loader

អតីតមេដឹកនាំផ្ដាច់ការសូដង់ត្រូវបញ្ចូនទៅឃុំខ្លួននៅពន្ធនាគារបន្ទាប់ពីពលរដ្ឋនិងកងទ័ពទាញទម្លាក់ពីអំណាច

តាមទីភ្នាក់ងារសារព័ត៌មានReuters ដែលស្រង់ប្រភពរបស់គ្រួសារលោកអតីតប្រធានាធិបតីសូដង់Omar Al-Bashir  ឱ្យដឹងថា អតីតប្រធានាធិបតីត្រូវបានពលរដ្ឋនិងកងទ័ពបណ្ដេញចេញពីអំណាចនឹង ត្រូវនាំឈខ្លួន រស់នៅក្រោមដំបូលពន្ធនាគារ​ Kobarដោយ ចាកចេញពីវិមានប្រធានាធិបតី ។​

លោកBashir ដែលពេលនេះអាយុ៧៥ ឆ្នាំកំពុងស្នាក់នៅក្រោមការត្រួតពិនិត្យយ៉ាងយកចិត្ត ទុកដាក់ពីក្រសួងការពារជាតិក្នុងបន្ទប់តូចមួយ មុននាំខ្លួនទៅនៅពន្ធនាគារ ។

Kobarជាពន្ធនាគារនៃអ្នកទោសនយោបាយនៅភាគខាងជើងក្នុងរដ្ឋធានី ខាទុម ក្បែរទន្លេនីល។

តាមប្រភពដដែលនេះ  បងប្អូនប្រុសរបស់ លោក អតីតនាយករដ្ឋ និងមន្ត្រីជាន់ខ្ពស់​របស់​លោក ជាច្រើន នាក់​ត្រូវនាំទៅឃុំខ្លួននៅក្នុងពន្ធនាគារនេះច្រើនថ្ងៃមកហើយ។

គួររំលឹកថា ការធ្លាក់ចេញពីអំណាចរបស់លោកលោកBashir គឺមកពីការចូលរួមបណ្ដេញពីក្រុមយោធា និងពលរដ្ឋ។

យ៉ាងណា មេដឹកនាំបាតុកម្មនិយាយថាបាតុកម្មនឹងមិនទាន់ចប់ទេរហូតទាល់តែក្រុមប្រឹក្សាយោធា បណ្តោះអាសន្ន (TMC) កំពុងកាន់អំណាចត្រូវផ្ទេរអំណាចទៅឱ្យអាជ្ញាធរស៊ីវិល តាមរយៈការបោះឆ្នោត។

សមាគមអ្នកប្រជាធិបតេយ្យ ស៊ូដង់ (SPA) ដែលដឹកនាំការបះបោរនេះបានអំពាវនាវឱ្យមា​នការផ្លាស់ប្តូរ ទាំងស្រុងដើម្បីបញ្ចប់ការបង្ក្រាប និង ធ្វើទុក្ខបុកម្នេញ ជាលក្ខណៈហិង្សាលើក្រុមប្រឆាំងការលុបបំបាត់ អំពើពុករលួយនិងបក្សពួកនិយមនិងបន្ធូរបន្ថយវិបត្តិសេដ្ឋកិច្ចដែលកាន់តែយ៉ាប់យ៉ឺនក្នុងអំឡុងពេលដែលលោក Bashir កាន់កាប់អំណាចចុងក្រោយនេះ។

ក្រុមបាតុករ ក៏អំពាវនាវឱ្យបង្កើតរដ្ឋាភិបាលដែលមានសមាសភាព រដ្ឋមន្ត្រីចំនួន 17 រូបនិងសភាអន្តរកាលដែលមានសមាជិក 120 នាក់ដើម្បីត្រួតពិនិត្យការងាររបស់រដ្ឋាភិបាល។

ក្រុម TMC បាននិយាយថាខ្លួនត្រៀមឆ្លើយតបនឹងការទាមទារមួយចំនួនរបស់ក្រុមបាតុកររួមទាំង សន្យាប្រយុទ្ធប្រឆាំងនឹងអំពើពុករលួយ៕

 

បញ្ចេញមតិ

avatar

ព័ត៌មានទាក់ទង

រុស្ស៊ីវាយលុកចូលតំបន់អារ៉ាប់ ក្រោយពីអាមេរិកស្ទាក់ស្ទើរមិនហ៊ានធ្វើសង្គ្រាមនឹងអ៊ីរ៉ង់

តាំងពីអាមេរិកបញ្ចូនទ័ពមកដាក់នៅមជ្ឈឹមបូព៌ាមកលទ[...]

ប្រាក់ខែកម្មករវេណេហ្សូអេឡាជិត១០ដុល្លារបើទិញសាច់ជ្រូកបានតែ៤Kgប៉ុណ្ណោះ

ប្រធានាធិបតីនៃប្រទេសវេណេហ្សូអេឡា នីកូឡាម៉ាឌូរ[...]

តើអ៊ីរ៉ង់សងសឹកលើអាមេរិកឬអារ៉ាប់ប៊ីសាអូឌីតក្រោយពីនាវារបស់ខ្លួនត្រូវបានបាញ់ឆេះ?

ពិភពលោកសម្លឹងយ៉ាងមិនដាក់ភ្នេកទៅលើភាពតានតឹងនៃឈ[...]

ព័ត៏មានថ្មី

វីដេអូថ្មីបំផុត