loader

គ.ជ.ប ប្រកាសនីតិវិធីបោះឆ្នោតព្រឹទ្ធសភាធ្វើឡើងនៅថ្ងៃអាទិត្យទី២៥កុម្ភៈ

ការបោះឆ្នោតជ្រើសរើសសមាជិកព្រឹទ្ធសភានីតិកាលទី៤ នឹងត្រូវចាប់ផ្តើមនៅថ្ងៃអាទិត្យ ថ្ងៃទី២៥ ខែកុម្ភៈ ឆ្នាំ២០១៨ស្អែកនេះហើយដែលគេហៅថាការបោះឆ្នោតអសល។

អង្គបោះឆ្នោត មានក្រុមក្រុមប្រឹក្សាឃុំសង្កាត់ នៅទូទាំងប្រទេស ប្រមាណ ១១៥៧២រូប និងសមាជិកសភា១២៣រូប។

ការបោះឆ្នោតជ្រើសរើសសមាជិកព្រឹទ្ធសភានីតិកាលទី៤នេះ មានគណបក្សនយោបាយចំនួន៤ ចូលរួមប្រកួតប្រជែងរួមមាន៖ គណបក្សប្រជាជនកម្ពុជាលេខរៀងទី១ គណបក្សយុវជនកម្ពុជាលេខរៀងទី២ គណបក្សខ្មែររួបរួមជាតិលេខរៀងទី៣ និងគណបក្សរាជានិយមហ៊្វុនស៊ិនប៉ិចលេខរៀងទី៤។

គណៈកម្មាធិការជាតិរៀបចំការបោះឆ្នោត (គ.ជ.ប) បានប្រកាសថា ការិយាល័យ បោះឆ្នោតទាំង៣៣ នៅទូទាំង២៥ រាជធានី-ខេត្ត បានត្រៀមខ្លួន រួចជាស្រេចហើយ ដើម្បីបើកបម្រើការបោះឆ្នោត នៅថ្ងៃអាទិត្យ ទី២៥ ខែកុម្ភៈ ឆ្នាំ២០១៨ ស្អែកនេះ។

សមាជិកគ.ជ.ប ទាំង៩រូប ត្រូវបានបែងចែកភារកិច្ចគ្នាចុះត្រួតពិនិត្យមើលដំណើរការបោះឆ្នោត នៅតាមមណ្ឌលភូមិភាគ៨ សម្រាប់ថ្ងៃនេះ និងថ្ងៃបោះឆ្នោតស្អែកផងដែរ។

តាមការប្រកាសរបស់ គណៈកម្មាធិការជាតិរៀបចំការបោះឆ្នោត មានអ្នកចូលរួមសង្កេតការណ៍ជាតិមកពីស្ថាប័នអង្គការសង្គមស៊ីវិលប្រមាណ ២៧៦នាក់។

ស្ថាប័នព្រឹទ្ធសភាត្រូវបានបង្កើតឡើងនៅថ្ងៃទី២៥ ខែមីនា ឆ្នាំ១៩៩៩។ ចំនួនសមាជិកព្រឹទ្ធសភាមាន៦២រូប តែ សមាជិក៥៨រូបជ្រើសតាំងពី អង្គអ្នកបោះឆ្នោត។ ចំណែក៤រូបទៀត ជ្រើសតាំងពី ព្រះមហាក្សត្រ និង ២រូបទៀត ជ្រើសតាំងពីសមាជិកសភា៕

 

បញ្ចេញមតិ

avatar

ព័ត៌មានទាក់ទង

ក្រសួងមហាផ្ទៃ ណែនាំការស្នើសុំសិទ្ធិធ្វើនយោបាយ ខណៈអ្នកវិភាគថារឹតតែបង្ហាញចរិតបំបែកបំបាក់

ក្រសួងមហាផ្ទៃ បានចេញសេចក្ដីណែនាំសម្រាប់អ្នកដ[...]

កម្លាំងសមត្ថកិច្ច ឃាត់ខ្លួនមនុស្ស១៣នាក់ក្នុងឆ្នាំ២០១៨ធ្វើសកម្មភាពផ្ដួលរំលំរដ្ឋាភិបាល

អគ្គស្នងការនគរបាលជាតិ បានបញ្ជាក់ថា កងកម្លាំងន[...]

នាយករដ្ឋមន្រ្ដី៖ ២០២៥ជាអាណត្តិកំណត់កម្ពុជាគ្មានមីន

នាយករដ្ឋមន្រ្ដី៖ ២០២៥ជាអាណត្តិកំណត់កម្ពុជាគ្មានមីន

ថ្ងៃព្រហស្បតិ៍ ទី២១ ខែកុម្ភៈ ឆ្នាំ២០១៩

សម្ដេចនាយករដ្ឋមន្ត្រីហ៊ុនសែនប្រកាសថា កម្ពុជាន[...]

ព័ត៏មានថ្មី

វីដេអូថ្មីបំផុត