ប្រធានាធិបតីនៃប្រទេសកូឡំប៊ី លោក Juan Manuel Santosបាននិយាយថា ប្រទេស កូឡំប៊ីត្រូវបានអនុម័តអោយចូលជាសមាជិកនៃអង្គការយោធាណាតូ ជាមួយអឺរ៉ុបនៅក្នុងសប្ដាហ៍នេះ។
បើគិតពីសមាជិកភាពនៃប្រទេសកូឡំប៊ី នាំអោយអង្គការណាតូ មានសមាជិក ៣០ប្រទេស។ ប្រទេសជាសមាជិករបស់អង្គការនេះ ភាគច្រើនជាប្រទេសអឺរ៉ុប ហើយនៅទ្វីបអាមេរិកគឺមានតែអាមេរិកនិងប្រទេសកាណាដា ដែលបានក្លាយជាសមាជិករបស់ក្រុមយោធានេះមុនគេ។ ណាតូត្រូវបានបង្កើតឡើងនៅឆ្នាំ ១៩៤៩ ដើម្បីការពារលោកសេរី នៅក្នុងទ្វីបអឺរ៉ុប។
លោកប្រធានាធិបតី កូឡំប៊ីបាននិយាយកាលពីថ្ងៃសុក្រទី២៥ឧសភាថា លោកត្រូវទៅកាន់ទីក្រុងព្រូចហ្សែល នៅសប្ដាហ៍នេះ ដើម្បីទទួលឋានៈជាសមាជិកភាពពីលោកអគ្គលេខាធិការ អង្គការណាតូលោកJens Stoltenberg នៅថ្ងៃទី៣១ឧសភា។
តាមទីភ្នាក់ងារសារព័ត៌មាន Reuters ប្រទេសកូឡំប៊ីបានដាក់ពាក្យសុំចូលជាសមាជិកអង្គការណាតូនៅ ឆ្នាំ២០១៦។
ប្រធានាធិបតីនៃប្រទេសកូឡំប៊ី លោក Juan Manuel Santos ចាត់ទុកថា ប្រទេសរបស់លោកចាប់ផ្ដើមមានបុព្វសិទ្ធិ គាំទ្រពេញទំហឹងពី អង្គការណាតូ។
នេះជាកំណត់ហេតុប្រវត្តិសាស្ត្រមួយដ៏គួរអោយ ភ្ញាក់ផ្អើលដែលប្រទេសមួយនៅទ្វីបដទៃជាពិសេសនៅទ្វីបអាមេរិកឡាទីនបានក្លាយជាសមាជិកនៃអង្គការយោធាដ៏មានឥទ្ធិពលលើពិភពលោកនេះ៕