loader

ក្រសួងមហាផ្ទៃបញ្ជាឱ្យលុបបំបាត់ប៉ុស្តិ៍ត្រួតពិនិត្យនៅក្នុងប្រទេសកម្ពុជា

ភ្នំពេញ៖ ក្រសួងមហាផ្ទៃបញ្ជាឱ្យរដ្ឋបាលរាជធានីខេត្តទំាងអស់ លុបបំបាត់ប៉ុស្តិ៍ត្រួតពិនិត្យ នៅផ្ទៃក្នុងប្រទេសកម្ពុជា បន្ទាប់ពីក្រសួងរកឃើញថាការដាក់ពង្រាយប៉ុស្តិ៍ត្រួតពិនិត្យផ្លូវគោក ផ្លូវទឹក ដែលសម្រេចអនុញ្ញាតដោយអាជ្ញាធររដ្ឋបាលរាជធានី-ខេត្ត បានបង្កើតឱ្យមានការត្រួតពិនិត្យច្រើនទីតំាង មានសមត្ថកិច្ច ច្រើនមុខជំនាញ ជាកត្តានំាឱ្យកើតមានបញ្ហាប្រឈម ប៉ះពាល់ដល់សិទ្ធិសេរីភាព ផលប្រយោជន៍ និងសតិអារម្មណ៍ប្រជាពលរដ្ឋ។

នេះបើតាមសេចក្តីណែនំា ស្តីពី ការលុបបំបាត់ប៉ុស្តិ៍ត្រួតពិនិត្យនៅផ្ទៃក្នុងប្រទេស ចុះថ្ងៃទី០៥ មករា ឆ្នំា២០១៨ ដែលចុះហត្ថលេខាដោយរដ្ឋ មន្រ្តីក្រសួងមហាផ្ទៃ សម្តេច ស ខេង ។

តាមសេចក្តីណែនំាដដែល ក្នុងគោលបំណងជម្រុញអនុវត្តឱ្យបានសម្រេច នូវគោលនយោបាយ និងកាប្តេជ្ញាចិត្តដ៏មុះមុត របស់រាជរដ្ឋាភិបាលក្នុងការផ្តល់សេវាបម្រើ ក៏ដូចជាការបង្កលក្ខណៈសម្បត្តិល្អប្រសើរជូនប្រជាពលរដ្ឋ។

លុបបំបាត់ឱ្យបាននូវអំពើអសកម្មនានា ដែលតែងតែកើតមានទ្បើងនៅតាមប៉ុស្តិ៍ត្រួតពិនិត្យ ក្រសួងមហាផ្ទៃក្នុងនាមគណៈបញ្ជាការដឹកនំាត្រួតពិនិត្យ និងលុបបំបាត់ប៉ុស្តិ៍ត្រួតពិនិត្យអនាធិបតេយ្យផ្លូវគោក និងផ្លូវទឹក បានណែនំាឱ្យគណៈបញ្ជាការឯកភាពរដ្ឋបាលរាជធានី-ខេត្ត ទំាងអស់ត្រូវអនុវត្តសកម្មភាពរបស់ខ្លួនដូចជា៖ រំសាយ និងបញ្ឈប់ទំាងស្រុង នូវរាល់សកម្មភាពរបស់ប៉ុស្តិ៍ត្រួតពិនិត្យទំាងអស់នៅផ្ទៃក្នុងប្រទេសដែលបានអនុញ្ញាតដោយគណៈបញ្ជាការឯកភាពរដ្ឋបាលរាជធានី ខេត្ត ក្រុង ស្រុក ខណ្ឌ ក៏ដូចជាការអនុញ្ញាតដោយលិខិតឧទ្ទេសនាមក្រសួងស្ថាប័នជំនាញពាក់ព័ន្ធនាពេលកន្លងមក។

ក្នុងករណីមានភាពចំាបាច់ដោយផ្អែកលើស្ថានភាពជាក់ស្តែង ដែលតម្រូវឱ្យមានប៉ុស្តិ៍ត្រួតពិនិត្យឈរឈើងអចិន្រ្តៃយ៍ ឬប៉ុស្តិ៍ចល័តត្រួតពិ និត្យរបស់ស្ថាប័នជំនាញពាក់ព័ន្ធនៅក្នុងភូមិសាស្រ្តរាជធានី ខេត្ត នោះ គណៈបញ្ជាការឯកភាពរដ្ឋបាលរាជធានី ខេត្ត ត្រូវធ្វើសំណើសុំការពិនិត្យ  សម្រេច ពីប្រធានគណៈបញ្ជាការដឹកនំាត្រួតពិនិត្យនិងលុបបំបាត់ប៉ុស្តិ៍ត្រួតពិនិត្យអនាធិបតេយ្យតាមផ្លូវគោក និងផ្លូវទឹកទើបអាចអនុវត្តបាន។

សមាជិកគណៈបញ្ជាការដឹកនំាត្រួតពិនិត្យ និងលុបបំបាត់ប៉ុស្តិ៍ត្រួតពិនិត្យអនាធិបតេយ្យតាមផ្លូវគោក និងផ្លូវទឹក មានភារកិច្ចអនុវត្តសេចក្តីណែនំានេះឱ្យមានប្រសិទ្ធភាពចាប់ពីថ្ងៃទី០៥ មករា ឆ្នំា២០១៨នេះតទៅ។

បញ្ចេញមតិ

Be the First to Comment!

avatar

ព័ត៌មានទាក់ទង

កសិករ​ ៖​ មាន់​រាប់រយ​ក្បាល​ងាប់​ជា​បន្ដបន្ទាប់​នៅ​ឃុំ​មួយ​ ខេត្តព្រៃវែង​ ខណៈ​អាជ្ញាធរ​មិន​បានដឹង​រឿង​នេះ​

សត្វ​មាន់​របស់​កសិករ​ ដែល​រស់នៅ​ក្នុង​ភូម​ព្រ[...]

កម្ពុជា​ នឹង​ចាប់ផ្ដើម​បញ្ជូន​ស្ដ្រី​បម្រើ​តាម​ផ្ទះ​ ទៅ​ម៉ា​ឡេ​ជា​ថ្មី​ក្នុង​អំឡុង​ ខែមិថុនា​

រដ្ឋមន្ដ្រីក្រសួង​ការងារ​ បាន​បញ្ជាក់​ថា​ ពល​[...]

រដ្ឋាភិបាល​គ្រោង​ធ្វើ​វិសោធនកម្ម​ច្បាប់​ស្តី​ពី​អន្តោប្រវេសន៍​និង​ច្បាប់​ស្តី​ពី​សញ្ជាតិ​

​ភ្នំពេញ​៖​ សម្តេច​ ស​ ខេ​ង​ រដ្ឋមន្ត្រី​ក្រស[...]

ព័ត៏មានថ្មី

វីដេអូថ្មីបំផុត