loader

ព្រះមហាក្សត្រប្រកាសឱ្យប្រើវិសោធនកម្មច្បាប់ស្ដីពីគណបក្សនយោបាយ

ភ្នំពេញ៖ ច្បាប់ស្តីពីវិសោធនកម្មស្ដីពីគណបក្សនយោបាយ មាត្រា ៤៥ថ្មី ស្ទួន ត្រូវបានព្រះមហាក្សត្រ ចេញព្រះរាជក្រមប្រកាសដាក់ឲ្យប្រើប្រាស់ជាផ្លូវការ ។ ច្បាប់នេះ វិសោធនកម្មឡើង ដើម្បីជាការបើកផ្លូវដល់បុគ្គលដែលត្រូវបានតុលាការហាមឃាត់សិទ្ធិធ្វើសកម្មភាពនយោបាយ ឱ្យមានសិទ្ធិធ្វើនយោបាយឡើងវិញ ។ ច្បាប់នេះទទួលការរិះគន់ជាច្រើនពីសាធារណៈជន ។

លោក សោម លាភ រាយការណ៍៖

 

តាមព្រះរាជក្រមដែលចុះព្រះហស្ថលេខា ដោយព្រះមហាក្សត្រព្រះបាទនរោត្តមសីហមុនី កាលពីថ្ងៃទី ២ មករា ឆ្នាំ ២០១៩ បញ្ជាក់ថា ច្បាប់នេះប្រកាសឱ្យប្រើប្រាស់ជាប្រញាប់ ។

ច្បាប់ស្ដីពីវិសោធនកម្មច្បាប់ស្ដីពីគណបក្សនយោបាយ ត្រូវបានបណ្ដាអ្នកវិភាគយល់ថា ជាការធ្វើឡើងដើម្បីបំបែកផ្ទៃក្នុងរបស់អតីតគណបក្សសង្រោះជាតិ ។

ជាងនេះ ការវិសោធនកម្មនេះ ជាចេតនារបស់អ្នកបង្កើតច្បាប់ដែលទុកចន្លោះក្នុងការបកស្រាយដើម្បីយកឈ្នះលើភាគីម្ខាងទៀតតែប៉ុណ្ណោះ ។

ដោយឡែក អ្នកច្បាប់ថា ការវិសោធនកម្មច្បាប់ច្រើនដងធ្វើឱ្យច្បាប់គ្មានតម្លៃនោះទេ ព្រោះជាការធ្វើច្បាប់សម្រាប់ប្រើតែមួយរយៈពេលខ្លី ។

ច្បាប់ស្តីពីវិសោធនកម្មច្បាប់ស្ដីពីគណបក្សនយោបាយ មាត្រា ៤៥ ថ្មីស្ទួន តំណាងរាស្ត្រ ចំនួន ៨៧ រូបចុះហត្ថលេខា សើរើធ្វើវិសោធនកម្មឡើងវិញ ។

មាត្រា ៤៥ ថ្មី(ស្ទួនមួយ) ចែងថា គណបក្សនយោបាយដែលត្រូវបានសម្រេចផ្អាកសកម្មភាព មិនត្រូវអនុញ្ញាតឱ្យចូលរួមប្រកួតប្រជែងក្នុងការបោះឆ្នោតឡើយ ។

ត្រូវលុបចេញពីបញ្ជីគណបក្សនយោបាយឈរឈ្មោះបោះឆ្នោត ក្នុងករណីដែលគណបក្សនយោបាយនោះ ត្រូវបានសម្រេចផ្អាកសកម្មភាព ឬត្រូវបានសម្រេចរំលាយសម្របតាមច្បាប់នេះ ។

បុគ្គលដែលត្រូវបានតុលាការសម្រេចហាមឃាត់ការធ្វើសកម្មភាពនយោបាយមិនអាច៖

-បង្កើតគណបក្សនយោបាយ ឬ

-ចូលរួមក្នុងគណកបក្សនយោបាយណាមួយ ឬ

-ឈរឈ្មោះឱ្យគេបោះឆ្នោត ឬ

-ធ្វើសកម្មភាពណាមួយគាំទ្រ ឬប្រឆាំងគណបក្សណាមួយបានឡើយ ។

បុគ្គលដែលបានតុលាការ សម្រេចហាមឃាត់ការធ្វើសកម្មភាពនយោបាយនេះ នឹងអាចទទួលបានវិញនូវសិទ្ធិនយោបាយពេញលេញដោយពេញច្បាប់ បន្ទាប់ពីផុតរយៈពេលនៃការហាមឃាត់ដែលកំណត់ដោយសាលដីការបស់តុលាការកំពូល ឬក្នុងករណីដែលបុគ្គលនោះត្រូវបានផ្តល់នីតិសម្បទាឡើងវិញដោយព្រះមហាក្សត្រ តាមសំណើរបស់នាយករដ្ឋមន្រ្តី តាមសេចក្តីស្នើសុំរបស់រដ្ឋមន្រ្តីក្រសួងមហាផ្ទៃ ។

ក្រោយពេលមួយថ្ងៃនៃច្បាប់នេះ ត្រូវបានចូលជាធរមានដោយព្រះមហាក្សត្រឡាយព្រះហស្ថលេខា សម្ដេច ស ខេង រដ្ឋមន្ត្រីក្រសួងមហាផ្ទៃ មានប្រសាសន៍កាលពីថ្ងៃទី ៣ ខែមករាថា មិនទាន់មានអ្នកនយោបាយ ដែលត្រូវបានហាមឃាត់សិទ្ធិធ្វើនយោបាយណាម្នាក់ មកសុំសិទ្ធិធ្វើនយោបាយនៅឡើយនោះទេ ។

ថ្មីៗនេះ លោកផៃ ស៊ីផាន អ្នកនាំពាក្យគណៈរដ្ឋមន្ត្រីថា មានតែនាយករដ្ឋមន្ត្រីតែម្នាក់គត់ ដែលមានសិទ្ធិស្នើសុំទៅព្រះមហាក្សត្រ ដកបម្រាមសិទ្ធិធ្វើនយោបាយដល់បុគ្គលដែលហាមឃាត់សិទ្ធិធ្វើនយោបាយនោះ ៕

អត្តបទដោយ៖ សោម លាភ

ព័ត៌មានទាក់ទង

ក្រសួងពាណិជ្ជកម្ម៖ អឺរ៉ុបយកពន្ធអង្ករពីកម្ពុជាប្រៀបដូចសម្លាប់កសិករក្រីក្រ

ភ្នំពេញ៖ ក្រសួងពាណិជ្ជកម្ពុជានៅថ្ងៃទី១៧ មករា [...]

លោក សម រង្ស៊ី ថារឿងលោក កឹម សុខា គឺជាបញ្ហាសម្ដេច ហ៊ុន សែន ពិបាកដោះស្រាយ

លោក សម រង្ស៊ី ប្រធានស្ដីទីអតីតគណបក្សសង្គ្រោះជ[...]

តំណក់ប្រេងកាតប្លុកAកម្ពុជានឹងចាប់ផ្ដើមទាញមកចម្រាញ់នៅខែតុលាឆ្នាំ២០១៩

កម្ពុជានឹងចាប់ផ្ដើមទាញយក តំណក់ប្រេងលើកដំបូងបង[...]

ព័ត៏មានថ្មី

វីដេអូថ្មីបំផុត