ប្រទេសមីយ៉ាន់ម៉ាបានឱ្យដឹងកាលពីថ្ងៃសុក្រ ទី៣០ ធ្នូ ថា មីយ៉ាន់ម៉ា នឹងទទួលយកពលរដ្ឋខ្លួនចំនួន ២៤១៥ នាក់ពីប្រទេសបង់ក្លាដែសមកវិញ។ ប្រទេស បង់ក្លាដែល ថា ចំនួននេះជាភាគតូចមួយតែប៉ុណ្ណោះ ព្រោះនៅសល់ប្រជាជនមីយ៉ាន់ម៉ាប្រមាណ ៣ សែននាក់ទៀតក្នុងប្រ ទេស បង់ក្លាដែស ដែលពួកគេគួរតែត្រូវបានទៅផ្ទះពួកគេវិញ និងទទួលបានទីជម្រក ។
ភាពតានតឹងកំពុងកើនឡើងនៅប្រទេសជិតខាង មីយ៉ាន់ម៉ា កើតចេញពីការព្យាបាលពីសំណាក់ប្រទេសមីយ៉ាន់ម៉ា លើពួកមូស្លីមជនជាតិភាគតិចរ៉ូហ៊ីងយ៉ា។ ប្រទេស បង់ក្លាដែល និយាយថា ជនជាតិភាគតិច រ៉ូហ៊ីងយ៉ា ប្រមាណ ៥ ម៉ឺននាក់បានរត់គេចខ្លួនចូលប្រទេស បង់ក្លាដែស ចាប់តាំងពីរដ្ឋាភិបាល មីយ៉ាន់ម៉ា ចាប់ផ្តើមធ្វើការបង្ក្រាបដោយកងទ័ពនៅលើផ្នែកខ្លះ នៃព្រំដែនរបស់ មីយ៉ាន់ម៉ា កាលពីខែតុលា។
ជាច្រើនទសវត្សរ៍មកហើយ ប្រទេស មីយ៉ាន់ម៉ា បានលើកឡើងថា ជនជាតិរ៉ូហីងយ៉ា គឺជាជនអន្តោប្រវេសន៍ខុសច្បាប់មកពីបង់ក្លាដែស ហើយមីយ៉ាន់ម៉ា បានបដិសេធមិនផ្តល់សិទ្ធិជាពលរដ្ឋដល់ពួកគេនោះទេ។
តែយ៉ាងណាមិញ បង់ក្លាដែសនិយាយថា ក្រុមជនជាតិ រ៉ូហ៊ីងយ៉ា ទាំងនោះជាពលរដ្ឋមីយ៉ាន់ម៉ា ហើយបង់ក្លាដែស បានបដិសេធមិនផ្តល់ឋានៈជាជនភៀសខ្លួនដល់អ្នកដែលបានរត់ភៀសខ្លួនទាំងនោះទេ ព្រោះជនភៀសខ្លួនទាំងនោះ ជាមនុស្សកើតចេញពីអំពើហិង្សា នឹងការបង្ក្រាបពីកងទ័ព មីយ៉ាន់ម៉ា ប៉ុន្មានទសវត្សរ៍កន្លងមកនេះ។
លោក Kyaw Zaya អគ្គនាយកនៃក្រសួងការបរទេសរបស់ប្រទេសមីយ៉ាន់ម៉ាបានប្រាប់ទីភ្នាក់ងារព័ត៌មានរ៉យទ័រថា រដ្ឋាភិបាលមីយ៉ាន់ម៉ាមានផែនការដើម្បីទទួលយកត្រឡប់មកវិញ នូវប្រជាជាន មីយ៉ាន់ម៉ា ២៤១៥ នាក់នៅឆ្នាំ ២០១៧៕ប្រភព៖ CNA
