិរីបុព្វតាដ៏ស្រស់ត្រកាល​ លក្ខណៈអំណោយផលនេះ ក្រសួងទេសចរណ៍នឹងជំរុញរៀបចំតំបន់ភ្នំគូលែន ខេត្តសៀមរាប ទៅជា«តំបន់ទេសចរណ៍វប្បធម៌ ប្រវត្តិសាស្ត្រ និងធម្មជាតិ» និង«ទេសចរណ៍បែបផ្សងព្រេង»៕

ដោយ៖ ឆោម ពៅនិកា

បញ្ចេញមតិ

avatar

ព័ត៌មានទាក់ទង

សម្ដេច ហ៊ុន សែនថា មិនចង់បាត់បង់EBAទេ

សម្ដេច ហ៊ុន សែនថា មិនចង់បាត់បង់EBAទេ

ថ្ងៃព្រហស្បតិ៍ ទី២១ ខែកញ្ញា ឆ្នាំ២០១៩

ភ្នំពេញ៖ សម្ដេច ហ៊ុន សែន ថ្លែងថា កម្ពុជាមិនចង[...]

លោក សម រង្ស៊ីថា ប្រជាធិបតេយ្យអាណត្តិនេះស្ទើដល់កម្រិតសូន្យ តែសម្ដេច ហ៊ុន សែនថាអនុវត្តន៍យ៉ាងល្អ

ភ្នំពេញ៖ លោក សម រង្ស៊ី អះអាងថា ប្រជាធិបតេយ្យន[...]

គ.ជ.អ.ប បើកកិច្ចប្រជុំពិនិត្យស្ថានភាពកម្មវិធីកំណែទម្រង់វិមជ្ឈការនិងវិសហមជ្ឈការ

ភ្នំពេញ៖ គណៈកម្មាធិការជាតិសម្រាប់ការអភិវឌ្ឍតា[...]

ព័ត៏មានថ្មី

វីដេអូថ្មីបំផុត