loader

ជនជាតិថៃ ២៦ នាក់នឹងត្រូវបណ្តេញចេញពីកម្ពុជាថ្ងៃនេះ

ក្រុងភ្នំពេញ៖ ជនជាតិថៃចំនួន ២៦ នាក់នឹងត្រូវបណ្តេញចេញពីប្រទេសកម្ពុជាថ្ងៃនេះ ដោយពាក់ព័ន្ធនឹងករណីឆបោក និង គំរាមកំហែងតាមប្រព័ន្ធទូរគមនាគមន៍។ នេះបានតាមការបញ្ជាក់ប្រាប់ ដោយនាយឧត្តមសេនីយ៍ អ៊ុក ហៃសីលា ប្រធាននាយកដ្ឋានស៊ើបអង្កេត និង អនុវត្តនិតីវិធីនៃអគ្គនាយកដ្ឋានអន្តោប្រវេសន៍ កាលពីថ្ងៃទី ២១ ខែ ធ្នូ ឆ្នាំ ២០១៨។

នាយឧត្តមសេនីយ៍រូបនេះ បានឲ្យដឹងបន្ថែមថា ការបណ្តេញជនជាតិថៃ ២៦ នាក់នេះ គឺពាក់ព័ន្ធនឹងករណីឆបោក គំរាមកំហែងជំរិតទារប្រាក់តាមរយៈប្រព័ន្ធអីុនធើណេត ដែលជនល្មើសទាំងអស់នេះនឹងត្រូវបញ្ជូនត្រឡប់ទៅប្រទេសខ្លួនវិញ តាមច្រកទ្វារអន្តរជាតិ ប៉ោយប៉ែត ដែលនឹងមានការចូលរួមសហការ ជាមួយភាគីនគរបាលប្រទេសថៃចាំទទួលយក។

ការបណ្តេញនេះ គឺត្រូវបានអនុវត្តតាមការប្រកាសរបស់ក្រសួងមហាផ្ទៃ ចុះថ្ងៃទី ២៧ និង ២៩ ខែវិច្ឆិកា ឆ្នាំ ២០១៨។

សូមជំរាបថា ជនជាតិថៃខាងលើ ត្រូវបានកម្លាំងសមត្ថកិច្ចជំនាញកងរាជអាវុធហត្ថ រាជធានីភ្នំពេញបង្ក្រាបបានកាលពីថ្ងៃទី ០៧ ខែ កុម្ភះ ឆ្នាំ ២០១៨ នៅទីតាំង ភូមិពោងពាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ ជនជាតិថៃទាំង ៦ នាក់នេះ ត្រូវបានសមត្ថកិច្ចបញ្ជូនទៅកាន់ សាលាដំបូងរាជធានីភ្នំពេញ ដោយកាត់ទោសដាក់ពន្ធនាគារចំនួន ០១ ខែ៕

បញ្ចេញមតិ

avatar

ព័ត៌មានទាក់ទង

មន្ត្រីជាន់ខ្ពស់ចិនថាចិនមិនបានទាញកម្ពុជាធ្លាក់ក្នុងអន្ទាក់ខ្លួនទេតែអ្នកវិភាគថាកម្ពុជាខ្លួនឯងត្រូវកុំឱ្យធ្លាក់ក្នុងអន្ទាក់ចិន

អនុរដ្ឋមន្រ្តីក្រសួងការបរទេសចិនបានមកធ្វើទស្សន[...]

នាយករដ្ឋមន្ត្រីថាការបោះឆ្នោតឆ្នាំ ២០២៣ អាចនឹងមានបញ្ហា ខណៈអ្នកវិភាគថាមកពី​បញ្ហា​នយោបាយបច្ចុប្បន្ន

សម្ដេច ហ៊ុន សែន ថ្លែងថា ការបោះឆ្នោតឆ្នាំ​២០២៣[...]

ការបោះឆ្នោតនៅថៃ៖បក្សប្រជាធិបតេយ្យសង្ឃឹមរកបាន១៥០អាសនៈខណៈ អាប់ ភីស៊ីតនឹងក្លាយជា Kingmaker

កម្លាំងនយោបាយនៅថៃ ត្រូវបានរកឃើញថាមានប្រាំគណបក[...]

ព័ត៏មានថ្មី

វីដេអូថ្មីបំផុត