ភ្នំពេញ៖ លិខិតចំនួន ៣ ដែលត្រូវបានមើលឃើញជាសាធារណៈ បានផ្សព្វផ្សាយនៅមុននេះបន្តិចឱ្យដឹងថា ព្រះមហាក្សត្របានត្រាស់បង្គាប់លើកលែងទោសឱ្យទណ្ឌិត កឹម សុខា ភេទប្រុស អាយុ ៦៣ឆ្នាំ ត្រូវបានតុលាការដាក់ទោសឱ្យជាប់ពន្ធធនាគារ ពីបទមិនចូលខ្លួនតាមដីកាកោះ។
យោងតាមព្រះរាជក្រឹត្យរបស់ព្រះមហាក្សត្រដែលផ្ញើទៅប្រមុខរដ្ឋាភិបាល លោក កឹម សុខា ត្រូវបានលើកលែងទោសជាស្ថាពរ ចាប់ពីថ្ងៃទី ០២ធ្នូ ឆ្នាំ២០១៦នេះតទៅ។
ប៉ុន្ដែលិខិតចំនួន ៣បានកើតឡើងនៅពេលប្រហាក់ប្រហែលគ្នា គឺ លិខិតរបស់លោក កឹម សុខា ផ្ញើទៅ សម្ដេច ហ៊ុន សែន នៅថ្ងៃទី០១ ធ្នូ ហើយក្រោយមកគេឃើញលិខិតរបស់សម្ដេច ហ៊ុន សែន ថ្វាយទៅព្រះមហាក្សត្រ ដើម្បីសុំលើកលែងទោសលោក កឹម សុខា។
តាមរយៈលិខិតទាំងនេះ ទីបំផុតព្រះមហាក្សត្របានប្រទានការលើកលែងទៅជាស្ថាពរ ឱ្យលោក កឹម សុខា។
យ៉ាងណាក៏ដោយ ការលើកលែងទោសលោក កឹម សុខា គឺធ្វើឡើងស្របពេលដែល លោក សម រង្ស៊ី ដែលកំពុងនិរទេសខ្លួនទៅក្រៅប្រទេស បានសាងសងគ្នាពីរឿងការផ្ទេរមាត្រដ្ឋានផែន ពី ១លើ ១០០ពាន់ ទៅ១លើ ៥០ពាន់។ ការសាងសងគ្នានេះ បើទោះជាមិនផ្ទាល់ក៏ដោយ គឺ លោក សម រង្ស៊ី យល់ស្របតាមការលើកឡើងរបស់នាយករដ្ឋមន្ដ្រី ហ៊ុន សែន ដែលសុំអោយមានការកែប្រែខ្នាតផែនទី។
តែរឿងគួរឱ្យចម្លែកទៀតនោះ គឺ ករណីផ្ទុះការសន្ទនារវាងកញ្ញាធី សុវណ្ណថា និង សម្ដេច នាយករដ្ឋមន្ដ្រី ហ៊ុន សែន ករណីដែលពាក់ព័ន្ធបំបែកបំបាក់គណបក្សសង្គ្រោះជាតិ រួមទាំងការធ្វើទុក្ខបុកម្នេញលើលោក កឹម សុខា៕