loader

ក្រសួងសាធារណការគ្រោងដាក់កាមេរ៉ាតាមផ្លូវចាប់អ្នកបើកបរល្មើសល្បឿនផាកពិន័យដល់ផ្ទះ

ភ្នំពេញ៖ រដ្ឋមន្រ្តីក្រសួងសាធារណការ និងដឹកជញ្ជូន បានប្រាប់អ្នកសារព័ត៌មាននៅរសៀលនេះថា ក្រសួងសាធារណការ គ្រោងដាក់កាមេរ៉ាតាមដងផ្លូវជាតិមួយចំនួន ដើម្បីចាប់ផាកពិន័យអ្នកបើកបរល្មើសល្បឿនកំណត់។

ការថ្លែងបែបនេះធ្វើឡើងក្រោយបញ្ចប់ពិធីចុះហត្ថលេខា​ លើអនុស្សរណ:​នៃការយោគយល់គ្នា​ រវាងក្រសួងសាធារណការ​ ​ជាមួយក្រុមហ៊ុន​ មីឆែលីន​រ៉ូ​ និងក្រុមហ៊ុន​ វើលប្រ៊ីជ ត្រេឌីង​ ស្ដីពីការបង្កើតសុវត្ថិភាពចរាចរណ៍លើផ្លូវថ្នល់នៅកម្ពុជានាថ្ងៃទី​ ១៦​ កក្កដា​ ២០១៩នេះ។

ដោយឡែកការផាកពិន័យវិញលោក ស៊ុន ចាន់ថុល រដ្ឋមន្រ្តីក្រសួងសាធារណការឱ្យដឹងថា នឹងធ្វើឡើងដល់ផ្ទះអ្នកល្មើសនោះតែម្តង។

………………..សូមស្តាប់ប្រសាសន៍របស់លោក ស៊ុន ចាន់ថុល………..

សូមបញ្ជាក់ថា ការចុះអនុស្សរណៈនេះក្រុមហ៊ុនទាំងពីរខាងលើបានផ្តល់ថវិកាប្រមាណ ៤ ម៉ឺនអឺរ៉ូ ស្មើប្រមាណ​ ៤ម៉ឺន ៥ពាន់ដុល្លារ ដល់ក្រសួង ទិញមួកសុវត្ថិភាព និងសំភារៈមួយចំនួន ដើម្បីកាត់បន្ថយអត្រាគ្រោះថ្នាក់ចរាចរនៅកម្ពុជា។

បើតាមលោក ស៊ុន ចាន់ថុល គ្រោះថ្នាក់ចរាចរដែលកើតមានឡើងសត្វថ្ងៃភាគច្រើនបណ្តាលមកពីអ្នកបើកបរល្មើសល្បឿនកំណត់ វ៉ាជែងគ្នា បើកបរក្នុងស្ថានភាពស្រវឹង និងបញ្ហាយានយន្តជាដើម។

យោងតាមរបាយការណ៍របស់មន្រ្តីចរាចរឱ្យដឹងថា ​ក្នុងឆ្នាំ២០១៨ មានមនុស្ស​ជិត​១.៨០០​នាក់បាន​បាត់​បង់​ជីវិត​ដោយសារ​គ្រោះថ្នាក់​ចរាចរណ៍​លើ​ដងផ្លូវ។ ចំនួននេះថយ​ចុះជិត ​១០០​នាក់​ ​បើ​ធៀប​នឹង​ឆ្នាំ​២០១៧​៕ ​

បញ្ចេញមតិ

avatar

ព័ត៌មានទាក់ទង

លោកសមរង្ស៊ីធ្វើដំណើរ​ រុលដល់ម៉ាឡេស៊ីខណៈការចូលកម្ពុជាវិញរបស់គាត់កាន់តែខិតជិតមកដល់

Read this article in English ក្រុងភ្នំពេញ៖ បណ[...]

Sam Rainsy traveled to Malaysia as his return to Cambodia drew ever closer

Sam Rainsy traveled to Malaysia as his return to Cambodia drew ever closer

ថ្ងៃសុក្រ ទី១៦ ខែសីហា ឆ្នាំ២០១៩

(Phnom Penh) : Social media has reported on t[...]

ចិនថាកម្ពុជាមានកម្លាំងខាងក្រៅជ្រៀតជ្រែកកិច្ចការផ្ទៃក្នុងរឿងមូលដ្ឋានទ័ព

ភ្នំពេញ៖ ឯកអង្គរដ្ឋទូតនៃសាធារណៈរដ្ឋប្រជាមានិត[...]

ព័ត៏មានថ្មី

វីដេអូថ្មីបំផុត