loader

សាលារាជធានីភ្នំពេញ៖ បើទឹកនៅតែមិនស្រក សាលារាជធានីភ្នំពេញ នឹង បូមទឹកចេញ

ក្រុងភ្នំពេញ៖ កាលពីយប់ថ្ងៃទី ១២ ខែវិច្ឆិកា ឆ្នាំ ២០១៧ នេះ ភ្លៀងមួយមេយ៉ាងធំបានធ្លាក់យ៉ាងខ្លាំង ដែលធ្វើឲ្យតំបន់មួយចំណួនក្នុងរាជធានីភ្នំពេញលិចយ៉ាងខ្លាំង។ យ៉ាងណាមិញ សាលារាជធានីភ្នំពេញ​ថា នឹងដោះស្រាយជូនប្រជាពលរដ្ឋដោយធ្វើការបូមទឹកចេញ។ ទន្ទឹមនឹងនេះអ្នកនាំពាក្យក្រសួងធនធានទឹក បញ្ជាក់ថា ភ្លៀងនឹងនៅតែបន្ដធ្លាក់រហូតដល់សប្ដាហ៍ទី០៣ នៃខែវិច្ឆិកា។

ភ្លៀងមួយមេយ៉ាងធំកាលពីថ្ងៃទី ១១ ឈានចូល ថ្ងៃទី ១២ បានធ្លាក់យ៉ាងខ្លាំងធ្វើឲ្យក្នុងតំបន់ខ្លះក្នុងរាជធានីភ្នំពេញ លិចយ៉ាងតំណំ។ អ្នកនាំពាក្យនៃសាលារាជធានីភ្នំពេញលោក ម៉េត មាសភក្ដី បានផ្តល់បទសម្ភាសន៍ជាមួយអ្នកសារព័ត៌មានវិទ្យុស្រ្តីថា ក្រុមការងាររបស់សាលារាជធានីភ្នំពេញពុំអាចប្រាប់ឬបញ្ជាក់ទីតាំងបានច្បាស់លាស់នោះទេ តែលោកថា ក្រុមការងារកំពុងចុះទៅជួយប្រជាពលរដ្ឋ។ លោកបានពន្យល់បន្ថែមថា ប្រសិនបើករណីទឹកនៅតែមិនស្រកនោះ សាលារាជធានីភ្នំពេញនឹងធ្វើការបូមទឹក យកដីល្បាប់ យកសម្រាមចេញ ឬក៏អាចគាស់លូ ធ្វើឲ្យទឹកមានចរន្តហូរឡើងវិញដើម្បីរំដោះទឹកជួនពលរដ្ឋ។

ខណៈដែលទឹកភ្លៀងមិនទាន់ស្រកនេះដែរ លោក ចាន់ យុត្ថា នាយកខុទ្ទកាល័យ និងជាអ្នកនាំពាក្យក្រសួងធនធានទឹក និង​ឧតុនិយម មានប្រសាសន៏ថា ភ្លៀងនឹងនៅតែបន្ដធ្លាក់នៅរាជធានី និងខេត្ដមួយចំនួន រហូតដល់សប្ដាហ៍ទីបី នៃខែវិច្ឆិកា។
លោក​ពន្យល់ថា ភ្លៀងនេះ ជាភ្លៀងចុងក្រោយដែលបិទបញ្ចប់រដូវវស្សាឈានចូលរដូវរំហើយ ដែលមានឥទ្ធិពលពីខ្យល់មូសុងនិរតី។

លោកបានបន្ថែមទៀតថា ព្យុះទី ២៤​ នៅសមុទ្រចិនភាគត្បូង ដែលវាក៏អាចជាឥទ្ធិពលមួយធ្វើឲ្យកម្ពុជាទទួលរងរបាយទឹកភ្លៀង ពីប្រទេសវៀតណាមផងដែរ។ ឥទ្ធិពលចំហាយព្យុះពីប្រទេសវៀតណាមនេះ នឹងធ្វើឲ្យតំបន់ទំនាបនៅភាគខាងត្បូង និង ភាគខាងកើតនៃប្រទេសកម្ពុជាមានភ្លៀងធ្លាក់ច្រើនមានដូចជា រាជធានីភ្នំពេញ កំពង់ស្ពឺ តាកែវ កណ្ដាល កំពត ព្រៃវែង ស្វាយរៀង និងខេត្ដត្បូងឃ្មុំ ក៏ប៉ុន្ដែវាពុំក្លាយជាជំនន់ទឹកភ្លៀងនោះទេ។

គួរបញ្ជាក់ផងដែរថា កាលពីប៉ុន្មានសប្តាហ៍កន្លងទៅនេះ មានព្យុះមួយ ដែលមានឈ្មោះថា ព្យុះដំរី បានបោកបក់នៅលើសមុទ្រចិនភាគខាងត្បូង ហើយវាបានជះឥទ្ធិពលមកកាន់ភាគខាងលិចនៃសមុទ្រ ហើយបង្កជាភ្លៀងមកលើប្រទេសដែលជាប់តំបន់នោះមានដូចជា ប្រទេសកម្ពុជា ថៃ ឡាវ នឹង វៀតណាមផងដែរ៕

 

បញ្ចេញមតិ

Be the First to Comment!

avatar

ព័ត៌មានទាក់ទង

សម្តេច ហ៊ុន សែន គ្រោងទៅបំពេញទស្សនកិច្ចផ្លូវការនៅប្រទេសតួគី

សម្តេច​ ហ៊ុន​ សែន​ នាយក​រដ្ឋមន្ត្រី​កម្ពុជា​ [...]

ខេត្តកំពតប្រមូលផលស្រូវ បាន ៣៨៧៥៥តោន លើសផែនការរំពឹងទុក

កំពត៖តាមរបាយការណ៍សង្ខេបរបស់ក្រសួងកសិកម្ម រុក្[...]

សម្ដេច ហ៊ុន សែន៖ សក្ដានុពលសេដ្ឋកិច្ចកម្ពុជាគឺជាខ្លាសេដ្ឋកិច្ចថ្មីនៅតំបន់អាស៊ី(មានសំឡេង)

ភ្នំពេញ៖ សម្តេច ហ៊ុន សែន ថ្លែងថា សក្តានុពលសេដ[...]

ព័ត៏មានថ្មី

វីដេអូថ្មីបំផុត