នាយករដ្ឋមន្ត្រីថ្មីនៃប្រទេសម៉ាឡេស៊ី មហាធាមហាម៉ាដ បានអោយដឹងថា ភស្តុតាង ប្រឆាំង អតីត នាយករដ្ឋមន្ត្រីណាជីពរ៉ាហ្សាក់ មានគ្រប់គ្រាន់ហើយ ដើម្បីអោយរដ្ឋអាជ្ញា ពិនិត្យ និងសម្រេច ធ្វើការចោទប្រកាន់ ។
លោក មហាធា បានប្រាប់ ទីភ្នាក់ងារសារព័ត៌មាន Reuters ថាក្រុមស៊ើបអង្កេត ធ្វើការងារនេះ បាន ចប់សព្វគ្រប់ហើយ ដោយរកឃើញឯកសារមួយចំនួន មានចុះហត្ថលេខា របស់លោកណាជីពនិងឯកសារខ្លះ មិនមានការចុះហតហត្ថលេខានោះទេ។តែទាំងនេះ គឺភស្តុតាងរឹងមាំ ដើម្បី កសារសំណុំរឿងប្ដឹងលោកណាជីព។
លោកបានបញ្ជាក់ថា លោកណាជីពមានតួនាទីយ៉ាងសកម្មជាប់ទាក់ទងនឹងធនាគារ1MDB ។
លោកមហាធា បានសន្យានឹងពលរដ្ឋម៉ាឡេស៊ីថា ការប្ដឹងលោកណាជីពជាប់ពាក់ព័ន្ធ ការលួចផ្ទេរ លុយពីធានាគាររដ្ឋ1MDB ទៅកណនីផ្ទាល់ខ្លួន របស់លោកណាជីពគឺ អាយុជីវិត នៃនយោបាយរបស់លោក ក្នុងឋានៈជានាយករដ្ឋន្ត្រី។ លោកលុយទាំងនេះជារបស់ជាតិ។
លុយ ដែលត្រូវបានចោទថាលោកណាជីពដកហូតយកពីធានាគារ 1MDB មាន ៦៨១លានដុល្លារអាមេរិក។ តែបែបនេះក្ដី លោកណាជីពបានបដិសេធ ដោយអះអាងថា លោកជាមនុស្ស ស្អាតស្អំ។
លោក ណាជីព និងភរិយារបស់លោកបានឡើងបំភ្លឺករណីនេះ ចំនួន ២លើកមកហើយនៅចំពោះមុខគណៈកម្មការប្រឆាំងអំពើពុករលួយ។
បើតាម លោកមហាធា រដ្ឋអាជ្ញាធរ អាចចោទលោកណាជីពពីករណី គឺអំពើពុរលួយកឹបកេងទ្រព្យសម្បត្តិរដ្ឋ និងបំពានអំណាចរដ្ឋ។ ករណីរបស់លោក ណាជីព នាំអោយFBI របស់អាមេរិក បើកការសង្កេត ធានាគារនៅប្រទេសមួយចំនួន មានប្រទេសស្វិស ក្រុងហុងកុង និងនៅអាមេរិក។
ករណីនេះ លោកណាជីពនិងភរិយារបស់លោក ត្រូវតុលាការ ហាមចាកចេញពីប្រទេស៕
