ញូវយ៉ក ៖ ព្រះរាជអាជ្ញារដ្ឋាភិបាលអាមេរិកបានស្នើឱ្យប្រទេសកូរ៉េខាងត្បូង តាមចាប់ខ្លួនបងប្រុសរបស់អតីតអគ្គលេខាធិការអង្គការសហប្រ ជាជាតិ លោក បាន គីមូន ដែលជាប់ចោទពីបទសូកប៉ាន់ ប្រព្រឹត្តទៅក្នុងទីកក្រុងញូវយ៉ក។ នេះបើតាមការគូសបញ្ជាក់ពីមន្ត្រីមួយរូបកាលពីថ្ងៃសុក្រ ទី២០ ខែមករា ។
លោក បាន គីសាង(Ban Ki Sang) បងប្រុសលោក បាន គីមូន គឺ ជានាយកប្រតិបត្តិជាន់ខ្ពស់នៅក្នុងក្រុមហ៊ុនសំណង់មួយរបស់កូរ៉េខាងត្បូង និងកូនប្រុសរបស់លោក គឺលោក ចូវ ហ៊ុនបាន(Joo Hyun Bahn) ដែលជាឈ្មួញកណ្តាលផ្នែកអចលនទ្រព្យនៅតំបន់ Manhattan ត្រូវបានចោទ ប្រកាន់កាលពីថ្ងៃទី១០ មករា ថា បានប៉ុនប៉ងលក់អគារមួយក្នុងទីក្រុងហាណូយ ក្នុងទឹកប្រាក់ ៨០០ លានដុល្លារអាមេរិក។
អ្នកទាំងពីរត្រូវបានចោទប្រកាន់ពីបទអំពើពុករលួយ ការលាងលុយកង្វក់ និងគំនិតក្បត់។
ក្នុងអំឡុងពេលសវនាការតុលាការមួយក្នុងតុលាការសហព័ន្ធនៅទីក្រុង New York កាលពីថ្ងៃសុក្រទី២០មករា ម្សិលមិញ ជំនួយការមេធាវីអាមេរិកបាននិយាយថា សំណើមួយត្រូវបានបង្កើតឡើងដើម្បីធ្វើចាប់ខ្លួនលោក បាន គីសាង។
ព្រះរាជអាជ្ញាបានប្រាប់តុលាការថា ជនសង្ស័យដែលជានាយកប្រតិបត្តិនៃសហគ្រាស Keangnam ដែលជាក្រុមហ៊ុនសំណង់មួយរបស់កូរ៉េខាងត្បូងមួយ គឺមិនទាន់ត្រូវបានចាប់ខ្លួននៅឡើយទេ៕
ប្រភព ៖ CNA
