loader

សម្តេចហ៊ុន សែន អំពាវនាវឱ្យថៅកែរោងចក្របណ្តេញប្រធានក្រុមរោងចក្រណាមួយដែលបន្តជេរប្រមាថកម្មករ

ភ្នំពេញ៖ នាយករដ្ឋមន្រ្តីកម្ពុជាសម្តេច ហ៊ុន សែន បានអំពាវនាវឱ្យគ្រប់ម្ចាស់រោងចក្រទំាងអស់ចាត់វិធានការ ទៅលើប្រធានរដ្ឋបាលរោងចក្រ ប្រធានផ្នែករោងចក្រ ក៏ដូចជាប្រធានក្រុមរោងចក្រទំាងអស់ ឱ្យបឈ្ឈប់ការជេរប្រមាថដល់កម្មករ កម្មារិនីរោងចក្រ បើនៅតែមិនស្តាប់ទៀតនោះគឺត្រូវបណ្តេញចេញពីការងារតែម្តង។ នេះបើតាមសម្តេច ហ៊ុន សែនថ្លែងក្នុងពិធីសំណេះសំណាលជាមួយកម្មករ កម្មារិនីរោងចក្រស្ថិតនៅរោងចក្រតំបន់ផ្សារសំាហាន់ រាជធានីភ្នំពេញ។

លោក ជួន សារ៉េត រាយការណ៍ពីព័ត៌មាននេះ!

ជាការពិតណាស់គេពិតជាធ្លាប់បានឮ បានដឹងពីសំណាក់ក្រុមកម្មករ កម្មារិនី មួយចំនួន ដែលធ្លាប់លើកទ្បើងថា មានប្រធានក្រុម ប្រធានផ្នែក ក៏ដូចជាប្រធានរដ្ឋបាលរោងចក្រមួយចំនួន បានជេរប្រមាថទៅលើក្រុមកម្មករពេលពួកគេធ្វើអ្វីខុសមួយនោះ គឺក្រុមកម្មករធ្លាប់ទទួលរងពាក្យទំាងនោះ។

ទាក់ទងនឹងបញ្ហានេះនាយករដ្ឋមន្រ្តីកម្ពុជាសម្តេច ហ៊ុន សែន បានលើកទ្បើងថាចង់ជួបមេក្រុម មេផ្នែក ប្រធានការិយាល័យ និអ្នកទទួលខុសត្រូវក្នុងរោងចក្រ បន្ទាប់ពីមានម្ចាស់រោងចក្របានណែនំាទៅដល់មន្រ្តីក្រោមឱវាទរបស់ខ្លួនមិនត្រូវជេរប្រមាថទៅដល់ក្រុមកម្មកររោងចក្រនោះទេ។ សម្តេច ហ៊ុន សែន បន្តថាប្រទេសកម្ពុជាមិនមែនជាប្រទេសកម្ពុជាមិនមែនជាប្រទេ ដែលប្រទេសក្រៅជេរប្រមាថនោះទេ។

សម្តេច ហ៊ុន សែន បន្តថាប្រធានក្រុម ប្រធានផ្នែក ប្រធានរដ្ឋបាល មិនអាចជេរកម្មករ កម្មារិនីបាននោះទេ។ ការណ៍នេះសម្តេច ហ៊ុន សែន បានអំពាវនាវឱ្យម្ចាស់រោងចក្រត្រូវចាត់វិធានការណ៍បណ្តេញចេញចំពោះប្រធានក្រុម ប្រធានផ្នែក ប្រធានរដ្ឋបាល ដែលបន្តជេរប្រមាថទៅ ដល់ក្រុមកម្មករឱ្យចេញពីរោងចក្រ។ សម្តេច ហ៊ុន សែន សង្កត់ធ្ងន់ថារឿងជេរប្រមាថទំាងនេះមិនត្រូវកើតជាដាច់ខាតតាមបណ្តារោងចក្រនោះទេ។

«ប្រធានក្រុម ប្រធានផ្នែក ប្រធានរដ្ឋបាលជេរកម្មករ កម្មារិនីបានទេ ត្រូវយល់អំពីបញ្ហានេះអញ្ចឹងទេឃើញថាម្ចាស់រោងចក្រពីម្សិលនេះបានខិតខំដោះស្រាយថា បើអ្នកណាមិនព្រមកែប្រែនៅតែជេរកម្មករនឹងបណ្តេញចេញពីការងារខ្ញុំគំាទ្រ ប្រធានរដ្ឋបាល ប្រធានផ្នែក ឬប្រធានក្រុមជេរប្រចោលកម្មករ​ដែលមិនមែនជាជម្លោះផ្ទាល់ខ្លួនគឺសំអោយថៅកែចាត់វិធានការ កុំចាត់ចំពោះកម្មករតែចាត់ចំពោះអ្នកដែលប្រមាថគេ»

ជុំវិញរឿងនេះប្រធានសម្ព័ន្ធសហជីពជាតិ លោក ហ្វាសាលី គំាទ្រការលើកទ្បេះ។ តែលោក ស្នើឱ្យក្រុមកម្មករ កម្មារិនី ក៏ត្រូវគោពលក្ខណ្ឌការ ងាររបស់ខ្លួនផងដែរ ព្រោះថាពេលខ្លះការជេរប្រមាថទំាងនោះក៏បណ្តាលមកពីក្រុមកម្មករមួយចំនួនបង្កើតឱ្យមានកំហុសដែរ។ ទោះបីជាយ៉ាងនេះក្តី លោក ហ្វាសាលី អះអាងថាទោះបីកម្មករមានកំហុសយ៉ាងណាក៏ដោយចុះ ប្រធានក្រុម ប្រធានរដ្ឋបាល ប្រធានផ្នែកមិនត្រូវប្រើពាក្យមិនសមរម្យលើកម្មនោះដែរ។

«សម្រាប់ប្រសាសន៍របស់សម្តេចខ្ញុំសាទរនូវអ្វីដែលចំណុចវិជ្ជមានហើយលើកស្ទួយលើកកម្ពស់សិទ្ធិរបស់កម្មករ កម្មារិនីខ្មែរយើងប៉ុន្តែដូចមាន​បញ្ហាមួយចំនួនដែលកម្មករយើងខ្លះរាងពិបាកនិយាយគ្នាដែរប៉ុន្តែយើងក៏ស្នើ ​អំពាវនាវដល់ខាងរដ្ឋបាល ប្រធានផ្នែក ប្រធានក្រុមខ្មែរៗគ្នាយើងគួររកវិធីយ៉ាងណាប្រើពាក្យសម្តីឱ្យបានល្អ ជាជាងការប្រើពាក្យគំរោះគំរើយ​មកលើបងប្អូនកម្មករយើង»។

នេះជាលើកដំបូងហើយដែលប្រមុខរាជរដ្ឋាភិបាលកម្ពុជា បានណែនំាឱ្យថៅកែរោងចក្រ មានវិធានការទៅលើក្រុមនិយោជិត ជាប្រធានក្រុម ប្រធានផ្នែក ប្រធានរដ្ឋបាល ខណៈសម្តេចហាក់យកចិត្តទុកដាក់លើកម្មករជាខ្លំាងមុនពេលការបោះឆ្នោតឆ្នំា២០១៨ ឈានចូលមកដល់។

បញ្ចេញមតិ

Be the First to Comment!

avatar

ព័ត៌មានទាក់ទង

កសិករ​ ៖​ មាន់​រាប់រយ​ក្បាល​ងាប់​ជា​បន្ដបន្ទាប់​នៅ​ឃុំ​មួយ​ ខេត្តព្រៃវែង​ ខណៈ​អាជ្ញាធរ​មិន​បានដឹង​រឿង​នេះ​

សត្វ​មាន់​របស់​កសិករ​ ដែល​រស់នៅ​ក្នុង​ភូម​ព្រ[...]

កម្ពុជា​ នឹង​ចាប់ផ្ដើម​បញ្ជូន​ស្ដ្រី​បម្រើ​តាម​ផ្ទះ​ ទៅ​ម៉ា​ឡេ​ជា​ថ្មី​ក្នុង​អំឡុង​ ខែមិថុនា​

រដ្ឋមន្ដ្រីក្រសួង​ការងារ​ បាន​បញ្ជាក់​ថា​ ពល​[...]

រដ្ឋាភិបាល​គ្រោង​ធ្វើ​វិសោធនកម្ម​ច្បាប់​ស្តី​ពី​អន្តោប្រវេសន៍​និង​ច្បាប់​ស្តី​ពី​សញ្ជាតិ​

​ភ្នំពេញ​៖​ សម្តេច​ ស​ ខេ​ង​ រដ្ឋមន្ត្រី​ក្រស[...]

ព័ត៏មានថ្មី

វីដេអូថ្មីបំផុត