loader

យុវតីម្នាក់ ដែលបង្ហាញខ្លួនតាមហ្វេសប៊ុកថាជាកូននាយករដ្ឋមន្ត្រី ត្រូវបានឃាត់ខ្លួន

យុវតីម្នាក់ដែលអះអាងលើបណ្ដាញសង្គមថា ជាកូនរបស់នាយករដ្ឋមន្ត្រី កាលពីថ្ងៃអាទិត្យទី០៥ ខែកញ្ញាម្សិលមិញ ត្រូវបានសមត្ថកិច្ចឃាត់ខ្លួន និងបានបញ្ជូនទៅមន្ទីរពេទ្យភ្នំពេញ ដើម្បីព្យាបាលហើយនៅរសៀលថ្ងៃដដែល។

ស្ត្រីរូបនោះត្រូវបានគេស្គាល់ថា មានទៅលំនៅ រស់នៅសង្កាត់អូឬស្សី៣ ខណ្ឌ៧មករា រាជធានីភ្នំពេញ បានប្រើហ្វេសប៊ុក ឈ្មោះ អា ជូលី អះអាងដដែលៗនៅក្នុង Comment ហ្វេសប៊ុកសម្ដេចហ៊ុនថាជាកូនរបស់សម្ដេច ហ៊ុន សែន។

ឆ្លើយតបបញ្ហានេះ នាយករដ្ឋមន្ត្រីបានច្រានចោលការអះអាងរបស់នាង និងបានណែនាំអោយយុវតីរូបនោះបញ្ឈប់រាល់សកម្មភាព ដើម្បីចៀសវាងការយល់ច្រលំបន្តទៀត។

សម្ដេចបាន បញ្ជាក់ថា៖ “ ដើម្បីជៀសវាងការភ័ន្តច្រឡំរបស់មហាជនលើការលើកឡើងរបស់ក្មួយដែលលើកឡើងច្រើនដង ហើយហាក់ដូចជាក្មួយនេះជាកូនស្រីរបស់ពូ និងមីងដែលត្រូវបោះបង់ចោលឱ្យនៅខាងក្រៅ។ ពូសូមប្រាប់ទៅក្មួយសូមបញ្ឈប់ចូលមកបន្លំជាកូនពូ និងមីងតទៅទៀត ព្រោះវាជារឿងអគុណធម៌ខ្លាំងណាស់ សម្រាប់ពូ និងមីង ដែលបោះបង់កូនចោលមិនរាប់រក។ ពេលក្មួយចូលមកក្មួយតែងប្រើរាជស័ព្ទដែលធ្វើឱ្យមានកំហុសបន្ថែមទៀត។ ប្រសិនបើជាពូមិនយល់ថា ក្មួយមានជំងឺសរសៃប្រសាទទេ ម្ល៉េះសមពូឱ្យនគរបាលតាមរកក្មួយយូរមកហើយ ។ ពូ និងមីងអាចជួយព្យាបាលជំងឺសរសៃប្រសាទជូនក្មួយបាន សុំក្មួយផ្តល់លេខទូរស័ព្ទមកពូ ឬចេញមកបកស្រាយតាមរយៈខមិននេះថា តើក្មួយជាអ្នកណា? និងកំពុងរស់នៅឯណា?»។

សូមបញ្ជាក់ថា បច្ចុប្បន្នស្ត្រីរូបនេះ ត្រូវបានអាជ្ញាធរនាំយកទៅព្យាបាលនៅមន្ទីរពេទ្យបង្អែករាជធានីភ្នំពេញហើយ ដើម្បីសម្រាកនិងព្យាបាល៕

0 0 votes
Article Rating
guest
0 Comments
Inline Feedbacks
View all comments

ព័ត៌មានទាក់ទង

នៅឆ្នាំ២០៣០ ស្ត្រី និងកុមារ នឹងទទួលបានរបបអាហារប្រកបដោយសុខុមាលភាព និងសុវត្ថិភាព

នៅឆ្នាំ២០៣០ ពលរដ្ឋកម្ពុជា នឹងទទួលបានរបបអាហារប[...]

ក្រសួងសុខាភិបាលចេញសេចក្ដីប្រកាសថ្មីមួយទៀតដល់ស្ត្រីមានផ្ទៃពោះ មនុស្សចាស់ជរាអំពីការចាក់វ៉ាក់សាំង

ក្រសួងសុខាភិបាលនៅថ្ងៃអង្គារ ទី១៩ ខែតុលា ឆ្នាំ[...]

រដ្ឋលេខាធិការទេសចរណ៍៖ស្ត្រីគឺជាផ្នែកមួយនៃការប្រែក្លាយអនាគតទេសចរណ៍នៅកម្ពុជា

(ភ្នំពេញ)៖ លោកស្រី ហ៊ុន ដានី រដ្ឋលេខាធិការក្រ[...]

ព័ត៏មានថ្មី

វីដេអូថ្មីបំផុត

0
Would love your thoughts, please comment.x
()
x