loader

ទំនិញកម្ពុជា ៣២ មុខនាំទៅប្រទេសវៀតណាមមិនចាំបាច់បង់ពន្ធគយទៀតឡើយ

ភ្នំពេញ៖ ទំនិញរបស់កម្ពុជាចំនួន ៣២មុខ ដែលនាំចេញទៅសាធារណរដ្ឋសង្គមនិយមវៀតណាមនឹងត្រូវលើកលេងការបង់ពន្ធគយរយៈពេលមួយឆ្នាំ អនុវត្តពីឆ្នាំ២០១៩ ដល់២០២០។ នេះបើយោងសេចក្តីជូនដំណឹងរបស់ក្រសួងពាណិជ្ជកម្មកម្ពុជាចេញផ្សាយកាលពីថ្ងៃទី១១មីនាម្សិលមិញ។

យោងតាមសេចក្តីជូនដំណឹង ក្រសួងសូមអំពាវនាវដល់ផលិតករ ឬអ្នកនាំចេញដែលបាន និងកំពុងប្រកបអាជីវកម្មទាក់ទិននឹងទំនិញទាំង ៣២មុខនេះ ត្រូវស្នើសុំវិញ្ញបនបត្របញ្ជាក់ដើមកំណើតទំនិញតាមគេហទំព័រco.moc.gov.kh/។ ដោយឡែកមុខទំនិញសន្លឹកថ្នាំជក់ និងអង្ករ សម្រាប់អនុវត្តឆ្នាំ២០១៩នេះ សូមផលិតករ ឬអ្នកនាំចេញ ដាក់ពាក្យសុំមកក្រសួងពាណិជ្ជកម្មផ្នែកនាយកដ្ឋាននាំចេញ-នាំចូល នៃអគ្គនាយកដ្ឋានសេវាពាណិជ្ជកម្មចាប់ពីថ្ងៃផ្សាយដំណឹងរហូតដល់ថ្ងៃទី០៨ មេសា ឆ្នាំ២០១៩។

ប្រភេទទំនិញដែលអាចនាំចេញទាំងនោះរួមមាន ប្រភេទសាច់សត្វ ផ្លែឈើស្រស់ ឬក្រៀម ស្រូវ អង្ករ អាហារច្នៃពីសាច់ ប្រភេទនំផ្សេងៗ និងថ្នាំជក់ជាដើម។

 

សូមបញ្ជាក់ថា ការទទួលបានភាពអនុគ្រោះពន្ធសូន្យភាគរយនូវមុខទំនិញចំនួន ៣២ មុខនេះគឺបន្ទាប់ពីរដ្ឋាភិបាលនៃប្រទេសទាំងពីរ កម្ពុជា-វៀតណាម បានសម្រេចឯកភាពគ្នាចុះហត្ថលេខាកាលពីថ្ងៃទី២៦ កុម្ភៈ ឆ្នាំ២០១៩។

បញ្ចេញមតិ

avatar

ព័ត៌មានទាក់ទង

ក្រុមហ៊ុនអាកាសចរណ៍លំដាប់កំពូល Emirates នឹងបើកជើងហោះហើរថ្មីពីភ្នំពេញទៅបាងកក

(ភ្នំពេញ)៖ ក្រុមហ៊ុនអាកាសចរណ៍អ៊ែមមឺរឹត (Emira[...]

សហព័ន្ធស្រូវអង្ករកម្ពុជាមានបំណងចង់ជួបប្រតិភូសហភាពអឺរ៉ុបរឿងពន្ធអង្ករ

ភ្នំពេញ៖ មន្រ្តីសហព័ន្ធស្រូវអង្ករកម្ពុជាប្រាប[...]

ជំនួយជាង ២៦ ម៉ឺនដុល្លារបានផ្តល់ជូនមូលនិធិក្រុមប្រឹក្សាអាជ្ញាកណ្តាលនៅថ្ងៃនេះ

ភ្នំពេញ៖ ជំនួយជាថវិកាជាង ២៦ ម៉ឺនដុល្លាររបស់រដ[...]

ព័ត៏មានថ្មី

វីដេអូថ្មីបំផុត