សម្ដេចសង្ឃ Pope Francis មានបន្ទូលថា ការវាយប្រហារថ្មីៗនេះដោយ ពួក ជីហាដ នៅអឺរ៉ុប គឺភស្តុតាងមួយ បញ្ជាក់ថាពិភពលោក ប្រឈមមុខនិងសង្គ្រាម តែព្រះអង្គអះអាងថា មិនមែនជាសង្គ្រាមសាសនាទេ។
តាម បណ្ដាញផ្សាយព័ត៌មាន BBC ព្រះអង្គមានបន្ទូលដូចនេះ នៅមុនពេលព្រះអង្គត្រូវទៅកាន់ប្រទេស ប៉ូឡូញ។ បន្ទូលរបស់ ព្រះអង្គបានយោងចំពោះ ការធ្វើឃាតអាចារ្យកាតូលិកម្នាក់ នៅវិហារគ្រឹស្តសាសនា នៅប្រទេសបារាំងកាលពីថ្ងៃពុធទី២៧កក្កដា ដោយជនសង្ស័យពីរនាក់ ដែលគេថាជាពួកសកម្មប្រយុទ្ធ IS បានសម្រុកចូលចាក់ សម្លាប់អាចារ្យម្នាក់នេះ។
យ៉ាងណាក៏ដោយ សម្ដេចសង្ឃ បានហៅការសម្លាប់ អាចារ្យកាតូលិកថាជា ជំលោះផលប្រយោជន៍ ពាក់ព័ន្ធរឿងលុយកាក់ប៉ុណ្ណោះ។
សម្ដេចសង្ឃ៖ «នៅពេលយើង និយាយពីសង្គ្រាម គឺយើងត្រូវនិយាយពី ទំនាស់ផលប្រយោជន៍ ធនធានហិរវត្ថុតែមិនមែនជាជំលោះសាសនា ហើយសាសនា ទាំងអស់ពិតជាត្រូវការសន្តិភាព គឺមិនត្រូវការសង្គ្រាមឡើយ››៕
ការចាក់សម្លាប់ អាចារ្យគ្រឹស្តសាសនា គឺជារូបភាពនៃការវាយប្រហារ ក្រោមរូបភាពថ្មីទៀត របស់ ពូកសកម្មប្រយុទ្ធ IS ខណៈក្រុមនេះប្រើប្រាស់មធ្យោបាយ វាយប្រហារ ដោយអត្តឃាត នៅអឺរ៉ុបសម្លាប់មនុស្ស ជាច្រើនរយនាក់ហើយនោះ៕ប្រភព៖ BBC
