loader

ស្រ្តីម្នាក់ត្រូវតុលាការសម្រេចដាក់ពន្ធនាគារ ១ឆ្នាំ ក្រោយជេរប្រមាថ សម្ដេច ហ៊ុន សែន

(ភ្នំពេញ)៖ ស្ត្រីម្នាក់ជាសកម្មជន អតីតគណបក្សសង្គ្រោះជាតិ​ ​ដែល​បានជេរប្រមាថសម្តេច​ ហ៊ុន សែន និង​ក្រុមគ្រួសារ តាម​បណ្តាញ​សង្គម​ Facebook ថា ជាឃាតករ ​សម្លាប់​បណ្ឌិត កែម ឡីនោះ ត្រូវបាន​ ចៅក្រម​ជំនុំជម្រះសាលាដំបូង​រាជធានី​ភ្នំពេញ ប្រកាស​សាលក្រម​ផ្តន្ទាទោស​ដាក់ពន្ធនាគារមួយឆ្នាំ និង ពិន័យជា​ប្រាក់​១មួយលាន​រៀល នៅថ្ងៃទី១១​ ខែមករា​ ឆ្នាំ២០១៨នេះ​​។ នេះបើតាមគេហទំព័រមួយស្និទ្ធនឹងរដ្ឋាភិបាលចុះផ្សាយនៅរសៀលថ្ងៃនេះ។

​ស្ត្រី​ជាប់ចោទ​នោះមានឈ្មោះ ហ៊ិ​ន វ៉ាន់​ស្រី​ពៅ ហៅ ហេង លក្ខិណា អាយុ​៣៧​ឆ្នាំ ត្រូវបាន​តំណាង​អយ្យការ​ចោទប្រកាន់​ពីបទ «ញុះញង់​ឲ្យ​ប្រព្រឹត្ត​បទឧក្រិដ្ឋ​ជាអាទិ៍» តាម​មាត្រា​៤៩៤ និង​មាត្រា​៤៩៥ នៃ​ក្រមព្រហ្មទណ្ឌ​។​

​​កាលពី​ថ្ងៃទី​១២ ខែកក្កដា ឆ្នាំ​២០១៧ ស្រ្ដីរូបនេះត្រូវបានសមត្ថកិច្ចឃាត់ខ្ខ្លួន បន្ទាប់ពីនាង​បាន​បង្ហោះ​វីដេអូ​តាម​គណនី​ហ្វេ​ស​ប៊ុ​ក​ដែលមានឈ្មោះ ហេង លក្ខិណា កាលពី​ថ្ងៃទី​៩ ខែកក្កដា ដោយ​ចោទ​សម្តេច ហ៊ុន សែន និង​ក្រុមគ្រួសារ​ថា សុទ្ធតែជា​ឃាតក។

ស្ត្រីរូបនេះ បានចោទលើប្រមុខរដ្ឋដូចនេះ  ក្នុងអំឡុងពេល​នាង​ស្ថិតក្នុង​ពិធីបុណ្យ​រំលឹក​ខួប​មួយឆ្នាំ នៃ​ការបាញ់សម្លាប់​លោក​បណ្ឌិត កែម ឡី ដែល​រៀបចំឡើង​នៅ​ភូមិ​អង្គ​តា​កុប ឃុំ​លាយ​បូរ ស្រុក​ត្រាំកក់ ខេត្តតាកែវ។

យ៉ាងតិច មនុស្ស៣នាក់ត្រូវបានតុលាការផ្តន្ទាទោស ករណី ចោទប្រមុខរដ្ឋាភិបាល់ ពាក់ព័ន្ធនិង ករណីលោក កែមឡី ក្នុងនោះ មានទាំងលោក សមរង្ស៊ី អតីតប្រធានគណបក្សសង្រ្គោះជាតិនិង លោកស្រី ថាក់ឡានី ជាសមាជិកព្រឹទ្ធសភាគណបក្សប្រឆាំង៕

 

បញ្ចេញមតិ

Be the First to Comment!

avatar

ព័ត៌មានទាក់ទង

អង្គការ​សម្ព័ន្ធ​ចាប់ដៃ​ ៖​ មក​ដល់​ឆ្នាំ​២០១៧​ ករណី​ជួញដូរ​ស្ដ្រី​ខ្មែរ​ ទៅ​ក្រៅប្រទេស​ នៅ​តែ​កើត​មាន​

អង្គការ​ សម្ព័ន្ធ​ចាប់ដៃ​ ដែល​ធ្វើការ​ងារ​លើ​[...]

អតីតពលករចំណាកស្រុកអ្នកស្រី ឆាត់ ស បង្ហាញបទពិសោធន៍ធ្វើការងារតាមផ្ទះនៅ​​ម៉ាឡេស៊ី

ជីវះព័ត៌មាន៖ អតីតពលករចំណាកស្រុក អ្នកស្រី ឆាត់[...]

សមត្ថកិច្ច​បញ្ជូន​ជនសង្ស័យ​ម្នាក់​ទៅ​តុល​ការ​ករណី​ជួញដូរ​ស្ត្រី​ខ្មែរ​ទៅ​ម៉ា​ឡេ​ស៊ី​

​ភ្នំពេញ​៖​ប៉ូលិស​ប្រឆាំង​ការ​ជួញដូរ​មនុស្ស​ក[...]

ព័ត៏មានថ្មី

វីដេអូថ្មីបំផុត