loader

អំឡុងពេលកូវីដក្រសួងកិច្ចការនារី ផ្ដើមបណ្ដុះបណ្ដាលគ្រូបង្គោល ជួយប្រឹក្សាយោបល់ស្ត្រី និងកុមារ ងាយរងគ្រោះ

ទោះក្នុងអំឡុងពេលកូវីដក៏ដោយក្ដី វគ្គបណ្តុះបណ្តាលគ្រូបង្គោលថ្នាក់តំបន់ ស្តីពីបទដ្ឋានអប្បបរមាសម្រាប់ការផ្តល់ ប្រឹក្សាជាមូលដ្ឋានដល់ស្រ្តី និងក្មេងស្រីជាជនរងគ្រោះដោយអំពើហិង្សា ត្រូវបានរៀបចំឡើងរយៈ ពេល០៣ថ្ងៃដោយក្រសួងកិច្ចការនារីបានចប់ជាស្ថាពរកាលពីថ្ងៃទី០៥មិថុនា។


វគ្គបណ្ដុះបណ្ដាលនេះមានសិក្ខាកាមមកពីខេត្តចំនួន០៨ ជាសរុបគឺ២៥នាក់ក្នុងនោះបុរស ០៦នាក់។

ក្រសួងកិច្ចការនារីបានវាយតម្លៃថាជាលទ្ធផល សិក្ខាកាមបានយល់ដឹងអំពី បទដ្ឋានអប្បបរមា សម្រាប់ការផ្តល់សេវាជាមូលដ្ឋាន ដល់ស្ត្រី និងក្មេងស្រីជាជនរង គ្រោះដោយអំពើហិង្សា ដែលទាក់ទងនឹងយេនឌ័រ និងសិទ្ធ ជាមូលដ្ឋានរបស់ជនរង គ្រោះនៅក្នុងបទដ្ឋានអប្បបរមា និងរបៀបថែទាំខ្លួនឯងក្នុងនាមជា អ្នកផ្តល់សេវា ។

បើតាមទំព័រហ្វេសប៊ុកក្រសួងកិច្ចការនារី បានឱ្យដឹងថាក្រោយពីបាន ចូលរួមវគ្គបណ្តុះបណ្តាលសិក្ខាកាមទទួលបានចំនេះដឹង កើនឡើងប្រមាណ៨០% ។
ក្នុងវគ្គបណ្តុះបណ្តាលនេះដែរ ក្រសួងអះអាងទៀតថាសិក្ខាកាមបានអនុវត្តការ សាកល្បងបង្រៀន អំពីមេរៀនបទដ្ឋានអប្បបរមា ដើម្បីពង្រឹងសមត្ថភាពរបស់ខ្លួន ក្នុងការក្លាយខ្លួនជាអ្នក បណ្តុះបណ្តាលបន្តទៅអ្នកផ្តល់សេវា នៅថ្នាក់ក្រោមជាតិ។


កន្លងមកក្រសួងកិច្ចការនារីក៏បានកែលម្អយន្តការសម្របសម្រួលថ្នាក់ជាតិ និងថ្នាក់ក្រោមជាតិ តាមរយៈការពង្រឹងក្រុមការងារបច្ចេកទេស ទទួលបន្ទុកអំពើហិង្សាទាក់ទងយេនឌ័រឈ្មោះថា TWGDD។ ជាមួយគ្នានេះគឺការបង្កើនបទដ្ឋានអប្បបរិមាសម្រាប់ការផ្តល់សេវា ដែលផ្តោតលើការឆ្លើយតបផ្នែកប្រឹក្សាយោបល់ផ្នែកសុខភាព ផ្នែកបញ្ជូន និងការផ្សះផ្សារវាងដៃគូទាំងពីរដូចការបណ្ដុះបណ្ដាលគ្រូបង្គោលនៅសប្ដាហ៍មុននេះបណ្ដាលកណ្ដាលឆ្នាំ២០២០។


អ្នកស្រីប៉ុកបញ្ញាវិចិត្រ នាយិកាប្រតិបត្តិនៃអង្គការកម្ពុជា ដើម្បីជួយស្រ្តីមានវិបត្តិហៅ កាត់ថា CWCCគាំទ្រលើវិធីសាស្រ្ដរបស់ក្រសួងកិច្ចការនារីថាជាសារៈសំខាន់។


បើតាមមូលនិធិសហប្រជាជាតិសម្រាប់ប្រជាជនហៅកាត់ថាUNFPAនិងជំនួយរបស់ប្រទេសអូស្រ្តាលី សហការជាមួយក្រសួងកិច្ចការនារីបង្ហាញថា ស្រ្តីកម្ពុជាជាង៣០%ធ្លាប់បានរងអំពើហិង្សាលើរាងកាយ ផ្លូវភេទ ផ្លូវចិត្ត ឬសេដ្ឋកិច្ចពីដៃគូស្និទ្ធស្នាលក្នុងជីវិតរបស់ពួកគេ។ ក្នុងនោះ៨៥%នៃស្រ្តីធ្លាប់ជួបអំពើ ហិង្សាផ្លូវភេទ បានទទួលរងអំពើហិង្សាផ្សេងៗទៀតដូចជាអំពើហិង្សាលើរាងកាយ និងផ្លូវចិត្ត។ បើតាមរបាយការណ៍ដដែលនោះស្រ្តីដែលធ្លាប់រងអំពើហិង្សាលើផ្លូវកាយ ឬផ្លូវភេទពីដៃគូស្និទ្ធស្នាលមាន ៤៩%រាយការណ៍ថា ពួកគេមិនដែលនិយាយពីបទពិសោធន៍ ប្រាប់នរណាម្នាក់ឡើយ។ ដោយឡែកស្រ្តីប្រហែល ២៤% ដែលធ្លាប់រងអំពើហិង្សារាងកាយ ឬផ្លូវភេទពីដៃគូស្និទ្ធស្នាលបានស្វែងរកជំនួយផ្តល់សេវាផ្លូវការ ឬអាជ្ញាធរ។
មាន ៤០% នៃស្រ្ដីនោះគឺ ពួកគេមិនស្វែងរកជំនួយដោយសារ អំពើហិង្សាគឺកើតឡើងជាធម្មតា ហើយ៣០% ទៀតនិយាយថា ពួកគេមិនស្វែងរកជំនួយដោយសារភាពភ័យខ្លាច ឬខ្មាសអៀន។ចំណែកទីតាំងនៃការស្វែងរកជំនួយគឺស្រ្តីរងគ្រោះបានទៅស្វែងរកជំនួយ ពីអាជ្ញាធរមូលដ្ឋានមានចំនួន១៤,៥% ពីនគរបាល ១១% និងពីមណ្ឌលសុខភាព ឬមន្ទីរពេទ្យ ឬសេវាផ្តល់ជំរក៥%។

សូមជម្រាបថាអ្នកជំនាញអំពើហិង្សាលើស្ត្រី បានលើកឡើងពីការកើនឡើងករណី អំពើហិង្សាក្នុងគ្រួសារ ក្នុងអំឡុងពេលការរីករាលដាលនៃជំងឺ កូវីដ១៩ ដោយសារ​ការតានតឹងផ្លូវចិត្ត ការប៉ះទង្គិចផ្លូវចិត្ត ជនប្រព្រឹត្តមានពេលវេលានៅ ជាមួយជនរងគ្រោះច្រើន។

ដូច្នេះក្រសួងកិច្ចការនារីក៏បានរៀបចំលេខទំនាក់ទំនងនៅតាមបណ្តាខេត្តនានា ដើម្បីឱ្យជនរងគ្រោះ អាចផ្តល់ព័ត៌មាន និងស្វែងរកជំនួយតាមលីងខាងក្រោម៖

យោងតាមប្រភពព័ត៌មានពីបណ្តាសារព័ត៌អន្តរជាតិជាច្រើន …

Posted by Ministry of Women's Affairs of Cambodia on Sunday, 29 March 2020

ដោយ៖ពៅនិកា

0 0 vote
Article Rating
guest
0 Comments
Inline Feedbacks
View all comments

ព័ត៌មានទាក់ទង

តើប្រចណ្ឌមានឥទ្ធិពលយ៉ាងណាក្នុងសង្គមគ្រួសារ?

តើប្រចណ្ឌមានឥទ្ធិពលយ៉ាងណាក្នុងសង្គមគ្រួសារ?

ថ្ងៃព្រហស្បតិ៍ ទី១១ ខែមិថុនា ឆ្នាំ២០២០

កំពុងនិយាយជាមួយនរណា?នរណាគេផ្ញើសារមក? ទើបមកពីណ[...]

យុវតី និត្តា ពង្រឹងវិន័យផ្ទាល់ខ្លួន ដើម្បីទទួលយកការសិក្សាe-learning

ក្នុងស្ថានភាពពិភពលោកធ្លាក់ចូលក្នុងវិបត្តិកូវី[...]

ក្រសួងកិច្ចការនារី ទទួលសម្ភារប្រើប្រាស់ចំនួន៤០០ឃិតពីអង្គការ UNFPA សម្រាប់ជួយស្រ្តីរងគ្រោះ ដោយអំពើហិង្សាយេនឌ័រ នៅតាមបណ្តាខេត្តចំនួន៨

(ភ្នំពេញ)៖ លោកជំទាវ អ៊ឹង កន្ថាផាវី រដ្ឋមន្រ្ត[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x