loader

សម្ដេចហ៊ុនសែនថា«យមរាជទុកជីវិតឱ្យខ្ញុំយ៉ាងតិច៤០ឆ្នាំទៀត »

ក្រោយពីត្រឡប់មកកម្ពុជាវិញបានប្រហែលមួយថ្ងៃ សម្ដេចនាយករដ្ឋមន្ត្រីត្រូវចេញទៅ​ប្រទេស​សិង្ហបុរីដើម្បីព្យាបាល តាមទំលាប់ការណាត់របស់គ្រូពេទ្យ។ តែពេលនេះ ខុសមុនបន្តិច​ដោយ​សម្ដេច បានប្រាប់ជនរួមជាតិថា ការព្យាបាលលើកនេះ គឺដោយសារសម្ដេចគ្រេចស្មាខាងស្ដាំ។ នៅពេលនេះ គឺតាមហ្វេសប៊ុករបស់សម្ដេចគឺជំងឺគ្រេចស្មា បានធូរស្បើយហើយ។ តែយ៉ាងណា ការចេញទៅព្យាបាលលើកនេះ មើលទៅក៏ដូចលើកមុនដែរ  ក្រុមអ្នកតាមដាន និងក្រុមប្រឆាំង ចាត់ទុកថា ស្ថានភាពជំងឺរបស់សម្ដេចមិនមានតែករណីគ្រេចស្មាមួយនោះទេ។ ករណីនេះ នាំអោយ មានការឆ្លើយតបពីសម្ដេចវិញ ដោយ ប្រឆាំងនឹងក្រុមមនុស្សដែល ប្រមាថអាយុ​ជីវិត​របស់​សម្ដេច។

សម្តេច នាយករដ្ឋមន្រ្តី បានផ្តាំទៅក្រុមអ្នកនយោបាយប្រឆាំង ដែលបានបន់ឱ្យសម្តេចស្លាប់ដោយសរសេររៀបរាប់ថា «យមរាជមិនត្រូវការជីវិតខ្ញុំទេ ព្រោះយមរាជត្រូវការឱ្យខ្ញុំនៅបន្តបម្រើប្រជាជន និងកម្ចាត់ពួកក្បត់ជាតិ »

សាររបស់នាយករដ្ឋមន្ត្រី បានបង្ហោះពីប្រទេសសិង្ហបុរី កាលពីថ្ងៃទី០៧ ខែកក្កដា ទីដែល​សម្ដេចខ ស្ថិតនៅទីនោះ ដើម្បីសម្រាកព្យាបាល។  សម្តេច ហ៊ុន សែន បានថ្លែងអំណរគុណចំពោះជនរួមជាតិដែល ជូនពរដល់សម្តេច និងបារម្ភអំពីសុខភាពរបស់សម្តេច។ សម្តេចបានប្រាប់ ថា អ្វីដែលបាត់បង់គឺគ្រូពេទ្យតម្រូវឱ្យ សម្តេចផ្អាកវាយកូនគោលមួយរយ:សិន។

សម្តេច បានសរសេររៀបរាប់ទៀតដោយវាយប្រហារទៅលើក្រុមប្រឆាំង ថា៖ «ទន្ទឹមនឹងប្រជាជនច្រើនលើសលប់បន់ស្រន់ឱ្យខ្ញុំឆាប់ជាសះស្បើយ ក៏មានជនមួយក្តាប់តូចលួចចូលមក comment ឬបង្ហោះតាមFacebook បន់ឱ្យខ្ញុំឆាប់ស្លាប់ឬបង្កើតព័ត៌មានក្លែងក្លាយ អំពីស្ថានភាពជំងឺរបស់ខ្ញុំទៅវិញ។ ខ្ញុំសូមជូនយោបល់ទៅអ្នកទាំងនោះវិញថា ឈប់បានឈប់ទៅ  ព្រោះការធ្វើនយោបាយ រង់ចាំឱ្យខ្ញុំស្លាប់ ដើម្បីដណ្តើមអំណាចគឺសូមរង់ចាំជាតិក្រោយទៅចុះ ព្រោះយមរាជមិនត្រូវការជីវិតខ្ញុំទេ ក្នុងរយ:ពេលមិនតិចជាង៤០ឆ្នាំពេលខាងមុខ ព្រោះយមរាជត្រូវការឱ្យខ្ញុំនៅបន្តបម្រើប្រជាជន និងកម្ចាត់ពួកក្បត់ជាតិ ដើម្បីរក្សាសន្តិភាព និងការអភិវឌ្ឍបន្តទៅទៀត»

មុនឡើងយន្តហោះទៅសិង្ហបុរី ថា សម្តេច ហ៊ុន សែន បានសុំលុបចោលរាល់ជំនួបនៅសប្តាហ៍ក្រោយ ។សម្តេច បានសរសេររៀបរាប់ ថា «ដោយសារមានបញ្ហាគ្រេចស្មាខាងស្តាំ និងដោយគ្រូពេទ្យ តម្រូវឱ្យខ្ញុំ ទៅឱ្យគ្រូពេទ្យសិង្ហបូរី ពិនិត្យ និងព្យាបាល។ ខ្ញុំសូមអាធ្យាស្រ័យពីសំណាក់មិត្តភក្រ័ ទាំងបរទេសទាំងខ្មែរ ដែលត្រូវជួបខ្ញុំនៅសប្តាហ៍ក្រោយនេះ ដែលខ្ញុំត្រូវលប់ចោលនូវជំនួបនោះ»

យ៉ាងណាក៏ដោយអ្នកធ្វើអត្ថាធិប្បាយដ៏ល្បីម្នាក់នៃក្រុមប្រឆាំង គឺលោកស៊ន ដារា ដែល​កំពុង​ជ្រក​កោន​នយោបាយនៅប្រទេសបារាំង បានធ្វើការព្យាករណ៍ថា ជំងឺរបស់សម្ដេច នាយក​រដ្ឋមន្ត្រី មាន​​ច្រើន ក្នុងនោះមានទាំងបញ្ហាស្មុកស្មាញផ្លូវនយោបាយផងដែរ។

សម្ដេចបនាយករដ្ឋមន្ត្រី ហ៊ុន​សែន នៅឆ្នាំនេះ មានអាយុ៦៨ ឆ្នាំ បើ សម្ដេច បន្តរស់រៀន ៤០ឆ្នាំ ដូចសម្ដេចថាយមរាជ បន្តជីវិតអោយ៤០ឆ្នាំទៀត គឺសម្ដេច នឹងមានអាយយុដល់​ទៅ​១០៨ឆ្នាំ  ។ បើដូចនេះមែន មើលទៅមានតែសម្ដេចហ៊ុនសែនមួយគត់ ជាមេដឹកនាំ កម្ពុជា បាន​កាន់​​អំណាចយូរជាងគេបំផុត ហើយមានអាយុក៏ច្រើនជាងគេផងដែរ ហើយ បើរាប់ចាប់ពី សម្ដេច សឺន​សាន សម្ដេច ព្រះនរោត្តមសីហនុ សម្ដេចចក្រីញឹកជូឡុង សម្ដេចចៅ​សែន​កុសល សម្ដេច​​​ជាស៊ីម លោកប៉ែនសុវណ្ណ បានស្លាប់និងសុគត់ មានអាយុមិនដល់មួយ​រយ​ឆ្នាំ​នោះ​ទេ៕

បញ្ចេញមតិ

avatar

ព័ត៌មានទាក់ទង

លោកសមរង្ស៊ីធ្វើដំណើរ​ រុលដល់ម៉ាឡេស៊ីខណៈការចូលកម្ពុជាវិញរបស់គាត់កាន់តែខិតជិតមកដល់

Read this article in English ក្រុងភ្នំពេញ៖ បណ[...]

Sam Rainsy traveled to Malaysia as his return to Cambodia drew ever closer

Sam Rainsy traveled to Malaysia as his return to Cambodia drew ever closer

ថ្ងៃសុក្រ ទី១៦ ខែសីហា ឆ្នាំ២០១៩

(Phnom Penh) : Social media has reported on t[...]

ចិនថាកម្ពុជាមានកម្លាំងខាងក្រៅជ្រៀតជ្រែកកិច្ចការផ្ទៃក្នុងរឿងមូលដ្ឋានទ័ព

ភ្នំពេញ៖ ឯកអង្គរដ្ឋទូតនៃសាធារណៈរដ្ឋប្រជាមានិត[...]

ព័ត៏មានថ្មី

វីដេអូថ្មីបំផុត