ប្រធានគណៈកម្មាធិការសិទ្ធិមនុស្សកម្ពុជា លោក កែវ រ៉េមី នឹងបើកកិច្ចប្រជុំមួយរវាង លោកស្រី វ៉ាន់ ហ៊ីលី តំណាងការិយាល័យឧត្តមស្នងការសហប្រជាជាតិ ទទួលបន្ទុកសិទ្ធិមនុស្ស(OHCHR) ប្រចាំកម្ពុជា នាម៉ោង២រសៀល ថ្ងៃទី០៤ ខែតុលានេះ។
តាមសេចក្ដីជូនដំណឹងរបស់គណៈកម្មាធិការសិទ្ធិមនុស្សកម្ពុជា កិច្ចប្រជុំនេះនឹងប្រព្រឹត្តទៅនៅថ្ងៃអង្គារនេះ វេលាម៉ោង ២ រសៀល នៅទីស្នាក់ការគណៈកម្មាធិកាសិទ្ធិមនុស្សកម្ពុជា ស្ដីពី កិច្ចសហប្រតិបត្តិការវាងគណៈកម្មាធិការសិទ្ធិមនុស្សកម្ពជា(គ.ស.ម.ក) និងការិយាល័យសិទិ្ធមនុស្ស អង្គការសហប្រជាជាតិ នៅកម្ពជា។
កិច្ចប្រជុំនេះ ធ្វើឡើងស្របពេល ក្រុមប្រឹក្សាសិទ្ធិមនុស្ស អង្គការសហប្រជាតិ ដែលមានមូលដ្ឋាននៅ ក្រុងហ្សឺណែវប្រទេសស្វិស ថ្មីៗនេះបានចេញថ្លែងការណ៍រួមមួយ ដាក់ប្រទេសកម្ពុជា ជារដ្ឋកំពុងជួបហានិភ័យ នៃការរំលោភសិទ្ធិមនុស្ស ដ៏គួរឱ្យព្រួយបារម្ភ៕