loader

កម្ពុជារំពឹងថានឹងទទួលបានទេសចរចិនប្រមាណ១លាននាក់ក្នុងឆ្នំា២០១៧

ភ្នំពេញ៖ រដ្ឋមន្រ្តីក្រសួងទេសចរណ៍លោក ថោង ខុន បានលើកទ្បើងថានៅឆ្នំា២០១៧នេះ កម្ពុជានឹងអាចទទួលបានទេសចរចិនប្រមាណ១លាននាក់ ខណៈកាលពីឆ្នំា២០១៦កម្ពុជាទទួលបានទេសចរចិនជាង ៨៤ម៉ឺននាក់។ នេះបើតាមទំព័រហ្វេសប៊ុក្រសួងទេសចរណ៍បង្ហោះផ្សាយនាពេលថ្មីៗនេះ។

ថ្លែងក្នុងកិច្ចប្រជុំប្រចំាឆ្នំាលើកទី៥០ របស់សមាគមសារព័ត៌មានចិនពិភពលោក នៅរាជធានីភ្នំពេញនាពេលថ្មីៗនេះ រដ្ឋមន្រ្តីក្រសួងទេសចរណ៍ លោក ថោង ខុន បានលើកទ្បើងថាកម្ពុជាបានដាក់ចេញនូវគោនយោបាយ និងយុទ្ធសាស្រ្តមួយចំនួនដើម្បីត្រៀមទទួលទេសចរចិន និងទេសចរអន្តរជាតិដ៏ច្រើននាពេលខាងមុខ។

លោក ថោង ខុន គូសបញ្ជាក់ដែរថា កាលពីឆ្នំា២០១៦ កម្ពុជាទទួលបានទេសចរអន្តរជាតិជាង ៥លាននាក់ ក្នុងកំណើន ៥% ក្នុងនោះទេសចរចិនមានចំនួនជាង ៨៣ម៉ឺននាក់ ក្នុងកំណើន ២០%។ ដោយទ្បែកក្នុងរយៈពេល៩ខែ ដើមឆ្នំា២០១៧ កម្ពុជាទទួលបានទេសចរអន្តរជាតិ ៣លាន ៩សែន នាក់ កើនទ្បើង ១១.៥% ធៀបនឹងរយៈពេលដូចគ្នា ក្នុងឆ្នំា២០១៦ ដែលក្នុងនោះទេសចរចិនមានចំនួនជាង ៨៤ម៉ឺននាក់ កើនទ្បើង ៣៥.៦%។

តាមរយៈកំណើនទេសចិនទ្បើងយ៉ាងឆាប់រហ័សនេះលោក ថោង ខុន សង្កត់ធ្ងន់ថា នៅឆ្នំា២០១៧នេះ កម្ពុជាអាចនឹងទទួលបានទេសចិនប្រមាណ១លាននាក់ ហើយនៅឆ្នំា២០២០ នឹងកើនដល់យ៉ាងតិច ២លាននាក់ ក្នុងចំណោមទេសចរអន្តរជាតិសរុបប្រមាណ៧លាននាក់។

បើតាមលោក ថោង ខុន ដើម្បីទទួលបានកំណើនទេសចរអន្តរជាតិ៧លាននាក់នៅឆ្នំា២០២០នេះ ជាយុទ្ធសាស្រ្តកម្ពុជាបានប្តេជ្ញាចិត្ត ក្នុងការបន្តអភិវឌ្ឍវិស័យទេសចរណ៍កម្ពុជា ជាគោលដៅ ទេសចរណ៍ស្អាត និងបៃតង ប្រកបដោយទាក់ទាញ និងផ្តល់ភាពកក់ក្តៅដល់ភ្ញៀវទេសចរ ។

 

បញ្ចេញមតិ

Be the First to Comment!

avatar

ព័ត៌មានទាក់ទង

សិស្សសាលារៀនជ្រោយឬស្សីត្រូវការជាចាំបាច់សម្ភារៈ និងថ្នាក់រៀន

ភាពក្រីក្រជាកត្តាដែលនាំអោយកុមារមួយចំនួនបោះបង់[...]

អង្គការ​ WCS​ ៖​ រក​ឃើញ​អណ្ដើក​ហ្លួង​មួយ​សំបុក​ នៅ​តំបន់​ប្រព័ន្ធ​ព្រែក​ស្រែអំបិល​ ខេត្ដកោះកុង​

ក្រុម​អ្នក​អភិរក្ស​របស់​រដ្ឋបាល​ជលផល​ខេត្ដកោ[...]

រយៈពេល​ ២​ស​ប្ដា​ហ៍​ក្នុង​ខែកុម្ភៈ​ កុមារ​មាន​ជំងឺ​ធ្ងន់ធ្ងរ​ ៧​ករណី​មក​ព្យាបាល​នៅ​មន្ទី​រពេទ្យ​គន្ធ​បុប្ផា​ រាជធានី​ភ្នំពេញ​

រយៈពេល​ពីរ​ ស​ប្ដា​ហ៍​ដើមខែ​កុម្ភៈ​ ឆ្នាំ​២០១[...]

ព័ត៏មានថ្មី

វីដេអូថ្មីបំផុត