loader

ពលរដ្ឋហ្វីលីពីនចាត់ទុកលោកឌូទ័រតេជាមនុស្សកំសាកនិង​ក្បត់ជាតិករណីចិនឈ្លានពានដែនទឹក​របស់​ខ្លួន

កាលពីថ្ងៃម្សិលមិញទី ៩ មេសា ពលរដ្ឋហ្វីលីពិន ជាច្រើនរយនាក់បានធ្វើការតវ៉ា នៅខាងមុខស្ថានទូតចិន នៅទីក្រុងម៉ានីល​ដោយទាមទារឱ្យចិនដកទ័ពរបស់ខ្លួនចេញពីប្រជុំកោះស្កាបូរ៉ូ ដែលកងទ័ពចិន កំពុងតែឡោមព័ទ្ធ។

                                                        ​ប្រជុំកោះស្កាបូរ៉ូ ដែលកងទ័ពចិន កំពុងតែឡោមព័ទ្ធ។

តាមសារព័ត៌មាន ម៉ាឡេស៊ី The news strait times បានចុះផ្សាយថា បាតុករប្រមាណជាង ១០០០នាក់ ពួកគេមកពីសហកមន៍នានានៃប្រទេសហ្វីលីពីន បានលើកផ្ទាំងបដាដោយ សរសេរថាចិនត្រូវតែចេញពីទីនោះ។ប្រភពដដែលបញ្ជាក់ថា ផ្ទាំងបដាមួយទៀតដែល មានរូបលោកឌូទ័រតេ បានសរសេរជាភាសាអង់គ្លេស ថា Traitor មានន័យថា ជាជនក្បត់ជាតិ។

​ពលរដ្ឋហ្វីលីពីន ដែលប្រមូលផ្ដុំធ្វើការតវ៉ានេះ អ្នកខ្លះបានចាត់ទុក​លោកឌូទ័រតេ ជាមនុស្សកំសាកជាមួយនឹងជនបរទេស តែក្លាហានបានតែប្រជាជនខ្លួនឯង។ អ្នកខ្លះថា លោកឌូទ័រតេ ត្រូវតែបញ្ចេញភាពម៉ឺនម៉ាត់ឱ្យដឹងនៅពេលនេះចំពោះការឈ្លានពានពីសំណាក់ប្រទេសចិន។ ពួកគេថា ពេលនេះចិន កំពុងតែឡោមព័ទ្ធដើម្បីចូលកាន់កាប់កោះរបស់ហ្វីលីពីននៅទិនោះ។

ភ្លាមបន្ទាប់ពីដឹងថានាវាល្បាតចិនកំពុងឡោមព័ន្ធកោះ ​Pag Asa របស់ខ្លួន លោកឌូទ័រតេ បានបញ្ចេញជំហររបស់លោកដោយព្រមានទៅទីក្រុងប៉េកាំងឱ្យប្រញាប់ដកកងទ័ពល្បាតនាវារបស់ខ្លួនចេញពីទីនោះ ព្រោះវាជាដែនទឹករបស់ហ្វីលីពីន។ លោក ឌូទ័រតេបាន និយាយថា៖« ខ្ញុំមិនអង្វរលន់តួចិនទេប៉ុន្ដែខ្ញុំប្រាប់ថា ត្រូវដកចេញពីដែនទឹក កោះ Pag Asa ព្រៅះកងទ័ពរបស់ខ្ញុំនៅទីនោះហើយ។

ប្រសិនបើអ្នកចូលកាន់កាប់កោះនោះ គឺក្រុងអត្តឃាតនឹងវាយប្រហារអ្នកជាពុំខាន តែយ៉ាងណាក៏ដោយបាតុករម្នាក់ អាយុ ៥៣ឆ្នាំមានមុខរបរជាគ្រូបង្រៀនបាននិយាយថា លោកឌូទ័រតេ មិនបានធ្វើអ្វីសោះមកដល់ពេលនេះក្នុងការឆ្លើយតបនឹងប្រទេសចិន។ យ៉ាងណា ហ្វីលីពីនបានក្លាយជាកូនបំណុលរបស់ចិនដ៏ធំមួយទៅហើយនៅប៉ុន្មានឆ្នាំចុងក្រោយនេះ។ លោកឌូទ័រតេ បានប្រកាសកាលពីឆ្នាំទៅមិញថា បើមានសង្រ្គាមជាមួយចិន គឺហ្វីលីពីន ខាតបង់ធ្ងន់ធ្ងរខ្លាំងណាស់៕

 

បញ្ចេញមតិ

avatar

ព័ត៌មានទាក់ទង

ហ្វាំងឡង់៖ SannaMarinជាប់ជា ស្រ្ដីនាយករដ្ឋមន្រ្ដីវ័យក្មេងបំផុតព្រោះឱកាសប្រទេសកើតកុប្បកម្ម

Sanna Marin ​ វ័យ៣៤ឆ្នាំ បានកំពុង ឈោងកាន់តំណែ[...]

បក្សកាន់អំណាចរបស់អតីតជនផ្ដាច់ការនៅស៊ូដង់ត្រូវបានរំលាយដោយសារជាប់បទឧក្រិដ្ឋធំៗ

រឿងដ៏គួរឱ្យភ្ញាក់ផ្អើលមួយទៀតនៅប្រទេសស៊ូដង់គឺអ[...]

ប៉ូលីសអន្ដរជាតិចេញដីកាចាប់ខ្លួនមេដឹកនាំធ្លាក់ពីអំណាចBoloviaករណីបង្កភេរវកម្ម

អតីតប្រថានាធិបតីនៃប្រទេសបូលូវៀលោកEVO MOROLESដ[...]

ព័ត៏មានថ្មី

វីដេអូថ្មីបំផុត