ភ្នំពេញ៖ អគ្គិសនីកម្ពុជា (EDC) បានចេញសេចក្តីជូនដំណឹងមួយកាលពីថ្ងៃទី ០៥ ខែមីនា ដោយបញ្ជាក់ពីការផ្អាកផ្គត់ផ្គង់ចរន្តអគ្គិសនីនៅខណ្ឌមួយចំនួន ក្នុងរាជធានីភ្នំពេញ ចាប់ពីថ្ងៃទី ០៧ ខែមេសា ដល់ថ្ងៃទី ១០ ខែមេសា ឆ្នាំ ២០១៦ ។ កាផ្អាកផ្គត់ផ្គង់នេះ ដើម្បីអនុវត្តន៍ការងារធ្វើការជួសជុល ផ្លាស់ប្តូរ ដំឡើងបរិក្ខារ និងរុះរើគន្លងខ្សែបណ្តាញបង្ករលក្ខណៈងាយស្រួលដល់ការដ្ឋានពង្រីកផ្លូវ។
ខណ្ឌដែលត្រូវផ្អាកអគ្គិសនីជាបណ្ដោះអាសន្ននៅរាជធាភ្នំពេញ មានដូចខាងក្រោម៖
១. ថ្ងៃព្រហស្បតិ៍ទី ០៧ ខែមេសា ឆ្នាំ ២០១៦ ចាប់ពីម៉ោង ០៩ ព្រឹកដល់ម៉ោង ១៧ ល្ងាច នឹងផ្អាកការផ្គត់ផ្គង់អគ្គិនីៈ (១) តំបន់ភ្លើងលេខ ប.ត ៣៣២ ស្ថិតនៅភូមិចាន់ ក្នុងសង្កាត់ច្បារអំពៅ២ ខណ្ឌច្បារអំពៅ (២) តំបន់ភ្លើងលេខ ប.ត៤៦៨ ស្ថិតនៅក្នុងសង្កាត់បឹងកេងកង២ ខណ្ឌចំការមន នឹង (៣) តំបន់ភ្លើងមួយចំនួនដែលស្ថិតនៅភូមិកប់ស្រូវតូច ភូមិកប់ស្រូវធំ ភូមិស្វាយចេក ភូមិទួលសំពៅ ក្នុងសង្កាត់គោករកាខណ្ឌព្រែកព្នៅ រាជធានីភ្នំពេញ។
២. ថ្ងៃសុក្រទី ០៨ ខែមេសា ឆ្នាំ ២០១៦ ចាប់ពីម៉ោង០៩ ព្រឹកដល់ម៉ោង ១៧ ល្ងាច នឹងផ្អាកការផ្គត់ផ្គង់អគ្គិសនី(១)តំបន់ភ្លើងលេខ ប.ត ៣៣២ ស្ថិតនៅភូមិដើមចាន់ ក្នុងសង្កាត់ច្បារអំពៅ២ ខណ្ឌច្បារអំពៅ (២)តំបន់ភ្លើងលេខ ប.ត ៥១០ ស្ថិតនៅភូមិត្រពាងថ្លឹង ក្នុងសង្កាត់ចោមចៅ ខណ្ឌពោធិ៍សែនជ័យ និង (៣) តំបន់ភ្លើងមួយចំនួនដែលស្ថិតនៅភូមិព្រៃព្រីងខាងជើង ភូមិព្រៃកព្រីងខាងត្បូង ភូមិថ្មគោល ភូមិព្រៃសណ្ដែក ភូមិក្រាំងដូនទៃក្នុងសង្កាត់ចោមចៅ ភូមិកន្ទោកត្បូង ភូមិកន្ទោកជើង ក្នុងសង្កាត់កន្ទោកខណ្ឌពោធិ៍សែនជ័យ រាជធានីភ្នំពេញ ។
៣.ថ្ងៃសៅរ៏ទី ០៩ ខែមេសា ឆ្នាំ ២០១៦ ចាប់ពីម៉ោង ០៩ ព្រឹកដល់ម៉ោង ១៧ ល្ងាច នឹងផ្អាកការផ្គត់ផ្គង់អគ្គិសនី (១) តំបន់ភ្លើងលេខ ប.ត ៣៣២ ស្ថិតនៅភូមិដើមចាន់ ក្នុងសង្កាត់ច្បារអំពៅពី២ ខណ្ឌច្បារអំពៅ និង (២) តំបន់ភ្លើងមួយចំនួនដែលស្ថិតនៅភូមិទ្រា ភូមិឫស្សី ក្នុងសង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ។
៤. ថ្ងៃអាទិត្យទី ១០ ខែមេសា ឆ្នាំ ២០១៦ ចាប់ពីម៉ោង ០៨ ព្រឹកដល់ម៉ោង ១៧ ល្ងាច នឹងផ្អាកការផ្គត់ផ្គង់អគ្គិសនី (១) តំបន់ភ្លើងលេខ ប.ត ៣៣២ ស្ថិតនៅភូមិដើមចាន់ ក្នុងសង្កាត់ច្បារអំពៅ២ ខណ្ឌច្បារអំពៅ និង (២) តំបន់ភ្លើងមួយចំនួនដែលស្ថិតនៅភូមិក្រោលគោ ភូមិបឹងឈូង ភូមិស្ពានខ្ពស់ ក្នុងសង្កាត់គីឡូម៉ែត្រ៦ ភូមិ១ ភូមិ២ ក្នុងសង្កាត់ច្រាំងចំរេះ១ ភូមិក ភូមិខ ក្នុងសង្កាត់ច្រាំងចំរេះ២ ខណ្ឌឫស្សីកែវ រាជធានីភ្នំពេញ៕
