loader

វត្តមានសម្ដេចហ៊ុនសែនក្នុងពិធីសាទរការឡើងគ្រងរាជ្យមហាក្សត្រប្រ៊ុយណេជាការរឹតចំណងទ្វេភាគី

ភ្នំពេញ៖ សម្តេច ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាចូលរួមពិធីរម្លឹកខួបអនុស្សាវរីយ៍លើកទី ៥០នៃការគ្រងរាជ្យសម្បត្តិរបស់ព្រះមហាក្សត្រ​ប្រទេសប្រ៊ុយណេដែលជា បង្ហាញពី ការរឹតចំណងសាមគ្គីភាពកាន់តែរឹងមាំរវាងប្រទេសទាំង២ ។

តាមហ្វេសប៊ុករបស់សម្ដេច ហ៊ុន សែន គឺសម្ដេចបានទៅដល់ប្រទេសប្រ៊ុយណេហើយ នៅវេលាម៉ោង ៦ល្ងាច ថ្ងៃទី០៥ ខែតុលា ២០១៧ នេះ។

ពិធីរម្លឹកការឡើងគ្រងរាជសម្បត្តិរបស់ព្រះមហាក្សត្រប្រ៊ុយណេនេះគឺជាពិធីឡើងគ្រងរាជសម្បត្តិរបស់ព្រះចៅ ស៊ុលតង់ ហាជី ​ហាសាណាល់ បុលគីយ៉ាស់ (SULTAN HAJI HASSANAL BOLKIAH)  ។

ពិធីឡើងគ្រងរាជសម្បត្តិរបស់ព្រះចៅ ស៊ុលតង់ ហាជី ហាសាណាល់ បុលគីយ៉ាស់ នឹងចាប់ផ្ដើមផ្លូវការនៅថ្ងៃទី៦ ខែតុលា ឆ្នាំ២០១៧ នេះ។

ការអញ្ជើញទៅប្រទេសប្រ៊ុយណេរបស់សម្តេច ហ៊ុន សែន នៅពេលនេះគឺ មានរយៈពេល ៣ថ្ងៃ ចាប់ពី​ថ្ងៃទី០៥ ដល់ថ្ងៃទី០៧ ខែតុលា ឆ្នាំ២០១៧​ តបតាមការអញ្ជើញរបស់ព្រះចៅស៊ុលតង់ ​ហាជី​ ហាសាណាល់​ បុលគីយ៉ាស់​ ។

តាមហ្វេសប៊ុករបស់សម្ដេច កម្ពុជា និងប្រ៊ុយណេ មានទំនាក់ទំនងមិត្តភាព និងកិច្ចសហប្រតិបត្តិការដ៏ល្អ ហើយការអញ្ជើញរបស់សម្តេច ហ៊ុន សែន​ ចូលរួម​ក្នុង​​ពិធី​​ខួប​អនុស្សាវរីយ៍​នេះ បានបញ្ជាក់ពីការប្តេជ្ញាចិត្តដ៏រឹងមាំ​របស់​ថ្នាក់ដឹក​នាំ​កំពូល​នៃ​ប្រទេសទាំងពីរ​ ដើម្បី​ពង្រឹងថែមទៀតនូវ​កិច្ចសហប្រតិបត្តិការទ្វេភាគី​ និងពហុភាគី រវាងកម្ពុជា និងប្រ៊ុយណេ។

ស្ដេចស៊ុលតង់ត្រូវបានជាប់ចំណាត់ថ្នាក់ក្នុងចំណោមបុគ្គលដែលមានទ្រព្យសម្បត្តិច្រើនជាងគេបំផុតនៅលើពិភពលោក។

ទស្សនាវដ្ដី Forbes បានប៉ាន់ប្រមាណថា ទ្រព្យសម្បត្តិកំពូលរបស់ស្តេចស៊ុលតង់មានចំនួន ២០ ពាន់លានដុល្លារក្នុងឆ្នាំ ២០០៨។  បន្ទាប់ពីការសោយទិវង្គតនៃស្តេចថៃ Bhumibol Adulyadej នៅក្នុងឆ្នាំ ២០១៦ ស្តេចស៊ុលតង់ គឺជាមហាក្សត្រដែលមានជាងគេបំផុតនៅលើពិភពលោក៕

បញ្ចេញមតិ

Be the First to Comment!

avatar

ព័ត៌មានទាក់ទង

អង្គការ​ WCS​ ៖​ រក​ឃើញ​អណ្ដើក​ហ្លួង​មួយ​សំបុក​ នៅ​តំបន់​ប្រព័ន្ធ​ព្រែក​ស្រែអំបិល​ ខេត្ដកោះកុង​

ក្រុម​អ្នក​អភិរក្ស​របស់​រដ្ឋបាល​ជលផល​ខេត្ដកោ[...]

រយៈពេល​ ២​ស​ប្ដា​ហ៍​ក្នុង​ខែកុម្ភៈ​ កុមារ​មាន​ជំងឺ​ធ្ងន់ធ្ងរ​ ៧​ករណី​មក​ព្យាបាល​នៅ​មន្ទី​រពេទ្យ​គន្ធ​បុប្ផា​ រាជធានី​ភ្នំពេញ​

រយៈពេល​ពីរ​ ស​ប្ដា​ហ៍​ដើមខែ​កុម្ភៈ​ ឆ្នាំ​២០១[...]

លោក សម រង្ស៊ី ថា អូស្ត្រាលីប្រហែលជាពិចារណាសំណើរបស់លោកផ្ដល់សិទិ្ធជ្រកកោនជូនគ្រួសារលោក កែម ឡី  

លោក សម រង្ស៊ី អតីតមេដឹកនាំបក្សប្រឆាំងបាននិយាយ[...]

ព័ត៏មានថ្មី

វីដេអូថ្មីបំផុត