loader

កម្ពុជាថ្កោលទោសអំពើឃោឃៅដែលបានសម្លាប់មនុស្សជិត៦០នាក់នៅអាមេរិក

ក្នុងនាមរាជរដ្ឋាភិបាលកម្ពុជា សម្តេច ហ៊ុន​ សែន ថ្កោលទោសចំពោះអំពើដ៏ឃោឃៅមួយដែលបានកើតទ្បើងនៅសហរដ្ឋអាមេរិកដោយសារ ខ្មាំកាំភ្លើងបាញ់សម្លាប់មនុស្សនៅក្នុងក្លឹបកំសាន្តមួយនៅអាមេរិកដោយបណ្ដាលឱ្យស្លាប់៥៩នាក់។

ការថ្លែងដូចនេះធ្វើទ្បើងក្នុងពិធីជួបសំណេះសំណាលជាមួយកម្មករ-កម្មារិនីជាង ១ម៉ឺននាក់ នាព្រឹកថ្ងៃទី ០៤ តុលា ឆ្នំា ២០១៧ នៅខណ្ឌពោធិ៍សែនជ័យ រាជធានីភ្នំពេញដែលត្រូវបានមើលឃើញលើបណ្ដាញហ្វេសប៊ុករបស់នាយករដ្ឋមន្ត្រី។

ដោយសារសោនាដកម្មនេះ សម្តេច ហ៊ុន សែន នាយករដ្ឋមន្រ្តីកម្ពុជាបានសម្តែងការសោកស្តាយយ៉ាងខ្លាំង។

នៅក្នុងវេទិការនេះដែរ សម្តេច ហ៊ុន សែន ចាត់ទុកការសម្លាប់នេះ ជាប្រវត្តិសាស្រ្តមួយរបស់សហរដ្ឋអាមរិកដែលអាមេរិកត្រូវមានការរឹតបន្តឹងចំពោះការគ្រប់គ្រងអាវុធបន្ថែមទៀត។ តែទោះជាយ៉ាងណាក៏ដោយចុះសម្តេច ហ៊ុន សែន ថ្លែងថា នេះជារឿងផ្ទៃក្នុងនៃការគ្រប់គ្រងរបស់សហរដ្ឋអាមេរិក ហើយកម្ពុជាគ្រាន់តែចូលរួមការសោកស្តាយចំពោះរដ្ឋាភិបាលសហរដ្ឋអាមេរិក និងប្រជាជនអាមេរិកចំពោះសោកនាដកម្មដ៏ឃោឃៅមួយនេះ។

ជាមួយគ្នានេះ សម្តេច ហ៊ុន សែន ក៏បានអំពាវនាវឱ្យពលរដ្ឋដែលរស់នៅកម្ពុជាត្រូវបង្កើនការប្រុងប្រយ័ត្នផងដែរបន្ទាប់ពីមានខ្មាន់កាំភ្លើងបាញ់ប្រហារសម្លាប់មនុស្សយ៉ាងឃោឃៅនេះ។ក្នុងហេតុការណ៍នេះ លោកដូណាល់ត្រាំ ក៏បានហៅការវាយប្រហានេះជាអំពើបិសាចផងដែរ។

តាម បណ្ដាញផ្សាយព័ត៌មាន BBC ឱ្យដឹងថាតាមសេចក្ដីការណ៍របស់ប៉ូលីស មនុស្សស្លាប់ដោយខ្មាន់កាំភ្លើងវាយប្រហារ កើនឡើង ៥៩នាក់ និង របួស ៥២៧នាក់ ។ ប៉ូលិស ៦៦ កំពុងតាមចាប់ខ្លួន បុរសវ័យ៦៤ ឆ្នាំ គឺលោក Stephen Paddock,  ដែលបានបាញ់ចេញពីបន្ទប់សណ្ឋាគារមួយមកលើក្រុមមនុស្សដែលកំពុងរាំច្រៀងនៅក្នុងពិធីប្រគុំតនៅពេលយប់។ នៅអាមេរិកករណីនេះ ត្រូវបានហៅថា ជាអំពើភេរវកម្មតែអាចចាត់ទុកជាការសងសឹក ឬរើសអើងជាតិសាសន៍។ តែករណីនេះ ប៉ូលសកំពុងស៊ើបអង្កេតបណ្ដាញភេរវកម្មអន្តរជាតិ៕

បញ្ចេញមតិ

Be the First to Comment!

avatar

ព័ត៌មានទាក់ទង

អង្គការ​ WCS​ ៖​ រក​ឃើញ​អណ្ដើក​ហ្លួង​មួយ​សំបុក​ នៅ​តំបន់​ប្រព័ន្ធ​ព្រែក​ស្រែអំបិល​ ខេត្ដកោះកុង​

ក្រុម​អ្នក​អភិរក្ស​របស់​រដ្ឋបាល​ជលផល​ខេត្ដកោ[...]

រយៈពេល​ ២​ស​ប្ដា​ហ៍​ក្នុង​ខែកុម្ភៈ​ កុមារ​មាន​ជំងឺ​ធ្ងន់ធ្ងរ​ ៧​ករណី​មក​ព្យាបាល​នៅ​មន្ទី​រពេទ្យ​គន្ធ​បុប្ផា​ រាជធានី​ភ្នំពេញ​

រយៈពេល​ពីរ​ ស​ប្ដា​ហ៍​ដើមខែ​កុម្ភៈ​ ឆ្នាំ​២០១[...]

លោក សម រង្ស៊ី ថា អូស្ត្រាលីប្រហែលជាពិចារណាសំណើរបស់លោកផ្ដល់សិទិ្ធជ្រកកោនជូនគ្រួសារលោក កែម ឡី  

លោក សម រង្ស៊ី អតីតមេដឹកនាំបក្សប្រឆាំងបាននិយាយ[...]

ព័ត៏មានថ្មី

វីដេអូថ្មីបំផុត