ភ្នំពេញ៖ នាយករដ្ឋមន្ត្រី សម្តេច ហ៊ុន សែន បានសរសេរនៅលើទំព័រ ហ្វេសប៊ុក របស់លោក នៅថ្ងៃទី ១៣ ខែកញ្ញានេះថា សិស្សដែលប្រទ្បងជាប់មធ្យមសិក្សាទុតិយភូមិនិន្ទេស (A) សម្តេចសម្រេចកំណត់យក ថ្ងៃទី ២១ ខែកញ្ញា ឆ្នាំ២០១៦ ដើម្បីជួបសំណេះសំណាល នៅវិមានសន្តិភាព វេលាម៉ោង ៨:៣០ព្រឹក។
សម្តេច ហ៊ុន សែន សរសេរបន្តថា សូមក្រសួងអប់រំយុវជននិងកីឡា ព្រមទាំងអភិបាលរាជធានី ខេត្ត ទាំងអស់ដែលមានសិស្សប្រឡងជាប់និទ្ទេស (A) រៀបចំឱ្យបានល្អនូវការធ្វើដំណើរ និងការស្នាក់នៅ ធានាឱ្យបាននូវសុវត្ថិភាព ពិសេសសិស្សមកពីខេត្ត។ ឆ្លៀតយកឱកាសនេះ សូមចូលរួមអបអរសាទរចំពោះក្មួយៗ ដែលប្រឡងជាប់ទាំងអស់នៅទូទាំងប្រទេស និងសំដែងការសោកស្តាយចំពោះក្មួយៗដែលប្រឡងមិនជាប់ ហើយសង្ឃឹមថាក្មួយៗនឹងប្រឹងរៀនដើម្បីប្រឡងនៅឆ្នាំក្រោយទៀត៕
សូមជំរាបថា លទ្ធផលប្រទ្បងមធ្យមសិក្សាទុតិយភូមិ ឬប្រទ្បងបាក់ឌុបឆ្នាំនេះបេក្ខជនប្រទ្បងជាប់និទ្ទេស A មានចំនួន៤០៥ នាក់ និទ្ទេស B ចំនួន ២៨០១ នាក់ និទ្ទេស C ចំនួន ៥៥៩៥ និទ្ទេស E មានចំនួន ៣៨១១៧នាក់ ស្មើនិង ៦២.១៨ ភាគរយនៃចំនួនសិស្សប្រទ្បងជាប់នៅឆ្នាំ២០១៦នេះ៕
