loader

ស្រ្តីមេម៉ាយតស៊ូចាក់អង្រឹងក្រណាត់លក់ដោះស្រាយជីវភាពនិងមើលថែចៅ

កំពង់ធំ៖ អង្គុយក្រោមផ្ទះលើអង្រឹង ដៃទាំងពីរទាញយកសរសៃក្រណាត់ចាក់ចុះចាក់ឡើងរហ័សរហួន នេះជាសកម្មភាពអ្នកស្រី ឡាច ទឹម កំពុងចាក់អង្រឹងក្រណាត់យ៉ាងស្ទាត់ជំនាញ។

អ្នកមីង ទឹម អង្គុយចាក់អង្រឹងយកទៅលក់ និងមានពេលមើលថែចៅតូចៗផងដែរ។រូបភាព សេង សុភ័ក្រ យុវជនខេត្តកំពង់ធំ

អ្នកស្រី ឡាច ទឹម វ័យជាង៥០ឆ្នាំ ជាស្រ្តីមេម៉ាយជាង ១៥ឆ្នាំ ហើយបច្ចុប្បន្នរស់នៅជាមួយកូនៗបួននាក់ដែលធ្វើការងារនៅរោងចក្រកាត់ដេរ។ ស្រ្តីមេម៉ាយដែលរស់នៅក្នុងភូមិ បន្ទាយចាស់ ឃុំត្នោតជុំ ស្រុកបារាយណ៍ ខេត្តកំពង់ធំ រូបនេះឱ្យដឹងថា អ្នកស្រីចាក់អង្រឹងមួយថ្ងៃអាចបាន ៣ អង្រឹង ដែលលក់បានប្រហែលមួយម៉ឺនរៀលក្នុងមួយអង្រឹង។

អ្នកស្រីបន្តថា ការចាក់អង្រឹងក្រណាត់លក់នេះត្រូវការចំណាយដើមទុនតិចតួច ដោយត្រូវទិញក្រណាត់ពីរោងចក្រក្នុងមួយគីឡូថ្លៃមួយពាន់រៀល។ ពេលចាក់អង្រឹងបានច្រើនល្មមហើយ អ្នកស្រីយកអង្រឹងនេះទៅលក់ក្នុងភូមិ​ស្រុក ព្រោះមិនមានម៉ូយមកទទួលយកលក់បន្តនោះទេ។

ចំណូលពីការចាក់អង្រឹងលក់របស់អ្នកស្រី ទឹម គាត់អាចយកទៅទិញរបស់ញុំា មានលុយទៅធ្វើបុណ្យមិនចំបាច់សុំប្រាក់កូនៗ។រូបភាព សេង សុភ័ក្រ យុវជនខេត្តកំពង់ធំ

ក្នុងវ័យកាន់តែចាស់ មុខរបរចាក់អង្រឹងក្រណាត់លក់នេះ ជាជម្រើសល្អសម្រាប់អ្នកស្រីដើម្បីបានប្រាក់ចំណូលខ្លះចាយវាយប្រចាំថ្ងៃ និងមានពេលមើលថែចៅតូចៗព្រោះម្តាយរបស់ចៅទៅធ្វើការរោងចក្រ៕

អត្ថបទខ្លីសរសេរដោយ សេង សុភ័ក្រ យុវជនខេត្តកំពង់ធំ ជាសិក្ខាកាមក្នុងវគ្គបណ្តុះបណ្តាលអំពីអក្ខរកម្មព័ត៌មាន និងប្រព័ន្ធផ្សព្វផ្សាយ (MIL) រៀបចំដោយមណ្ឌលព័ត៌មានស្រ្តីកម្ពុជា(WMC) ក្រោមជំនួយបច្ចេកទេសពីអង្គការអភិវឌ្ឍន៍ប្រព័ន្ធផ្សព្វផ្សាយអាឡឺម៉ង់(DW)។

បញ្ចេញមតិ

avatar

ព័ត៌មានទាក់ទង

ផ្សារបីក្នុងស្រុកបារាយណ៍ទទួលបានកង់បីដឹកសំរាមពីរដ្ឋមន្រ្តីក្រសួងទេសចរណ៍

កំពង់ធំ៖ ផ្សារចំនួនបីក្នុងស្រុកបារាយណ៍ ខេត្តក[...]

កំពង់ធំ៖ ទួលតាពេជ្រទីសក្ការៈស័ក្តិសិទ្ធិអ្នកភូមិចាន់ល្ហងគោរពបូជា

ខេត្តកំពង់ធំ៖ តាំងពីយូរលង់ណាស់មកហើយមានទួលបុរា[...]

កំពង់ធំ៖ពលរដ្ឋខ្មែរឥស្លាមពីរភូមិទទួលបានផ្លូវបេតុងនិងគ្រឿងបរិ ភោគក្នុងឱកាសបុណ្យស្រាយបួស

កំពង់ធំ៖ ប្រជាពលរដ្ឋខ្មែរឥស្លាមក្រីក្រចំនួន ២[...]

ព័ត៏មានថ្មី

វីដេអូថ្មីបំផុត