loader

រដ្ឋមន្រ្តីទេសចរណ៍ជំរុញឲ្យពង្រីកជើងហោះហើរវៀតណាម-កម្ពុជា

ភ្នំពេញ៖ លោក ថោង ខុន រដ្ឋមន្រ្តីក្រសួងទេសចរណ៍បានសំណូមពរឲ្យពង្រីកជើងហោះហើរត្រង់ពីប្រទេសវៀតណាម មកកាន់រាជធានីភ្នំពេញ ខេត្តសៀមរាប និង តំបន់ឆ្នេរសមុទ្ររបស់កម្ពុជា ឲ្យកាន់តែច្រើនថែមទៀត និងស្នើឲ្យប្រតិបត្តិករទេសចរណ៍ និង ភាគីពាក់ព័ន្ធទាំងអស់ មេត្តាបន្តចូលរួមគាំទ្រ និង ជំរុញឲ្យមានការផ្សព្វផ្សាយវិស័យទេសចរណ៍កម្ពុជា ឲ្យកាន់តែទូលំទូលាយតាមរយៈការបង្កើតផលិតផលថ្មីៗ ដើម្បីទាក់ទាញភ្ញៀវទេសចរមកកម្ពុជា ឲ្យបានកាន់តែច្រើន។

លោករដ្ឋមន្រ្តីទេសចរណ៍រូបនេះ បានថ្លែងយ៉ាងដូចនេះ នាល្ងាចថ្ងៃទី ១៩ ខែធ្នូ ឆ្នាំ ២០១៨ ក្នុងឱកាសដែលលោកអញ្ជើញជាអធិបតីក្នុងពិធីចែកពានរង្វាន់ជូនភ្នាក់ងារទេសចរណ៍ ដែលមានស្នាដៃល្អ ក្នុងការលក់សំបុត្រ ជូនក្រុមហ៊ុនអាកាសចរ Vietnam Airlines រួមមានអ្នកពាក់ព័ន្ធចូលរួមជាច្រើនផងដែរ។

លោករដ្ឋមន្រ្តីក្រសួងទេសចរណ៍ បានបង្ហាញឲ្យឃើញថា អត្រាកំណើននៃភ្ញៀវទេសចរ បានកើនឡើងជាទីមោទនៈនេះ គឺសម្រេចបានដោយសារកត្តាសុខសន្តិភាពពេញលេញ និងដោយសារគោលនយោបាយបើកចំហរជើងមេឃ របស់រដ្ឋាភិបាលកម្ពុជា ការបើកច្រកព្រំដែនអន្តរជាតិកាន់តែទូលំទូលាយ ជាមួយបណ្តាប្រទេសអ្នកជិតខាង និង កិច្ចប្រឹងប្រែងរបស់ស្ថាប័នពាក់ព័ន្ធ។

សូមជម្រាបថា បច្ចុប្បន្នមានជើងហោះហើរពីវៀតណាម មកកម្ពុជាសរុប២៣ជើង ក្នុងមួយថ្ងៃ៖ សៀមរាប-ហូជីម៉ិញ ៦ជើង, សៀមរាប-ហាណូយ ៦ជើង, ភ្នំពេញ-ហូជីម៉ីញ ៥ជើង ក្រៅពីនោះមានជើងហោះហើរសៀមរាប-ដាណាង និងព្រះសីហនុ-ហូជីមិញផងដែរ ដែលភាគច្រើនប្រតិបត្តិការដោយក្រុមហ៊ុន Vietnam Airline ក្រុមហ៊ុនអាកាសចរជាតិកម្ពុជាអង្គរអ៊ែរ ក្រុមហ៊ុន Vietjet ក្រុមហ៊ុនអាកាសចរ Silk Air និងក្រុមហ៊ុនអាកាសចរ Qatar Airways៕

បញ្ចេញមតិ

avatar

ព័ត៌មានទាក់ទង

WMC ផ្តល់វគ្គបណ្តុះបណ្តាលអ្នកសារព័ត៌មានស្តីពីការលើកកម្ពស់ស្រ្តីនិងយុវជនក្នុងភាពជាអ្នកដឹកនាំ

ភ្នំពេញ៖ មណ្ឌលព័ត៌មានស្រ្តីកម្ពុជា(WMC)នៅថ្ងៃ[...]

មន្ត្រីជាន់ខ្ពស់ចិនថាចិនមិនបានទាញកម្ពុជាធ្លាក់ក្នុងអន្ទាក់ខ្លួនទេតែអ្នកវិភាគថាកម្ពុជាខ្លួនឯងត្រូវកុំឱ្យធ្លាក់ក្នុងអន្ទាក់ចិន

អនុរដ្ឋមន្រ្តីក្រសួងការបរទេសចិនបានមកធ្វើទស្សន[...]

នាយករដ្ឋមន្ត្រីថាការបោះឆ្នោតឆ្នាំ ២០២៣ អាចនឹងមានបញ្ហា ខណៈអ្នកវិភាគថាមកពី​បញ្ហា​នយោបាយបច្ចុប្បន្ន

សម្ដេច ហ៊ុន សែន ថ្លែងថា ការបោះឆ្នោតឆ្នាំ​២០២៣[...]

ព័ត៏មានថ្មី

វីដេអូថ្មីបំផុត