loader

សម្ដេចហ៊ុនសែនប្រកាសបន្តជម្លោះជាមួយលោកសមរង្ស៊ីដល់ទីបញ្ចប់

ទោះជានៅលើទឹកជប៉ុនក៍ដោយ គឺអោយនៅអាស៊ី គឺសម្រាប់សម្ដេចហ៊ុនសែន មិនញញើតទេនូវការប្រើ ពាក្យ ប្រមាថគូសត្រូវខ្មែរដូចគ្នា។ នៅថ្ងៃទី៣០ឧសភានេះ នៅលើវេទិកានៃសន្និ​សីទ​សារព័ត៌មាន មួយនៅទីក្រុងតូក្យូ សម្ដេចនាយករដ្ឋមន្ត្រីបានហៅមេបក្សប្រឆាំងដែលនិរទេសខ្លួនថា «ឆ្កែមួយក្បាល» និងជា «ជនក្បត់ជាតិ»។ សម្ដេចប្រកាសបន្តជម្លោះជាមួយលោកសមរង្ស៊ីដល់ទីបញ្ចប់។

កញ្ញា ហេង នីទីរាយការណ៍ព័ត៌មាននេះ៖

ជាការពិតអ្វីដែលធ្វើអោយនាយករដ្ឋមន្ត្រីកម្ពុជា ច្រឡោតខឹងដូចនេះ គឺនៅពេលអ្នកសារព័ត៌​មាន ម្នាក់របស់ អង្គភាពសារព័ត៌មាន NIKKEI Asia Review ដែលសួរសម្ដេចអំពីភាព​ស្របច្បាប់នៃការបោះឆ្នោត សភាខែកក្កដាឆ្នាំ២០១៨។ សំណួររបស់អ្នកសារព័ត៌មាន NIKKEI Asia Review បានចោទទៅកាន់សម្តេច នាយករដ្ឋមន្ត្រី ថា គណបក្សកាន់អំណាចក្នុងប្រទេសកម្ពុជាបានឈ្នះអាសនៈភាគច្រើននៅក្នុងសភា នាអំឡុងពេលនៃការបោះឆ្នោតចុងក្រោយនេះ។ តែប្រទេសលោកខាងលិចបានរិះគន់ជុំវិញ ការរំលាយគណបក្សប្រឆាំង។ តើសម្តេចគិតយ៉ាងណាដែរចំពោះបញ្ហានេះ?

មុននឹងឆ្លើយចំសំណួររបស់អ្នកសារព័ត៌មានជប៉ុនរូបនេះ សម្ដេចហ៊ុនសែនបានលើកយក​បញ្ហានយោបាយរបស់អ្នកនយោបាយនៅប្រទេសអឺរ៉ុបមួយចំនួន មកលាតត្រដាង ហើយ​ក្រោយមកទើបសម្ដេចបកស្រាយរឿងកម្ពុជា។

តែបើតាមវិឌីអូឃ្លីបរបស់សម្ដេចនាយករដ្ឋមន្ត្រី ដែលបានបង្ហោះលើគេហទំព័រសារព័ត៌មានFresh News គឺសម្ដេច ហ៊ុនសែន ហាក់ខឹងខ្លាំងហើយប្រើពាក្យប្រមាថលើ​គូប្រជែង​នយោបាយ ដោយប្រសាសន៍ ថា«សូមប្រកាសរង់ចាំធ្វើសង្គ្រាមជាមួយបុគ្គលម្នាក់នោះ ដែលសម្តេចហៅថាជា «ឆ្កែមួយក្បាល» ជុំវិញគម្រោងក្នុងការចូលមកចាប់ខ្លួនរបស់សម្តេច»។

—————ដាក់សំឡេង———-01————

 

គេនៅចាំបានថា ប្រតិកម្មរបស់មេដឹកនាំកម្ពុជា នៅលើទឹកជប៉ុន ប្រឆាំងគូប្រកួតនយោបាយ គឺ ជាការឆ្លើយទៅកាន់ លោកសមរង្ស៊ី ប្រធានស្ដីទីនៃអតីតគណបក្សសង្រ្គោះជាតិ ដែលបាន ប្រកាសត្រៀមរៀបចំវិលប្រទេសកម្ពុជាវិញនៅឆ្នាំ២០១៩នេះគឺដើម្បីមកតតាំងនយោបាយផ្ទាល់ ជាមួយសម្ដេចហ៊ុនសែន។ លោកសមរង្ស៊ីប្រកាសថានៅពេលលោកមកដល់កម្ពុជា គឺ​ប្រជាជន​កម្ពុជានឹងងើបបះបោរហើយចាប់លោកនាយករដ្ឋមន្ត្រី។

នៅក្នុងសន្និសីទសារព័ត៌មាននេះទៀត សម្តេច ហ៊ុន សែន បានស្នើឱ្យបណ្តាប្រទេសទាំង​ឡាយត្រូវគោរពនូវវិធានការច្បាប់របស់កម្ពុជា ក៏ដូចជាបណ្តាប្រទេសដទៃទៀតដែល​សម្ដេច​មានប្រសាសន៍ថាការអនុវត្តប្រជាធិបតេយ្យ មាន​អាស្រ័យ​លើអធិបតេយ្យ​របស់​ប្រទេស​នោះ​។

———ចាក់សំឡេង ហ៊ុនសែន-02—————

យ៉ាងណាក្នុងវេទិកានោះ សម្តេច ហ៊ុន សែន ក៏បានថ្លែងបង្ហាញពីការផ្តល់ឱកាស ដល់អ្នកនយោបាយជាប់បំរាមទាំងអស់នោះ ឱ្យសុំសិទ្ធិធ្វើនយោបាយឡើងវិញ។ តែបើមិនសុំសិទ្ធិធ្វើនយោបាយឡើងវិញគឺរង់ចាំរហូតដល់បំរាមរួចផុតដោយខ្លួនឯងនៅ ខែវិច្ឆិកា ឆ្នាំ២០២២។

នាយករដ្ឋមន្ត្រីកម្ពុជា បានប្រកាសថានៅឆ្នាំ២០២២ ជាការបោះឆ្នោតឃុំសង្កាត់ ហើយ​ឆ្នាំ២០២៣ គឺជាការសភាជាតិ។

នៅក្នុងបទសម្ភាសមួយជាមួយវិទ្យុស្រ្តី កាលពីថ្ងៃទី២៩ឧសភា អ្នកសិក្សាសង្គម និងជា​អ្នក​វិភាគ​នយោបាយ គឺលោកឯមសុវណ្ណារ៉ា យល់ឃើញ ថាសកម្មភាពការទូតរបស់​មេដឹក​នាំ​កម្ពុជា នៅក្រៅប្រទេសជាញឹកញាប់ ជាពិសេសគឺសម្ដេចហ៊ុនសែន គឺនៅមិនទាន់​ធ្វើឱ្យ​កម្ពុជា​ស្ដារមុខមាត់កម្រិតការទូតងនៅឆាកអន្តរជាតិឡើងវិញបានទេ ព្រោះ ​ករណីដែលលោក​ខាងលិចចោទថាបានបំផ្លាញ​លទ្ធិ​ប្រជាធិ​បតេយ្យដោយសារការរំលាយគណបក្សប្រឆាំង​គឺ​ជាបញ្ហាធ្ងនធ្ងរនៅឡើយ៕

 

 

បញ្ចេញមតិ

avatar

ព័ត៌មានទាក់ទង

លោក សម រង្ស៊ី​រៀបរាប់ពីការរារាំង និងជោគជ័យលើដំណើរមាតុភូមិនិវត្តន៍

ភ្នំពេញ៖ លោក សម រង្ស៊ី ថ្លែងអំពីដំណើរមាតុភូមិ[...]

ទូតកម្ពុជាប្រចាំអឺរ៉ុប ថាកម្ពុជាធ្វើឱ្យស្ថានភាពនយោបាយប្រសើរឡើងជាជំហានៗ

ភ្នំពេញ៖ ឯកអគ្គរាជទូតកម្ពុជាប្រចាំនៅសហភាពអឺរ៉[...]

កូនលោក កឹម សុខាថា ឆ្នាំ ២០២០ លោក កឹម សុខានឹងជម្រុញឱ្យមានការផ្សះផ្សារជាតិទ្រង់ទ្រាយធំ

ភ្នំពេញ៖ កញ្ញាកឹម មនោវិទ្យា កូនស្រីរបស់លោក កឹ[...]

ព័ត៏មានថ្មី

វីដេអូថ្មីបំផុត