loader

វេណេហ្សូអេឡាបន្តដោះលែងអ្នកទោសនយោបាយខណៈលោកម៉ាឌូរ៉ូចង់ផ្សះផ្សាជាតិ

អ្នកទោសនយោបាយចំនួន ៤៣នាក់ផ្សេងទៀតត្រូវបានដោះលែងនៅព្រហស្បតិ៍ ទី ១៤មិថុនានេះ ដែលនាំអោយចំនួននេះកើនឡើង ​១២៤នាក់ ចាប់តាំងពីលោក ម៉ាឌូរ៉ូ ឈ្នះឆ្នោត នៅក្នុងការបោះឆ្នោតប្រធានាធិបតីកាលពីថ្ងៃទី ២០ឧសភាដែលសហគមន៍អន្តរជាតិមួចំនួនមិនទទួលស្គាល់រដ្ឋាភិបាលចេញពីការបោះឆ្នោតដ៏ចម្រូងចម្រាស់នេះទេ។

រដ្ឋមន្ត្រីក្រសួងយុត្តិធម៌ លោក Tarek William Saab និយាយថាក្នុងចំណោមអ្នកទោស ទាំងនោះ មានមន្ត្រីជាន់ខ្ពស់គណបក្សប្រឆាំង ផងដែរ។

លោកប្រធានាធិបតី នីកូឡាស់ ម៉ាឌូរ៉ូ បានស្នើអោយដោះលែងអ្នកទោសនយោបាយទាំងអស់នេះ អោយបានមុនការចរចាជាថ្មីទៀត ជាមួយគណបក្ស ប្រឆាំងដែលលោក ម៉ាឌូរ៉ូ ថា ការចរចាដើម្បីការសាមគ្គីភាព។

ក្រុមសិទិ្ធមនុស្សនិយាយថា អ្នកទោសនយោបាយជាង ១០០នាក់ ដែលកំពុងឃុំខ្លួនក្នុងមានមន្ត្រីជាន់ខ្ពស់ជាច្រើនទៀតរបស់បក្សប្រឆាំងនៅបន្តឃុំខ្លួននៅឡើយ។ 

តាមទីភ្នាក់ងារសារព័ត៌មាន AFP ការដោះលែងអ្នកទោសនយោបាយដ៏ច្រើននេះ គឺជាការបង្ហាញចេតនាមួយរបស់លោកម៉ាឌូរ៉ូប្រាប់ទៅសហគមន៍អន្តរជាតិថា លោកពិតជាត្រូវការផ្សះផ្សាជាតិពិតប្រាកដមែន។ តែបែបនេះក្ដីក្រុមប្រឆាំងដែលនិរទេសនៅក្រៅប្រទេស មិនបានសាទរច្រើនទេ។ ក្រុមប្រឆាំងនៅតែបន្តទាមទារអោយលោកម៉ាឌូរ៉ូ លុបចោលលទ្ធផលបោះឆ្នោត ហើយ រៀបចំការបោះឆ្នោតឡើងវិញ ដែលមានបរិយាសកាស ប្រកបដោយសេរី និងអព្យាក្រឹត្យ មានបក្សនយោបាយទាំងអស់ចូលរួម៕

 

បញ្ចេញមតិ

avatar

ព័ត៌មានទាក់ទង

មេដឹកនាំយោធាថៃអំពាវនាវឱ្យបក្សនយោបាយរៀបចំគោលនយោបាយ ចូលរួមបោះឆ្នោត

ឧត្តមសេនីយ៍ ប្រាយុទ្ធចាន់អូចា នាយករដ្ឋមន្ត្រី[...]

ម៉ាឡេស៊ី៖អតីតមេបក្សប្រឆាំងប្រកាសទ្រព្យសម្ប​ត្តិមុនចូលកាន់តំណែងនាយករដ្ឋមន្រ្ដី

អតីតមេបក្សប្រឆាំងនៃប្រទេសម៉ាឡេស៊ី អាន់វ៉ា អ៊ី[...]

ពួកយោធាថៃបើកឱ្យបក្សនយោបាយទាំងអស់ធ្វើសកម្មភាពឡើងវិញចាប់ថ្ងៃទី១១ធ្នូដើម្បីត្រៀមបោះឆ្នោត

ក្រុមប្រឹក្សាយោធាថៃដែលជាអ្នកកាន់ចង្កូតរាជរដ្ឋ[...]

ព័ត៏មានថ្មី

វីដេអូថ្មីបំផុត