ស្របពេលសំណង់អាគារ ផ្ទះល្វែងនៅក្នុងរាជធានីភ្នំពេញ រីកដុះដាលឥតឈប់ឈរ គឺជាការចាំបាច់បន្ថែមកម្លាំងពលកម្ម។ តែមិនថាឡើយកម្លាំងបុរស សូម្បីស្ត្រីក៏ជាកម្លាំងស្នូលនៃការងារប្រើកម្លាំងបាយនេះដែរ។
រយៈពេលចុងក្រោយនេះគេសង្កេតឃើញស្ត្រី បានចូលបម្រើការងារក្នុងវិស័យសំណង់ កាន់តែច្រើនឡើង។ ជាការពិតពួកគាត់ធ្វើការងារនេះគឺដើម្បីបានប្រាក់ចិញ្ចឹមខ្លួន និងជួយសេដ្ឋកិច្ចដោយឃា្លតចាកពីក្រុមគ្រួសារមករស់នៅទីក្រុង។
តាមការអង្កេត ស្ត្រីទាំងនោះ បញ្ចេញពលកម្ម ដូចបុរសដែរ ដូចជាលីសែង ស៊ីម៉ង ឥដ្ឋ និង លាបកំបោជាដើម។ កញ្ញា ច្រឹក ស្រីអូន អ្នករាយការណ៍ព័ត៌មានរបស់ វិទ្យុស្ត្រីបានជួបស្ត្រីកម្មករសំណង់ទាំងនោះ នៅឯ ការដ្ឋានសំណង់ធំមួយនៅ រាជធានីភ្នំពេញ បានរៀបចំបទយការណ៍នេះ។ សូមស្ដាប់សេចក្ដីរាយការណ៍លម្អិតដូចតទៅ៖
