ភ្នំពេញ៖ សត្វរំពេទន្លេ ជាសត្វបក្សីមួយប្រភេទដែលស្ទើរតែជិតផុតទៅហើយនៅកម្ពុជា ដោយសារតែមិនមានចំណាត់ការទាន់ពេលវេលា។
អង្គការជីវិតធម្មជាតិនៅកម្ពុជា NatureLife Cambodia បានរកឃើញនៃការធ្លាក់ចុះនេះថា បណ្ដាលមកពីការបរាជ័យក្នុងការពងកូន ការបាត់បង់ទីជម្រក និងការប្រែប្រួលនៃរបបជលសាស្រ្ដជាដើម។
តាមការបញ្ជាក់របស់ NatureLife Cambodia ចុះផ្សាយនៅលើគេហទំព័របស់ខ្លួន សត្វរំពេទន្លេត្រូវការផែនការអភិរក្សជាក់លាក់ ដើម្បីធានាថា វានឹងមិនផុតពូជនៅក្នុងប្រទេសកម្ពុជា។
តាមអង្គការជីវិតធម្មជាតិនៅកម្ពុជាដដែលនេះ រកឃើញទៀតថា ទីជម្រករបស់រំពេទន្លេ មាននៅតាមដងទន្លេមេគង្គ ទន្លេសេកុង ទន្លេសេសាន ទន្លេស្រែពក និង ទន្លេសាប ដែលទីជម្រកទាំងនោះត្រូវការការពារជាក់លាក់មួយចំពោះសត្វដែលជិតផុតពូជទាំងនេះ។
«ទន្លេមេគង្គ ទន្លេសេកុង ទន្លេសេសាន ទន្លេស្រែពក និងទន្លេសាប គឺជាជំរកសំខាន់របស់សត្វរំពេទន្លេ នៅក្នុងប្រទេសកម្ពុជា។ បញ្ហានេះត្រូវការសកម្មភាពអភិរក្សជាបន្ទាន់មុនពេលវាយឺតពេល»។
តាមអង្គការមួយនេះ សត្វរំពេទន្លេរស់នៅក្នុងប្រទេសកម្ពុជា តែប្រមាណ ពី៥៤ ទៅ ៦២ក្បាលប៉ុណ្ណោះ៕
