ហ្សាកាតា៖ យន្តហោះដឹកទំនិញមួយគ្រឿងដែលដឹកប្រេងឥន្ធនៈ និងជាយន្តហោះផ្គត់ផ្គង់សេវាដឹកជញ្ជូនតាមអាកាសឈ្មោះថា Trigana បានរអិលធ្លាក់ចេញពីលើផ្លូវ ខណៈចុះចតនៅព្រលានយន្តហោះ Wamena នៅប្រទេស ប៉ាពួ នៅថ្ងៃអង្គារទី១៣ កញ្ញា ព្រឹកមិញនេះ។
លោក Ahmad Bambang នាយកទីផ្សារក្រុមហ៊ុន Pertamina បានជូនដំណឹងតាមប្រព័ន្ធអនឡាញដែលមានអាស័យដ្ឋាន detik.com ដោយលោកបញ្ជាក់ថា៖«មិនមានអ្នកបាត់បង់ជីវិតនោះទេក្នុងហេតុការណ៍នេះ ហើយប្រេងឥន្ធនៈដែលផ្ទុកលើយន្តហោះក៏មានសុវត្ថិភាពដែរ» ។
លោក Ahmad បានឱ្យដឹងថា យន្តហោះនេះបានហោះចេញពីព្រលានយន្តហោះ Sentani ប្រទេសប៉ាពួ នៅម៉ោង ៦និង៥៥នាទី ។
លោកបន្តថា យន្ដហោះនេះមានបញ្ហាបន្ទាប់ពីចុះចតនៅព្រលានយន្តហោះ Wamena ហើយបានរអិលធ្លាក់ចេញពីលើផ្លូវប្រហែល ២ គីឡូម៉ែត្រពីទីតាំងចុះចតរបស់ខ្លួន។
យន្ដហោះនេះ បានផ្ទុកទម្ងន់ច្រើនជាង ១៤ តោន ក្នុងនោះមានប្រេងឥន្ធនៈ អង្ករ និងស្ករ៕ប្រភព៖CNA
