loader

ក្រសួងអប់រំប្រកាសឱ្យគ្រប់គ្រឹះស្ថានសិក្សាអនុវត្តម៉ោងបង្រៀនដូចធម្មតាវិញ

ភ្នំពេញ៖ ក្រសួងអប់រំ យុវជន និងកីឡា បានចេញសេចក្តីប្រកាសព័ត៌មានកាលពីថ្ងៃម្សិលមិញ ដោយជម្រាបជូនគ្រប់គ្រឹះស្ថានសិក្សាទាំងអស់ត្រូវអនុវត្តម៉ោងបង្រៀន និងរៀនដូចធម្មតាវិញ។ ការប្រកាសនេះ បន្ទាប់ពីក្រសួងយល់ថា រដូវប្រាំងដែលធ្វើឱ្យអាកាសធាតុក្តៅហួតហែងបានកន្លងផុត ហើយរដូវវស្សាក៏បានចូលមកដល់ ធ្វើឱ្យអាកាសផ្លាស់ប្តូរជាប្រក្រតីវិញ។ នេះបើយោងតាមទំព័រហ្វេសប៊ុករបស់ក្រសួងអប់រំនៅថ្ងៃទី០៦ មិថុនានេះ។

សម្រាប់ម៉ោងសិក្សាដែលប្រសួងអប់រំប្រកាសឱ្យអនុវត្តម៉ោងពេលចេញ និងចូលរៀនជាធម្មតាវិញនោះ គឺពេលព្រឹកចូលរៀនម៉ោង ៧៖០០ និងចេញម៉ោង១១៖០០។ ចំណែកពេលរសៀលចូលរៀននៅម៉ោង១៣៖០០ និងចេញម៉ោង ១៧៖០០។

                                                សិស្សានុសិស្សថ្នាក់ទី១២នៃវិទ្យាល័យជាស៊ីមចំរើនរដ្ឋ។រូបភាព៖Facebook’s page MoE

 

សូមរំលឹកជូនថា កាលពីខែមេសា ឆ្នាំ២០១៩ ក្រសួងអប់រំបានចេញសេចក្តីប្រកាសដោយកែប្រែម៉ោងចេញ និងចូលរៀនរបស់សិស្សនុសិស្ស ខណៈដែលសីតុណ្ហភាពនៅកម្ពុជាបានហក់ឡើងលើស ៤០អង្សាសេ នៅចន្លោះពីម៉ោង១០ព្រឹក ដល់ម៉ោង ២រសៀល។ កាលណ្ណោះក្រសួងបានណែនាំឱ្យចូលរៀននៅពេលព្រឹកនៅម៉ោង៧ ហើយចេញនៅម៉ោង​១០៖៣០នាទី។ ចំណែកពេលរសៀលវិញ ចូលរៀនម៉ោង១៖៣០នាទី ហើយចេញនៅម៉ោង ៥ល្ងាច។

ជាការកត់សម្គាល់ កម្ពុជាបានទទួលរងនូវបាតុភូត អ៊ែលនីណូ ដែលនាំឱ្យអាកាសធាតុមានភាពក្តៅខ្លាំងលើសពេលមុនៗ។ នៅកម្ពុជាសីតុណ្ហភាពបានកើនកំដៅដល់៤២អង្សាសេ តែប្រទេសជិតខាងកម្ពុជា តួយ៉ាងប្រទេស ថៃ បានឡើងកំដៅដល់ ៤៣អង្សាសេ វៀតណាម ៤៤អង្សាសេ ហើយប្រទេសភូមា៤៧អង្សាសេ។

ការឡើងកំដៅនៅកម្ពុជាបានបង្កផលប៉ះពាល់ដល់ការបង្កបង្កើនផលរបស់ប្រជាកសិករ។ ក្រសួងបានប្រកាសឱ្យប្រជាកសិករត្រូវពន្យារពេលធ្វើស្រូវវស្សា ព្រោះអាកាសធាតុក្តៅខ្លាំងអាចអូសបន្លាយយូរ។ ការឡើងកំដៅនេះ ក៏ធ្វើឱ្យការផ្គត់ផ្គង់អគ្គិសនីក្នុងប្រទេសកម្ពុជាបានជួបភាពខ្វះចន្លោះផងដែរ ដោយអាជ្ញារតម្រូវឱ្យមានការផ្អាកចរន្តអគ្គិសនីតាមពេល និងតាមតំបន់ជាបណ្តុះអាសន្ន៕

បញ្ចេញមតិ

avatar

ព័ត៌មានទាក់ទង

Cambodia will hold large-scale drills ahead of the day of Mr. Rainsy’s arrival

Cambodia will hold large-scale drills ahead of the day of Mr. Rainsy’s arrival

ថ្ងៃអង្គារ ទី២០ ខែសីហា ឆ្នាំ២០១៩

PHNOM PENH – Cambodia will conduct a la[...]

កម្ពុជានឹងធ្វើសមយុទ្ធបាញ់ទ្រង់ទ្រាយធំមុនមួយថ្ងៃនៃការមកដល់របស់លោក សម រង្សី

ក្រុងភ្នំពេញ៖ កម្ពុជានឹងធ្វើសមយុទ្ធបាញ់គ្រាប់[...]

ផ្សាទំនើបសូរិយាអំពាវនាវឲ្យសារធារណៈជនចូលរួមការសម្តែងសិល្បៈវង់ភ្លេងអារក្សដោយសេរី

ក្រុងភ្នំពេញ៖ ផ្សារទំនើបសូរិយា សេនធ័រ ភ័នធ៍ ប[...]

ព័ត៏មានថ្មី

វីដេអូថ្មីបំផុត