loader

កាណាដា និងប្រទេស៥ទៀតបញ្ចូនរបបវេណេហ្សូអេឡាករណីរំលោភសិទ្ធិមនុស្សទៅកាន់ICC

ប្រទេសកាណាដានឹងចុះហត្ថលេខា​ជាមួយប្រទេស ៥ទៀតនៅអាមេរិកខាងត្បូងបញ្ជូនសំណើនៃសំណុំរឿងឧក្រិដ្ឋកម្មប្រឆាំងមនុស្សជាតិប្ដឹងលោក នីកូឡាស់ ម៉ាឌូរ៉ូ ប្រធានាធិបតីវេណេហ្សូអេឡាទៅកាន់តុលាការព្រហ្មទណ្ឌអន្តរជាតិ ICC ។

តាមបណ្ដាញផ្សាយព័ត៌មាន CBC News  ប្រទេសដែលលើកសំណើទៅកាន់ ICC មាន កាណាដា អាហ្សង់ទីន ឈីលី កូឡំប៊ី ប៉ារ៉ាហ្គាយ និងប្រទេសប៉េរ៉ូ។ ប្រទេសទាំងនេះ កំពុងទទួលជនភៀសខ្លួនវេណេហ្សូអេឡា ដែលពួកគេមិនអាច​ទ្រាំរស់នៅក្នុងរបបលោក ម៉ាឌូរ៉ូ រំលោភសិទិ្ធមនុស្សធ្ងន់ធ្ងរ។

តាមប្រភពដដែល ការចុះហត្ថលេខារបស់ថ្នាក់ដឹកនាំប្រទេសទាំង ៦នេះ  ធ្វើឡើងនៅឯក្រុងញ៉ូវយ៉ក ទីដែលពួកគាត់កំពុងចូលរួមមហាសន្និបាតអង្គការសហប្រជាជាតិ នៅថ្ងៃ ពុធ ទី ២៦កញ្ញានេះ។

លោក ម៉ាឌូរ៉ូនឹងរដ្ឋអំណាចរបស់លោកត្រូវបានចោទថា បានរំលោភសិទ្ធិមនុស្សធ្ងន់ធ្ងរដោយសម្លាប់មនុស្សក្រៅប្រព័ន្ធ និងការបង្រ្កាបទៅលើក្រុមប្រឆាំង។

ចាប់តាំងពីឆ្នាំ ២០១៦មក មនុស្សជាច្រើនរយនាក់ភាគច្រើនគាំទ្របក្សប្រឆាំងបានស្លាប់ដោយសារការបង្ក្រាប ខណៈពួកគេតវ៉ាប្រឆាំងការរំលាយសមាជិកសភារបស់បក្សប្រឆាំង។ លោក ម៉ាឌូរ៉ូ នឹងមន្ត្រីរបស់លោកជាច្រើនរួមទាំង ក្រុមហ៊ុនវេណេហ្សូអេឡាជាង ២០ កំពុងរងការដាក់ទណ្ឌពីអាមេរិក៕

បញ្ចេញមតិ

avatar

ព័ត៌មានទាក់ទង

ជប៉ុន​​ ឥណ្ឌា រួមដៃគ្នាជួយទាញស្រីលង្កាចេញពីអន្ទាក់បំណុលរបស់ចិន

ឥណ្ឌា ជប៉ុន និង ស្រីលង្កា ប្រទេសទាំងបីនេះ នឹង[...]

Huawei ៖ ផែនការ B នៃការបង្កើតប្រព័ន្ធប្រតិបត្តិការផ្ទាល់ខ្លួន ឆ្លើយតបនឹងអាមេរិកគាបសង្កត់ដោយប្រើប្រាស់ Google និង Microsoft

សង្គ្រាមពាណិជ្ជកម្មពេលនេះបានវិវត្តខ្លួន ប្រើប[...]

៣ខែនៃការហ៊ុមព័ទ្ធសេដ្ឋកិច្ចពីសហគមន៍អន្ដរជាតិបណ្ដាលឱ្យ​​​វេណេហ្សូអេឡាបាត់បង់ប្រាក់ទ្រទ្រង់សេដ្ឋកិច្ចជាតិ៣០ពាន់លានដុល្លារ

សារព័ត៌មានរុស្ស៊ី Sputnik នៅថ្ងៃទី១៨ឧសភា នេះប[...]

ព័ត៏មានថ្មី

វីដេអូថ្មីបំផុត