loader

អង្គការអន្តរជាតិមួយប្រាប់ពិភពលោកថាតុលាការនិង​ប៉ូលិសកម្ពុជាកោះហៅសកម្មជន​នៃ​អតីត​CNRP១៤៧នាក់

អង្គការសិទ្ធិមនុស្សអាមេរិក, Human Rights Watch ​កាលពីថ្ងៃទី៣មីថុនាបានចេញ​សេច្ដីថ្លេង​ការណ៍​ជាចំហដោយប្រកាសថា នៅអំឡុង៥ខែនៃឆ្នាំ២០១៩នេះ សកម្មជននៃអតីតគណប​ក្សសង្រ្គោះជាតិ ចំនួន១៤៧នាក់ រងការកោះហៅដោយតុលាការនិងសមត្ថកិច្ចប៉ូលិសពាក់​ព័ន្ធនឹងការធ្វើសកម្មភាពនយោបាយ ដែលអង្គការនេះថាករណីគណបក្សសង្រ្គោះជាតិ។

តាម​សេចក្ដី​ថ្លែង​ការណ៍​​គឺក្នុងចំណោម១៤៧នាក់នេះ គឺមួយចំនួន ត្រូវបានប៉ូលិសហៅ​សាក​សួរ និងមួយចំនួនត្រូវបានតុលាការហៅចូលខ្លួនបំភ្លឺ។

                                        កញ្ញា រ៉ូហ្សិត និងសកម្មជនអតីតបក្សសង្គ្រោះជាតិ ត្រូវបានតុលាការកោះហៅជាបន្តបន្ទាប់។

 

នាយកប្រតិបត្តិប្រចាំអាស៊ី លោកBrad Adams បាននិយាយ​នៅក្នុងសេចក្ដី​ថ្លែង​ការណ៍នេះថា រដ្ឋាភិបាលនៃប្រទេសឯកបក្សនេះនៅតែប្រកាន់វិធានការធ្វើទុក្ខបុកម្នេញ លើក្រុមប្រឆាំង តាមរយៈការកោះហៅរបស់ប៉ូលិសនិងតុលាការ។ លោកបន្តថា សហភាពអឺរ៉ុប ដែលប្រតិភូ​របស់ក្រុម​នេះកំពុងមកពិនិត្យមើលស្ថានភាពសិទ្ធិមនុស្សនៅកម្ពុជា នៅថ្ងៃទី៣មីថុនានេះ និង ប្រទេសដទៃទៀត ត្រូវទាមទារឱ្យ រដ្ឋាភិបាល កម្ពុជា ទម្លាក់ចោល រាល់ទម្រង់នៃការគាប​សង្កត់​ទៅ​លើក្រុមប្រឆាំងហើយស្ដារគណបក្សសង្រ្គោះជាតិឡើងវិញ។

តាមសេចក្ដី​ថ្លែង​ការណ៍ សកម្មជននៃអតីតបក្សសង្រ្គោះជាតិ ដែលត្រូវបាន​សមត្ថ​កិច្ច​កោះ​ហៅ គឺមាននៅខេត្តបាត់ដំបង ៣៦នាក់ ខេត្តកណ្ដាល ៣៦នាក់ ខេត្តកំពង់ធំ៣៥នាក់ រាជធានីភ្នំពេញ ១៤នាក់ បន្ទាយមានជ័យ ៨នាក់ កំពង់ស្ពឺ៦នាក់កំពត៦កំពង់ ឆ្នាំង៤នាក់និង​ពោធិសាត់​២នាក់។

អង្គការអន្តរជាតិនេះ បានបញ្ជាក់ មានសកម្មជន មួយចំនួន ត្រូវបានដាក់អោយស្ថិតនៅក្រោម​ការ​ឃុំខ្លួនរួចហើយនិងខ្លះទៀតបានរស់ទៅនៅប្រទេសដទៃ។

តែបែបនេះក្ដី អ្នកនាំពាក្យក្រសួងយុត្តិធម៌ លោកគឹមសន្តិភាព បានបញ្ជាក់ក្នុងបទសម្ភាស​ជា​មួយ​វិទ្យុស្ត្រីនៅថ្ងៃទី៤មីថុនានេះដោយហៅសេចក្ដីថ្លែងការណ៍​របស់អង្គការសិទិ្ធ​មនុស្ស​អន្តរ​ជាតិនេះថាបានធ្វើការបញ្ចេញមតិខុសនឹងការពិត។ លោកអះអាងថា មានមនុស្ស​ជាច្រើន​ទៀត ដែលមិនមែនជាសកម្មជននៃអតីតបក្សប្រឆាំង ក៏បានកោះហៅដែរ។ លោកបញ្ជាក់ថា កោះហៅរបស់សមត្ថកិច្ចឬតុលាការក្ដីគឺធ្វើឡើងបន្ទាប់ពីមានការស្រាវជា្រវ ច្បាស់លាស់។

កាលពីថ្ងៃទី១២ មីនាឆ្នាំ២០១៩ តុលាការរាជធានីភ្នំពេញ បានចេញដីកាចាប់ខ្លួន មន្ត្រី​ជាន់​ខ្ពស់ នៃ​អតីតគណបក្សសង្រ្គោះជាតិ ចំនួន៨រូប។ ក្នុងនោះមាន លោកសមរង្ស៊ី លោក ស្រីមួរ សុខហួរ លោកអូចាន់ឬទ្ធិ លោកអេងឆៃអ៊ាង លោកឡុងរី លោក តុបវ៉ាន់ចាន់ លោកហូវ៉ាន់និង ម៉ែនសុថាវ៉ារិន។ ដីកានេះបានចេញដោយចៅក្រមស៊ើបសួរគឺលោក កួយ សៅ ដោយដាក់កម្មវត្ថុចោទអ្នកទាំងប្រាំបីនាក់ពីបទរួមគំនិតក្បត់ និង ញុះញង់ ឱ្យប្រព្រឹត្តបទឧក្រិដ្ឋជាអាទិ៍។

ពួកគាត់កំពុងស្ថិតនៅប្រទេសអាមេរិកនិងអឺរ៉ុប។ ដោយឡែកលោកសមរង្ស៊ីបានសន្យាថាលោកនឹងរកគ្រប់មធ្យោបាយគ្រប់បែបយ៉ាងដើម្បីបានត្រឡប់មកកម្ពុជានៅឆ្នាំ២០១៩នេះ ហើយក្នុងនោះ មន្ត្រីដែលរងដីកាចាប់ខ្លួនទាំង៧រូបនេះ ក៏សន្យាអម​ដំណើរ លោកសមរង្ស៊ីផងដែរ៕

 

បញ្ចេញមតិ

avatar

ព័ត៌មានទាក់ទង

Cambodia will hold large-scale drills ahead of the day of Mr. Rainsy’s arrival

Cambodia will hold large-scale drills ahead of the day of Mr. Rainsy’s arrival

ថ្ងៃអង្គារ ទី២០ ខែសីហា ឆ្នាំ២០១៩

PHNOM PENH – Cambodia will conduct a la[...]

កម្ពុជានឹងធ្វើសមយុទ្ធបាញ់ទ្រង់ទ្រាយធំមុនមួយថ្ងៃនៃការមកដល់របស់លោក សម រង្សី

ក្រុងភ្នំពេញ៖ កម្ពុជានឹងធ្វើសមយុទ្ធបាញ់គ្រាប់[...]

ផ្សាទំនើបសូរិយាអំពាវនាវឲ្យសារធារណៈជនចូលរួមការសម្តែងសិល្បៈវង់ភ្លេងអារក្សដោយសេរី

ក្រុងភ្នំពេញ៖ ផ្សារទំនើបសូរិយា សេនធ័រ ភ័នធ៍ ប[...]

ព័ត៏មានថ្មី

វីដេអូថ្មីបំផុត