loader

ឡាយ⁣ ឌីនណា “ខ្ញុំចាប់ផ្តើមការងារដំបូងពីសកម្មភាពស្ម័គ្រចិត្តជួយសង្គម⁣”

កញ្ញា ឡាយ ឌីនណា ជាយុវតីម្នាក់ក្នុងចំណោមយុវជនច្រើននាក់ទៀតនៅក្នុងខេត្តកំពង់ធំ ដែលបានបន្តការសិក្សានៅរាជធានីភ្នំពេញ។ មានទីកន្លែងកំណើតនៅភូមិកំពង់ក្របៅ ឃុំកំពង់ក្របៅ ក្រុងស្ទឹងសែន ខេត្តកំពង់ធំ កញ្ញា ឡាយ ឌីនណា បានក្លាយខ្លួនជាមន្រ្តីបណ្តុះបណ្តាលរបស់អង្គការក្តីករុណាមួយរូបនាពេលបច្ចុប្បន្ន។

 

ឌីនណា ជាកូនទីពីរក្នុងចំណោមបងប្អូនបីនាក់ក្នុងគ្រួសារ ដែលម្តាយឪពុកជាគ្រូបង្រៀន។⁣ កញ្ញាបានចាប់ផ្តើមការងារដំបូងជាអ្នកធ្វើការងារស័្មគ្រចិត្តជួយកិច្ចការសង្គមតាមរយៈអង្គការសង្គមស៊ីវិលក្នុងស្រុក ចាប់តាំងពីចុងឆ្នាំ២០១២ ទន្ទឹមនឹងការសិក្សាឆ្នាំទី៣ នៅសាកលវិទ្យាល័យ។

អ្នកខេត្តកំពង់ធំ មានអាយុ ២៥ឆ្នាំរូបនេះ បានចំណាយពេលវេលាធ្វើការងារស្ម័គ្រចិត្តជាមួយនឹងអង្គការសង្គមស៊ីវិលផ្សេងៗយ៉ាងច្រើន ដោយ⁣ផ្តោតទៅលើបញ្ហាសុខភាពយុវជន ការផ្សះផ្សាផ្លូវចិត្តជនរងគ្រោះក្នុងសម័យខ្មែរក្រហម ការកសាងសន្តិភាពសង្គម និងបញ្ហាលើកកម្ពស់សិទ្ធិស្ត្រីជាដើម។ “ការងារដែលខ្ញុំធ្វើភាគច្រើន គឺចុះទៅតាមបណ្តាខេត្តផ្សេងៗជួបប្រជាពលរដ្ឋនៅក្នុងសហគមន៍”

និយាយបណ្តើរ ធ្វើកាយវិការពន្យល់បណ្តើរ អ្នកមានចំណូលចិត្តធ្វើការងារស្ម័គ្រចិត្តជួយសង្គម⁣រូបនេះ បានឲ្យដឹងថា ទោះការងារទាំងនោះជួបបញ្ហាលំបាកយ៉ាងណាក៏ដោយ ក៏នាងព្យាយាមធ្វើកិច្ចការធ្វើមិនរាថយឡើយ។ តាមរយៈបទពិសោធន៍ធ្វើការងារស្ម័គ្រចិត្តនេះ បានធ្វើឲ្យកញ្ញា សម្រេចគោលបំណងការងារ និងមានជំហររឹងមាំក្នុងជីវិត ខណៈមានការគាំទ្រលើកទឹកចិត្តពីសមាជិកក្រុមគ្រួសារ⁣ និងមិត្តភក្តិរួមការងារ។

កញ្ញា ឡាយ ឌីនណា ៖ “ ខ្ញុំចង់ឲ្យម្តាយឪពុក⁣ អាណាព្យាបាលលើកទឹកចិត្តឲ្យកូនស្រីបន្តការសិក្សាឲ្យបានខ្ពស់ និងមានសិទ្ធិក្នុងការសម្រេចចិត្តក្នុងការងារផ្សេងៗ ហើយស្រ្តីខ្លួនឯងក៏ត្រូវបើកឱកាស⁣ បើកចិត្តទទួលធ្វើកិច្ចការអ្វីដែលខ្លួនកំពុងធ្វើ

អត្ថបទដោយ ម៉ៅ សំណាង 

  

Leave a Reply

Your email address will not be published. Required fields are marked *

ព័ត៌មានទាក់ទង

កញ្ញា ទូច សុជាតិតា ផ្តើមការងារបុគ្គលិកអង្គការក្លាយជាសហគ្រិនគ្រប់គ្រងក្រុមហ៊ុនចំនួនបី

ភ្នំពេញ៖ ផ្តើមការងារពីបុគ្គលិកអង្គការ កញ្ញា ទ[...]

សហជីពស្រ្តី ៣១នាក់ ទទួលបានពានរង្វាន់«ស្រ្តីឆ្នើមក្នុងចលនាសហជីពមូលដ្ឋាន»ឆ្នាំ២០១៧នេះ

ភ្នំពេញ៖ ឆ្លងកាត់ការប្រកួតប្រជែងនិងវគ្គជម្រុះ[...]

តារាងសម្ដែងជើងចាស់ អ្នកស្រី ចាន់ ស៊ីផាន់ធ្លាក់ខ្លួនឈឺដង្ហោយជួបអ្នកសម្ដែងរួមជំនាន់

ភ្នំពេញ៖ តារាសម្ដែងស្រីទសវត្សឆ្នាំ១៩៨០-៩០ ម្ន[...]

ព័ត៏មានថ្មី

វីដេអូថ្មីបំផុត