ភ្នំពេញ ៖ ស្ដ្រីសហគមន៍បឹងកក់ប្រមាណជាង ៣០នាក់ នៅព្រឹកថ្ងៃអង្គារ៍ ទី ១០ មករានេះ បាននាំគ្នាទៅដាក់ញត្តិនៅក្រសួងមហាផ្ទៃដោយទាមទារអោយដោះលែងអ្នកស្រី ទេព វន្នី និងសកម្មជនការពារសិទ្ធិមនុស្ស រួមទាំងមន្ដ្រី គ.ជ.ប មួយរូបដែលកំពុងឃុំខ្លួន។
ការដាក់ញត្តិរបស់ស្ដ្រីសហគមន៍បឹងកក់ទៅក្រសួងមហាផ្ទៃនេះ បន្ទាប់ពីពួកគាត់បានជំរុញអោយមេដឹកនាំគណបក្សទាំងពីរ គឺ មេដឹកនាំគណបក្សសង្គ្រោះជាតិ និង គណបក្សប្រជាជនកម្ពុជា ដែលចូលជួបប្រជុំគ្នាឆាប់ៗនេះ ត្រូវកំណត់របៀបវារៈអំពីការដោះលែងអ្នកជាប់ឃុំទាំងនេះ។
ស្ដ្រីបឹងកក់ទាំងនោះបានប្ដេជ្ញាថា បើពុំមែនការអន្ដរាគមន៍ទេនោះ គឺពួកគាត់នៅបន្ដការតវ៉ាដូចថ្ងៃនេះទៀត៕
