loader

កម្ពុជាចូលរួមកិច្ចប្រជុំរដ្ឋមន្រ្តីការបរទេសអាស៊ី-អឺរ៉ុប មានផ្តោតលើរឿងសិទ្ធិមនុស្ស និងប្រជាធិបតេយ្យ

រដ្ឋមន្រ្តីក្រសួងការបរទេសកម្ពុជាលោកប្រាក់ សុខុន បានដឹកនំាគណប្រតិភូកម្ពុជាទៅចូលរួមកិច្ចប្រជុំរដ្ឋមន្រ្តីការបរទេសអាស៊ី អឺរ៉ុប លើក ទី១៣ នៅរដ្ឋធានីណៃពិដោ ប្រទេសមីយ៉ាន់ម៉ា រយៈពេល២ថ្ងៃ ចាប់ពីថ្ងៃទី២០-២១ វិច្ឆិកា ឆ្នំា២០១៧ ដោយផ្តោតសំខាន់លើ ការពង្រឹងភាពជាដៃគូដើម្បីសន្តិភាព និងការអភិវឌ្ឍប្រកបដោយចីរភាព។ នេះបើតាមសេចក្តីជូនព័ត៌មានក្រសួងការបរទេសនិងសហប្រតិបត្តិការអន្តរជាតិចុះថ្ងៃទី២៤ វិច្ឆិកា ឆ្នំា២០១៧។

តាមសេចក្តីជូនព័ត៌មានដដែលនេះឱ្យដឹងថាការដែលកម្ពុជាទៅចូលរួមប្រជុំនេះធ្វើទ្បើងតាមការអញ្ចើញរបស់ទីប្រឹក្សារដ្ឋ និងជារដ្ឋមន្រ្តីការបរទេសនៃសាធារណរដ្ឋសហភាពមីយ៉ាន់ម៉ា លោកស្រីអ៊ុង សានស៊ូជី។

ក្នុងកិច្ចប្រជុំនេះបានលើកទ្បើងពីចំនុចសំខាន់ៗមួយចំនួនដូចជា៖ការផ្សាភ្ជាប់រវាងសន្តិភាព និងការអភិវឌ្ឍប្រកបដោយនិរន្តភាព ការបង្កើតភាពជាដៃគូអាស៊ី-អឺរ៉ុប ដ៏ក្លៀវក្លានិងកាន់តែជិតស្និទ្ធ និងការផ្លាស់ប្តូរយោបល់លើបញ្ហាតំបន់ និងអន្តរជាតិ។ នៅក្នុងកិច្ចប្រជុំនេះក៏បានលើកទ្បើងផងដែរពីបញ្ហាសន្តិសុខ ដូចជាវិបត្តិ រ៉ូហីងយ៉ា បញ្ហានុយក្លេអ៊ែរកូរ៉េខាងជើង និងការប្រយុទ្ធប្រឆំាងភេរវកម្ម និងអំពើហិង្សាជ្រុលនិយម។ ដោយទ្បែកករណីឧក្រឹដ្ឋកម្មតាមប្រព័ន្ធអ៊ីនធឺណេត បញ្ហាសិទ្ធិមនុស្ស និងប្រជាធិបតេយ្យ ក៏ត្រូវបានលើកយកមកពិភាក្សាផងដែរ។

គួរជម្រាបថាក្រៅពីកិច្ចប្រជុំនេះរដ្ឋមន្រ្តីក្រសួងការបរទេសកម្ពុជា លោកប្រាក់ សុខុន ក៏មានជំនួបទ្វេភាគីជាមួយរដ្ឋមន្រ្តីការបរទេសសំខាន់ៗដែលបានចូលរួមក្នុងកិច្ចប្រជុំនោះដែរ ដើម្បីពន្យល់ពីស្ថានភាពដែលវិវត្តន៏នៅក្នុងប្រទេសកម្ពុជា។ ជំនួបផ្លូវការនោះរដ្ឋមន្រ្តីការបរទេសកម្ពុជា បានជួបជាមួយរដ្ឋមន្រ្តីការបរទេសចិន រដ្ឋមន្រ្តីការបរទេសមីយ៉ាន់ម៉ា រដ្ឋមន្រ្តីអឺរ៉ុប និងកិច្ចការបរទេសបារំាង រដ្ឋមន្រ្តីការបរទេស និងពាណិជ្ជកម្មហុងគ្រី អនុរដ្ឋមន្រ្តីការបរទេសជប៉ុន អនុរដ្ឋមន្រ្តីការបរទេសអង់គ្លេស អនុរដ្ឋមន្រ្តីការបរទេសរុស្ស៊ីជាដើម។

បញ្ចេញមតិ

Be the First to Comment!

avatar

ព័ត៌មានទាក់ទង

សិស្សសាលារៀនជ្រោយឬស្សីត្រូវការជាចាំបាច់សម្ភារៈ និងថ្នាក់រៀន

ភាពក្រីក្រជាកត្តាដែលនាំអោយកុមារមួយចំនួនបោះបង់[...]

អង្គការ​ WCS​ ៖​ រក​ឃើញ​អណ្ដើក​ហ្លួង​មួយ​សំបុក​ នៅ​តំបន់​ប្រព័ន្ធ​ព្រែក​ស្រែអំបិល​ ខេត្ដកោះកុង​

ក្រុម​អ្នក​អភិរក្ស​របស់​រដ្ឋបាល​ជលផល​ខេត្ដកោ[...]

រយៈពេល​ ២​ស​ប្ដា​ហ៍​ក្នុង​ខែកុម្ភៈ​ កុមារ​មាន​ជំងឺ​ធ្ងន់ធ្ងរ​ ៧​ករណី​មក​ព្យាបាល​នៅ​មន្ទី​រពេទ្យ​គន្ធ​បុប្ផា​ រាជធានី​ភ្នំពេញ​

រយៈពេល​ពីរ​ ស​ប្ដា​ហ៍​ដើមខែ​កុម្ភៈ​ ឆ្នាំ​២០១[...]

ព័ត៏មានថ្មី

វីដេអូថ្មីបំផុត