en     km
en     km

CCHR​ ៖​ ស្ត្រី​ជា​សកម្មជន​នៅ​តែ​ប្រឈម​ការ​យាយី​ និង​រើសអើង​ក្នុង​សង្គម​

Share

ភ្នំពេញ​ ៖​ ស្ត្រី​សកម្មជន​សិទ្ធិ​មនុស្ស​ ស្ត្រី​សកម្មជន​ដីធ្លី​ និង​ស្ត្រី​ចេញ​មុខ​តស៊ូ​មតិ​ក្នុង​សង្គម​នៅ​តែ​ប្រឈម​ការ​រើ​ង​អើ​ង​ទាំង​ក្នុង​សង្គម​ និង​គ្រួសារ​ ហើយ​ជា​រឿយៗ​ស្ត្រី​ទាំងនោះ​តែ​តែង​រង​អំពើ​ហិង្សា​ពី​សំណាក់​សមត្ថកិច្ច​។​

នេះ​ជា​ការ​លើក​ឡើង​របស់​នាយិកា​មជ្ឈមណ្ឌល​សិទ្ធិ​មនុស្ស​ ក្នុង​កម្មវិធី​តាំងពិព័រណ៍​របស់​មជ្ឈមណ្ឌល​សិទ្ធិ​មនុស្ស​ ស្តី​ពី​រូបថត​សកម្មជន​ជា​ស្ត្រី​ អ្នក​ការពារ​សិទ្ធិ​មនុស្ស​ សិទ្ធិ​កម្មករ​ និង​សិទ្ធិ​ដីធ្លី​ នៅ​ព្រឹក​ថ្ងៃ​ទី​៧​ មីនា​នេះ​។​

 

លោកស្រី ចក់ សុភាព នាយិកាមជ្ឈមណ្ឌលសិទ្ធិមនុស្ស ថ្លែងក្នុងកម្មវិធីតាំង ពិព័រណ៍របស់មជ្ឈមណ្ឌលសិទ្ធិមនុស្ស ស្តីពីរូបថតសកម្មជនជាស្ត្រី អ្នកការពារសិទ្ធិមនុស្ស សិទ្ធិកម្មករ និងសិទ្ធិដីធ្លី នៅព្រឹកថ្ងៃទី៧ មីនានេះ។WMC/កែវ សុខា
លោកស្រី ចក់ សុភាព នាយិកាមជ្ឈមណ្ឌលសិទ្ធិមនុស្ស ថ្លែងក្នុងកម្មវិធីតាំង ពិព័រណ៍របស់មជ្ឈមណ្ឌលសិទ្ធិមនុស្ស ស្តីពីរូបថតសកម្មជនជាស្ត្រី អ្នកការពារសិទ្ធិមនុស្ស សិទ្ធិកម្មករ និងសិទ្ធិដីធ្លី នៅព្រឹកថ្ងៃទី៧ មីនានេះ។WMC/កែវ សុខា
លោក​ស្ត្រី​ ចក់​ សុភាព​ នាយិកា​ មជ្ឈមណ្ឌល​សិទ្ធិ​មនុស្ស​ មាន​ប្រសាសន៍​ថា​ បញ្ហា​ប្រឈម​របស់​ស្ត្រី​សកម្មជន​ដីធ្លី​ និង​ស្ត្រី​សកម្មជន​ការពារ​សិទ្ធិ​ជាដើម​ តែងតែ​ទទួល​រង​ការ​គម្រាមកំហែង​ យាយី​ពី​អាជ្ញាធរ​ ហើយ​ក៏​រង​ការ​ចាប់ចង់​ដាក់​ពន្ធនាគារ​ផង​ដែរ​ នៅ​ពេល​ស្ត្រី​ទាំងនោះ​ស្វែងរក​កិច្ច​អន្តរាគមន៍​ដោះស្រាយ​បញ្ហា​ដែល​កើត​មាន​ឡើង​ក្នុង​សហគមន៍​។​

លោកស្រី​ក៏​បាន​លើក​ករណី​ជាក់ស្តែង​ ដូច​ជា​ មន្ត្រី​ការពារ​សិទ្ធិ​មនុស្ស​ លោកស្រី​  លឹ​ម​ មុន្នី​ និង​ស្ត្រី​សកម្មជន​ដីធ្លី​ អ្នកស្រី​ ទេព​ វ​ន្នី​ បាន​ជាប់​ពន្ធ នាគារ​ដោយសារ​សកម្មភាព​ចេញ​មុខការ​ពារ​សិទ្ធិ​ពលរដ្ឋ​ និង​សកម្មភាព​ទាមទារ​សិទ្ធិ​ដីធ្លី​។

លោកស្រី​ ចក់​ សុភាព​ យល់​ថា​ សកម្មភាព​របស់​សកម្មជន​ជា​ស្ត្រី​ក្នុង​សង្គម​ គួរតែ​ត្រូវ​បាន​ទទួល​ការ​ការពារ​ និង​លើកទឹកចិត្ត​ ពី​គ្រប់​មជ្ឈដ្ឋាន​ពាក់ ព័ន្ធ​ ពិសេស​អាជ្ញា​ធរមាន​សមត្ថកិច្ច​។

​ក្នុង​កម្មវិធី​ដែល​ធ្វើ​ឡើង​ជិត​ ៥​ ម៉ោង​ ក៏​មាន​រៀប​ចំការ​សម្តែង​ឈុត​ឆាក​ខ្លីៗ​ស្តី​ពី​ការ​ចូលរួម​របស់​ស្ត្រី​ក្នុង​ការ​តស៊ូ​មតិ​ក្នុង​សង្គម​ ដែល​សម្តែង​ដោយ​ស្ត្រី​រង​គ្រោះ​ក្នុង​ជម្លោះដីធ្លី​តែ​ម្តង​។​

​យ៉ាងណា​ក្នុង​ឈុត​សម្តែង​នោះ​ដែល​ ក៏​បាន​បង្ហាញ​ពី​ការ​រើសអើង​ពី​ក្រុម​គ្រួសារ​ និង​ការ​យាយី​ពាប់​ជ្រាយ​ពី​អាជ្ញាធរ​ដែនដី​ផង​ដែរ​។​

​តំណាង​ស្ត្រី​សហគមន៍​ផ្លូវ​រថភ្លើង​ក្នុង​រាជធានី​ភ្នំពេញ​មួយ​រូប​ បាន​ថ្លែង​ចាប់អារម្មណ៍​ក្នុង​វេទិកា​ថា​ អ្នកស្រី​តែង​ទទួល​រង​ការ​ប្រមាថ​ជា​ពាក្យ​សម្តី​ពី​សំណាក់​អាជ្ញាធរ​ដែនដី​ ហើយ​ក៏​ធ្លាប់​រង​ហិង្សា​ពី​សមត្ថកិច្ច​ផង​ដែរ​នៅ​ពេល​ចេញ​ទាមទារ​ឱ្យ​អាជ្ញាធរ​ស្វេ​ងរ​ក​ដំណោះស្រាយ​ជូន​សហគមន៍​ដែល​កំពុង​រង​ការ​បណ្តេញចេញ​។

កម្មវិធីតាំងពិព័រណ៍រូបថតរបស់មជ្ឈមណ្ឌលសិទ្ធិមនុស្ស។WMC/កែវ សុខា
កម្មវិធីតាំងពិព័រណ៍រូបថតរបស់មជ្ឈមណ្ឌលសិទ្ធិមនុស្ស។WMC/កែវ សុខា
​​ក្នុង​កម្មវិធី​តាំង​រូបថត​សកម្មជន​ជា​ស្ត្រី​នេះ​ ក៏​មានការ​ចូលរួម​ពី​លោកស្រី​ វ៉ា​ន់​ហ៊ី​ លី​ (Wan-Hea​ Lee)​ តំណាង​ពិសេស​របស់​អង្គការសហប្រជាជាតិ​ ទទួល​សិទ្ធិ​មនុស្ស​ប្រចាំ​នៅ​កម្ពុជា​ផង​ដែរ​។​ លោកស្រី​ថ្លែង​ថា​ នៅ​លើ​ពិភពលោក​ ក៏​មិន​ខុស​ពី​កម្ពុជា​នោះ​ទេ​ ស្ត្រី​បាន​ធ្វើការ​យ៉ាង​សកម្ម​ក្នុង​ការ​ស្វែងរក​ដំណោះស្រាយ​ក្នុង​សហគមន៍​របស់​ពួក​គេ​។​ លោកស្រី​ ក៏​ថ្លែង​ជំរុញ​ឱ្យ​ស្ត្រី​ រួម​គ្នា​ការពារ​សិទ្ធិ​ និង​ទាមទារ​សិទ្ធ​ពី​ការ​រំលោភ​បំពាន​ផ្សេងៗ​ឱ្យ​បាន​សកម្ម​។​ លោកស្រី​បន្ត​ថា​ សកម្មជន​ការពារ​សិទ្ធិ​មនុស្ស​ជា​ស្ត្រី​គឺ​មាន​អំណោយទាន​ច្រើន​ជាង​បរុស​ ដោយ​ស្ត្រី​មាន​ភាព​បទ​បែន​ ភាព​សម្រូប​សម្រួល​ និង​ភាព​ឆ្លាត​វៃ​ច្រើន​។​

សូម​ជំរាប​ថា​ ក្នុង​កម្មវិធី​តាំងពិព័រណ៍​រូបថត​របស់​មជ្ឈមណ្ឌល​សិទ្ធិ​មនុស្ស​នេះ​ ក៏​មានការ​ចាក់​បញ្ចាំង​វី​ដេ​អូ​ខ្លី​ ស្ដី​ពី​ការ​អំពាវនាវ​របស់​គ្រួសារ​អ្នក​ការពារ​សិទ្ធិ​មនុស្ស​ ការ​ចែករំលែក​បទ​ពិសោធន៍​ និង​ការ​ប្រឈម​របស់​សកម្មជន​ជា​ស្ត្រី​ផង​ដែរ​។​ ការ​សម្តែង​រឿង​ខ្លី​  ហើយ​ក៏​មាន​តាំង​រូបថត​ប្រ មាណ​ ២០​ផ្ទាំង​ ដែល​ជា​រូបថត​របស់​ស្ត្រី​ការពារ​សិទ្ធិ​មនុស្ស​ ស្ត្រី​សកម្មជន​ដីធ្លី​ និង​ស្ត្រី​ការពារ​សិទ្ធិ​កម្មករ​ អប​ជាមួយ​ប្រវត្តិរូប​សង្ខេប​របស់​ស្ត្រី​និ​មួយៗ​ផង​ដែរ​។​ ក្នុង​ចំណោម​រូបថត​ទាំង​ ២០​ផ្ទាំង​នេះ​ គេ​ឃើញ​មាន​រូប​លោកស្រី​ លឹ​ម​ មុន្នី​ មន្ត្រី​ការពារ​សិទ្ធិ​មនុស្ស​សមាគម​ន៍​អា​ដ​ហុ​ក​ អ្នកស្រី​ ទេព​ វ​ន្នី​ និង​ ប៊ូ​វ​ សោភា​ សកម្មជន​ដីធ្លី​តំបន់​បឹង​កក់​ ព្រមទាំង​អ្នកស្រី​ អ៊ុំ​ សុ​ភី​ តំណាង​សហគមន៍​ដីធ្លី​តំបន់​ឡ​ពាង​ ខេត្តកំពុងឆ្នាំង​ និង​សកម្មជន​ស្ត្រី​ផ្សេងៗ​ទៀត​៕

Share

Image
Image
Image