ក្រសួងធនធានទឹកនិងឧតុនិយមបានព្យាករណ៍អាកាសធាតុថា ប្រទេសកម្ពុជានឹងចុះត្រជាក់និងមានភ្លៀងធ្លាក់រាយប៉ាយពីតិចទៅបង្គួរចាប់ពីថ្ងៃទី ៣ ដល់ថ្ងៃទី ១០ ខែមករា ឆ្នំា ២០១៨នេះ។
បើយោងតាមសេចក្តីជូនដំណឹងរបស់ក្រសួងបញ្ជាក់ថាសម្ពាធមួយនៅភាគអាគ្នេយ៍ប្រទេសហ្វីលីពីននឹងរំកិលខ្លួនទៅសមុទ្រចិនខាងត្បូងហើយបន្តដំណើរមកតំបន់ដីសណ្តរទន្លេមេគង្គបណ្តាលឱ្យស្ថានភាពសីតុណ្ណភាពអប្បបរមាមានពី២៣ទៅ ២៤អង្សាសេ និងសីតុណ្ណភាពអតិបរមាពី ២៩ ទៅ ៣០អង្សាសេ។
សេចក្តីប្រកាសបន្ថែមថា សម្ពាធនេះនំាឱ្យមានភ្លៀងធ្លាក់ពីតិចទៅបង្កួរស្ទើរទូទំាងប្រទេស ពិសេសបណ្តាខេត្តនៅតំបន់ទំនាបនិងតំបន់មាត់សមុទ្រចាប់ពីថ្ងៃទី៥ដល់ថ្ងៃទី៩ ខែមករា៕
