ក្រុងតូក្យូ៖នាយករដ្ឋមន្ត្រីជប៉ុនលោក ស៊ិនហ្ស៊ូ អាបេ(Shinzo Abe) បានប្រាប់មន្ត្រីយោធាជាន់ខ្ពស់នៅថ្ងៃចន្ទទី១២កញ្ញានេះថា លោកពិតជាមិនអាចអត់ធ្មត់ចំពោះទង្វើរបស់កូរ៉េខាងជើង ដែលបានធ្វើការសាកល្បងនុយក្លេអ៊ែរចំនួនពីរគ្រាប់ នៅដើមឆ្នាំនេះ។
ប្រទេសកូរ៉េខាងជើងកាលពីថ្ងៃសុក្រ បានធ្វើតេស្តនុយក្លេអ៊ែរលើកទីប្រាំ ដែលមានអានុភាពខ្លាំងក្លាធំបំផុតរបស់ខ្លួន។ ហើយកូរ៉េខាងជើងបាននិយាយថា ខ្លួនធ្វើការបាញ់សាកល្បងមីស៊ីលឆ្លងទ្វីបនេះ គឺប្រកបដោយភាពស្ទាត់ជំនាញ ហើយក្បាលគ្រាប់របស់ខ្លួនគឺពោរពេញដោយសម ត្ថភាព។ ប្រការនេះ ជាការគំរាមកំហែងដល់គូប្រជែង ព្រមទាំងអង្គការសហប្រជាជាតិផងដែរ បើទោះបីជាអង្គការពិភពលោកដ៏ធំមួយនេះ ខិតខំទប់ស្កាត់ការរីកសាយភាយអាវុធនុយក្លេអ៊ែរកូរ៉េខាងជើងក៏ដោយ។
នៅថ្ងៃនេះដែល ទីភ្នាក់ងារព័ត៌មានយ៉ុនហាប (Yonhap) របស់កូរ៉េខាងត្បូងបានរាយការណ៍មកថា កូរ៉េខាងជើងបានបញ្ចប់ការរៀបចំសម្រាប់ការធ្វើតេស្តនុយក្លេអ៊ែរមួយគ្រាប់ទៀត ដែលមានទីតាំងក្នុងរូងក្រោមដីនៅតំបន់ Punggye-ri។
លោក អាបេ និយាយថា៖«កូរ៉េខាងជើងចង់ឈានទៅធ្វើឱ្យបាននូវការធ្វើតេស្តនុយក្លេអ៊ែរចំនួនពីរ នៅក្នុងរយៈពេលប្រាំបួនខែចុងក្រោយ។ លោកថា នេះគឺជាការមិនអាចទទួលយកបានជាដាច់ខាត»៕ប្រភព៖CNA
