loader

កំពង់ធំ៖ អំបោសដើមផ្អាវកាន់តែខ្សត់អ្នកគាំទ្រ

កំពង់ធំ៖ ការធ្វើអំបោសពីដើមផ្អាវ មិនត្រឹមតែលំបាកក្នុងការរកវត្ថុធាតុដើមពីក្នុងព្រៃនោះទេ តែក៏ប្រឈមនឹងបញ្ហាទីផ្សារផងដែរ ខណៈប្រជាពលរដ្ឋមួយចំនួនហាក់លែងសូវគាំទ្រ។

អ្នកស្រី ម៉ី ច្រឹប កំពុងធ្វើអំបោសនៅក្រោមផ្ទះដែលទើបកាបើពីក្នុងព្រៃ។ រូបភាព សេង សុភ័ក្រ យុវជនខេត្តកំពង់ធំ

នេះជាការលើកឡើងរបស់អ្នកស្រី ម៉ី ច្រឹប និងស្វាមីឈ្មោះ នុត ណាង ជាប្រជាពលរដ្ឋក្នុងភូមិបន្ទាយចាស់ ឃុំត្នោតជុំ ស្រុកបារាយណ៍ ខេត្តកំពង់ធំ ដែលចាប់យករបរធ្វើអំបោសពីដើមផ្អាវ បន្ថែមពីរបរស្រែចំការនោះ។

អ្នកស្រី ម៉ី ច្រឹប និងស្វាមី ឱ្យដឹងថា ក្រៅពីធ្វើស្រែ អ្នកទាំងពីរតែងទៅក្នុងព្រៃដើម្បីកាប់ដើមផ្អាវមកធ្វើជាអំបោសលក់ជារបរបន្ទាប់បន្សំអាចរកប្រាក់ចំណូលបន្ថែមបាន។

អ្នកស្រី ម៉ី ច្រឹប បានប្រាប់ពីរបៀបធ្វើអំបោសថា ពេលយកដើមផ្អាវពីក្នុងព្រៃ ត្រូវហូតស្លឹកផ្អាវជាសរសៃៗរួចយកទៅហាលថ្ងៃឱ្យស្ងួត រួចផលិតជាអំបោស។ អ្នកស្រីប្រាប់ថា អំបោសផ្អាវមួយដើមអាចលក់បាន ៥ពាន់រៀល។

ដើមផ្អាវទើបកាប់ពីក្នុងព្រៃក្បែរភូមិ។ រូបភាព សេង សុភ័ក្រ យុវជនខេត្តកំពង់ធំ

តែអ្នកផលិតអំបោសផ្អាវរូបនេះ ត្អូញត្អែរថា អំបោសដើមផ្អាវមិនសូវមានឈ្មួញកណ្តាល មកទិញដូចមុននោះទេ ដោយអ្នកស្រីត្រូវយកទៅលក់នៅក្នុងភូមិដោយខ្លួនឯង។

តែយ៉ាងណាអ្នកស្រីឱ្យដឹងថា ការធ្វើអំបោសពីដើមផ្អាវនេះមិនចំណាយដើមទុនឡើយ ហើយចំណូលដែលទទួលបានអាចយកមកដោះស្រាយជីវភាព និងផ្គត់ផ្គង់ក្នុងសិក្សារបស់កូនៗបាន៕

អត្ថបទខ្លីសរសេរដោយ  សេង សុភ័ក្រ យុវជនខេត្តកំពង់ធំ ជាសិក្ខាកាមក្នុងវគ្គបណ្តុះបណ្តាលអំពីអក្ខរកម្មព័ត៌មាន និងប្រព័ន្ធផ្សព្វផ្សាយ (MIL) រៀបចំដោយមណ្ឌលព័ត៌មានស្រ្តីកម្ពុជា(WMC) ក្រោមជំនួយបច្ចេកទេសពីអង្គការអភិវឌ្ឍន៍ប្រព័ន្ធផ្សព្វផ្សាយអាឡឺម៉ង់(DW)។

បញ្ចេញមតិ

avatar

ព័ត៌មានទាក់ទង

បាត់ដំបង៖ អាជ្ញាធរឃុំកកោះចុះសម្ភាសន៍ពលរដ្ឋផ្តល់ប័ត្រក្រីក្រ

បាត់ដំបង៖ អាជ្ញាធរឃុំកកោះ ស្រុកមោងឫស្សី ខេត្ត[...]

កំពង់ធំ៖ ទឹកតូច ផលត្រីធ្លាក់ចុះ ប្រជានេសាទស្រុកបារាយណ៍ខ្លះត្អូញត្អែរពីបំណុលធនាគារ

ខេត្តកំពង់ធំ៖ អង្គុយលើទូកតូចមួយលោក ញូង ភក្រ្ត[...]

ពលរដ្ឋជនបទខ្លះសង់បង្គន់ពីស្លឹកត្នោតនិងស័ង្កសីចាស់ៗបញ្ចប់ការបន្ទោបង់ពាសវាលពាសកាល

ខេត្តកំពង់ធំ៖ ជាគំរូមួយដ៏ល្អប្រសើរ ប្រជាពលរដ្[...]

ព័ត៏មានថ្មី

វីដេអូថ្មីបំផុត